Fréttablaðið - 20.12.2011, Qupperneq 57

ÞRIÐJUDAGUR 20. desember 2011
LAMBAKJOT.IS
Gljáð hátíðarlambmeð pistasíuhnetum, hunangi, ananas og rauðum perlumSkerið gróft munstur í lærið í líkingu við taflborð. Nuddið með salti og pipar. Bakið við 180 °C í 20 mín. Takið lærið út og látið standa í 15-20 mín. Saxið pistasíuhnetur (ekki of smátt). Sjóðið vatn og hunang í potti ásamt kryddi og ananas. Setjið pistasíur og sjávarsalt útí í lokin. Dreifið helmingnum ofan á lærið og bakið lærið áfram í 30 mín. eða þar til kjarnhiti er orðinn 58-61°. Leyfið lærinu að hvíla í minnst 10 mín. Smyrjið svo með afganginum af vökvanum og berið fram.Eplaturn á blöðrukáli (1 turn á mann)Skerið toppinn af epli, kjarnhreinsið og skerið restina í þrjár til fjórar sneiðar og steikið í smjöri og smá sykri. Blandið saman rjómaosti, piparrót, hunangi og saxaðri myntu og smyrjið á 3 eplasneiðar. Leggið hangikjöt á milli og raðið upp, efst kemur eplalokið með stöngli. Einnig má setja salat með.Skerið blöðrukálið hringlaga og sjóðið í saltvatni í 3 mín. Snöggkælið og hitið svo upp með góðri olíu. TrönuberjasósaSjóðið niður safa og vín með kanilstöng þar til 1/3 er eftir af vökvanum, bætið kjötsoði við og sjóðið áfram þar til góðu bragði er náð.Bætið trönuberjunum í sósuna rétt áður en borið er fram. Sjóðið ekki.
FYRIR 10-12 MANNS2 lambalæri
4 dl hunang, 4 dl vatn200g pistasíuhneturkrydd á hnífsoddi: Malaðar kardímommur, kanill, pipar, malað og ristað kúmen, karrí, 10 msk hakkaður eða saxaður ananas, 1 msk sjávarsalt,1 msk heill rósapipar (rauðar perlur)Eplaturn á blöðrukáli12 smá epli, hrátt hangikjöt 2-3 sneiðar í hvert epli, 400 g rjóma-ostur, 3-4 greinar fersk mynta,2 msk rifin piparrót, 2 msk hunang,smjör, sykur og blöðrukál
Trönuberjasósa1 l trönuberjasafi, kanilstöng, 1 l kjötsoð, 2 dl rauðvín, 100 g trönuber
Jonah Hill leikur í Money-
ball á móti Brad Pitt. Hlut-
verkið hefur breytt lífi hans
til mikilla muna.
Ferill leikarans unga Jonah Hill
hefur heldur betur tekið kipp upp
á við á árinu sem er að líða. Hill,
sem áður var þekktastur fyrir að
hafa leikið í gamanmyndum líkt og
Get Him to the Greek og Superbad,
hefur verið tilnefndur til Screen
Actors Guild og Golden Globe
verðlaunanna fyrir hlutverk sitt í
Moneyball þar sem hann leikur á
móti Brad Pitt og Philip Seymour
Hoffman.
Hill segist enn ekki trúa því að
hann hafi fengið tilnefningarnar,
og segir tilfinninguna líkjast því
að gifta sig eða eignast barn. „Við-
brögðin sem ég hef fengið eru ólík
nokkru sem ég hef kynnst áður.
Þetta er í fyrsta sinn sem eitthvað
svona ótrúlegt gerist í lífi mínu –
mamma mín og pabbi fóru meira
að segja að gráta.“
Hill er ánægður með að hafa
fengið tækifæri til að sýna leik-
hæfileika sína, og telur sig hafa
verið á barmi þess að festast til
frambúðar í sama hlutverkinu sem
feiti, fyndni strákurinn.
Hann sagðist hafa fundið á sér
að stór breyting yrði á lífi hans
þegar hann fékk hlutverkið á móti
Brad Pitt. Þegar tökum á Money-
ball lauk tók leikarinn upp heilsu-
samlegra líferni og hefur grennst
um tugi kílóa. Hann sagði í viðtali;
„Mér líður eins og ég sé staddur
á frábæru skeiði í lífinu. Þetta er
tími breytinga. Mér leið eins og ég
væri að upplifa örlagaríkt augna-
blik þegar ég fékk hlutverkið, og
það var það svo sannarlega.“
Mér leið eins og
ég væri að upplifa
örlagaríkt augnablik þegar ég
fékk hlutverkið.
JONAH HILL
LEIKARI
Hættur að leika
feita strákinn
EFNILEGUR Jonah Hill getur leikið fleira en fyndna hrakfallabálkinn. NORDICPHOTOS/GETTY