Morgunblaðið - 12.08.2010, Blaðsíða 21

Umræðan 21
MORGUNBLAÐIÐ FIMMTUDAGUR 12. ÁGÚST 2010
–– Meira fyrir lesendur
PANTAÐU AUGLÝSINGAPLÁSS
Katrín Theódórsdóttir
Sími: 569 1105
kata@mbl.is
Þann 20.ágúst kemur út glæsilegt
sérblað um skóla og námskeið sem
mun fylgjaMorgunblaðinu
þann dag.
Í blaðinu verður fjallað um þá fjöl-
breyttu flóru sem í boði er fyrir þá
sem stefna á frekara nám í haust.
MEÐAL EFNIS:
Endurmenntun
Símenntun
Tómstundarnámskeið
Tölvunám
Háskólanám
Framhaldsskólanám
Tónlistarnám
Skólavörur
Skólatölvur
Ásamt fullt af
spennandi efni
Skó
lar o
g ná
msk
eið
NÁNARI UPPLÝSINGAR GEFUR:
Skólar og námskeið
PÖNTUNARTÍMI AUGLÝSINGA:
Fyrir kl. 16, mánudaginn 16. ágúst.
Fjármögnunarfyr-
irtækin hafa ákveðið
að halda áfram að inn-
heimta óbreyttar
greiðslur fyrir geng-
istryggða rekstrar-,
einka- og fjármögn-
unarleigusamninga.
Ákvörðunin er sögð
byggjast á lögfræðiá-
liti sem segir að ofan-
greindir samningar
„falli að öllum lík-
indum“ ekki undir dóm Hæstaréttar
frá 16. júní sl. sbr. upplýsingar á
heimasíðu Lýsingar og SP fjár-
mögnunar.
Engar athugasemdir eða tilmæli
eru sett fram af svokölluðum eft-
irlitsaðilum eða Neytendasamtök-
unum vegna þessarar ákvörðunar
og enginn tekur upp hanskann fyrir
þá sem augljóslega skal halda áfram
að brjóta á. Umrætt lögfræðiálit
sem ekki hefur verið birt getur ekki
verið annað en rökleysa. Í dómi
Hæstaréttar nr. 92/2010 þar sem
málsaðilar deildu meðal annars um
það hvort samningurinn væri leigu-
samningur eða lánssamningur (um
var að ræða kaupleigusamning SP
fjármögnunar) úrskurðaði Hæsti-
réttur að samningurinn væri láns-
samningur sem „stefndi kaus í orði
kveðnu að klæða í búning leigu-
samnings“. Horft var til þess að í
samningi væri rætt um höfuðstól,
eftirstöðvar, lántöku í erlendum
gjaldmiðli og afborganir o.fl. Eins
var í samningnum ákvæði um vexti
„en slíkt tíðkast í lánssamningum og
á engan veginn við í leigusamn-
ingum“ segir í dómnum. Þessi atriði
er meira eða minna einnig að finna í
þeim samningum sem fyrirtækin
segja að falli ekki undir dóminn.
Miðað við dóm Hæstaréttar eru
þetta allt lánssamningar klæddir í
hina ýmsu leigubúninga, allir eru
þeir með höfuðstól (einnig nefnt
„leigugrunnur,“ samningsfjárhæð“
eða annað) og bera vexti (oft skráðir
á bls. 2 í samningi með greiðsluáætl-
un). Þar af leiðandi falla samning-
arnir undir lög nr. 38/2001 um vexti
og verðtryggingu og því óheimilt að
binda lánsfjárhæðina við gengi er-
lendra gjaldmiðla.
Í samanburðartöflu á heimasíðu
SP er talað um vaxtakjör og láns-
tíma allra þeirra samninga sem fé-
lagið býður upp á og eins segir á
síðu félagsins að „munurinn á fjár-
mögnunarleigu og kaupleigu felist
einkum í mismunandi bókhaldslegri
og skattalegri meðhöndlun, en kjör
þeirra eru hin sömu.“ Undir liðnum
Spurningar og svör hjá SP segir
einnig berum orðum: „Einkaleiga er
kaupleigusamningur “ (og kaup-
leigusamningur er lánssamningur
skv. Hæstarétti). Á heimasíðu Glitn-
is fjármögnunar er fjallað um höf-
uðstólslækkun fjármögnunarleigu-
samninga og breytingar á
vaxtakjörum þeirra. Í lögfræðiorða-
bók og á heimasíðu SP segir einnig:
„Eignaleiga er samheiti yfir kaup-
leigu, fjármögnunarleigu og rekstr-
arleigu.“ Kaupleigusamningur getur
þar af leiðandi ekki verið mjög frá-
brugðinn fjármögnunar- og rekstr-
arleigusamningum.
Merkilegt að vita til
þess að eftirlitsskyld
fjármálafyrirtæki sem
hafa gerst brotleg
gagnvart þúsundum
manna, stundað nótu-
laus viðskipti til fjölda
ára, dundað sér við
skjalafals (búið til nýja
samninga á nafni lán-
takenda), notað hand-
rukkara til að brjótast
fyrir sig inn í opinberar
byggingar, veitt Fjár-
málaeftirlitinu rangar
upplýsingar um starfsemi sína (sjá
nánar bloggsíðu Erlings A. Jóns-
sonar http://rlingr.blog.is/blog/
rlingr/entry/1083050/) og fleira, fái
óáreitt að halda áfram innheimtu á
lánum sem dæmd hafa verið ólög-
lega verðtryggð af Hæstarétti.
Eftirfarandi tilkynning var birt á
vef Avant 16.2. 2010 og sýnir að
markmiðið var að innheimta eins
mikið og mögulegt var áður en fyr-
irtækið færi í þrot: „Þeir við-
skiptavinir AVANT hf. sem greiða
skilvíslega af gengistryggðum
samningum þar til niðurstaða
Hæstaréttar liggur fyrir missa því
engin réttindi gagnvart félaginu.
Eru viðskiptavinir Avant hf. hvattir
til að greiða skilvíslega af bílasamn-
ingum og forðast vanefndir enda er
fyrirsjáanlegt að þær munu hafa í
för með sér verulegan van-
skilakostnað og óþægindi fyrir hlut-
aðeigandi greiðendur ef Hæstirétt-
ur snýr við niðurstöðu héraðsdóms í
framangreindu máli.“
Eftir dóm Hæstaréttar felldi Lýs-
ing niður a.m.k. eitt mál sem var
fjármögnunarleigusamningur og
komið var inn til dómstóla. Það hefði
félagið varla gert hefði það ekki tal-
ið að dómurinn næði ekki líka til
þeirra samninga. Lýsing hefði auk
þess getað haldið áfram með málið
„til að eyða óvissunni eins fljótt og
auðið er“ eins og félagið segist von-
ast til sbr. tilkynningu á heimasíðu
félagsins frá 23.7. 2010. Á inn-
heimtuseðlum Lýsingar fyrir fjár-
mögnunarleigu komu fram „eft-
irstöðvar“ en þessu hefur verið
breytt á nýjustu seðlunum skv. við-
skiptavini Lýsingar. „Rétt-
aróvissan“ er tilbúningur hjá stjórn-
endum þessara fyrirtækja sem
sérhæfa sig í ólöglegum lánveit-
ingum og svívirðilegri starfsemi sem
á ekkert skylt við viðskipti. Allir
umræddir samningar eru lánssamn-
ingar sbr. skilgreiningu Hæsta-
réttar og falla því undir dóm hans
frá 16. júní sl.
Einbeittur brota-
vilji fjármögnunar-
fyrirtækjanna
Eftir Þórdísi Björk
Sigurþórsdóttur
Þórdís Björk
Sigurþórsdóttir
»Miðað við dóm
Hæstaréttar eru
þetta allt lánssamningar
klæddir í hina ýmsu
leigubúninga, allir eru
þeir með höfuðstól og
bera vexti.
Höfundur er viðskiptafræðingur.
Síðustu árin hafa
nánast engar óhlut-
drægar fréttir af átök-
unum í Gyðingalandi
(Ísrael, Palestínu)
birst í íslenskum fjöl-
miðlum. Mikið hefur
hins vegar birst af
svæsnum hatursáróðri
stuðningsmanna pal-
estínskra öfga-
samtaka, gjarnan und-
ir fölskum formerkjum
heiðarlegrar fréttamennsku og með
fulltingi „aðgerðasinnaðra“ frétta-
manna. Í þágu „málstaðarins“ hafa
þeir ekki hikað við að misnota trún-
aðartraust almennings með rang-
færslum og ýkjum. Hver kannast
ekki við tugi opnugreina í íslenskum
dagblöðum til stuðnings öfgasjón-
armiðum Palestínuaraba, en hver
kannast við að hafa séð þó ekki væri
nema eina slíka til stuðnings sjón-
armiðum meirihluta íbúa Ísraels?
Hver getur nefnt eina?
Tyrkjarán hugarfarsins
Fréttastofa RÚV er glórulaus í
ofstæki sínu og hlutdrægni og svo
snögg upp á lagið er hún þegar Ísr-
ael ber á góma að helst minnir á
krókódíla í náttúrulífsmyndum þeg-
ar priki er stungið upp í þá. Skolt-
arnir skella saman með firnakrafti!
Hiklaust skellir Krókó-Rúv allri sök
á Ísrael þegar átök verða og jafnvel
áður en þau hefjast.
Hið frumstæða taugakerfi frétta-
stofunnar tók mikil flog í upphafi
fréttaflutnings af mannfalli á tyrk-
nesku ófriðarfleyi útifyrir Gaza-
strönd nýlega. Strax var með „að-
gerðasinnuðum“ og ærumeiðandi
hætti gefið í skyn að um tilefn-
islausa morðárás Ísraelsmanna á
skipverja væri að ræða, þrátt fyrir
að öll gögn bentu til
þess að morðárásin
hefði komið frá skip-
verjum og hermenn-
irnir orðið að verja
hendur sínar. Svona
„fréttaflutningur“
hefði örugglega ekki
gengið gagnvart neinu
öðru ríki en Ísrael –
nema kannski Íslandi.
Minnir hann ekki tals-
vert á fréttaflutning
breskra fjölmiðla af
„hryðjuverkum“ Ís-
lendinga fyrir tveimur
árum?
Hver sem ástæðan er þá er ljóst
að afar fáar alvörufréttir af hinum
miklu deilumálum í Mið-Aust-
urlöndum er að hafa úr íslenskum
fjölmiðlum. Eina leiðin er að leita
upplýsinga á netinu, t.d. Youtube-
.com og fá þar ærlegar fréttir af því
sem raunverulega er að gerast.
Roots Club Gaza
og ólympíusundlaugin
Sem dæmi um fréttaháskóla You-
tube.com er að nota litla gluggann
efst á vefsíðunni til að slá inn leit-
arorð um áhugaverð svið deilumála
Ísraels og Palestínumanna. T.d:
„Pallywood“(áróðurs-kvikmynda-
gerð og sviðsetningar Palest-
ínumanna fyrir útlendinga). Fólk
getur líka slegið inn „Roots Club
Gaza“ og séð þá kynningar-
myndband fyrir nýtt lúxus-fimm-
stjörnu veitingahús á Gaza, sem tek-
ur afar vel á móti Hamas-foringjum,
starfsmönnum Sameinuðu þjóðanna,
diplómötum og hjálparstarfsfólki
auk fína fólksins á Gaza, en þetta
sést allt á myndbandinu. Fróðlegt
og fréttnæmt, eða hvað? Ef þú slærð
inn „swimming pool gaza“ þá sérðu
glænýju ólympíusundlaugina sem
þar var nýlega opnuð. Hvar voru
vestrænir fjölmiðlar þá?
Glæsileg verslanamiðstöð (Mall)
var opnuð á Gaza 17. júlí, kölluð
Gaza-Mall og getur fólk dáðst að
dýrðinni á heimasíðunni www.gaza-
mall.ps, ef hún er ekki hrunin vegna
álags! Hvar voru fréttamiðlar?
Mátti ekki heimsbyggðin samgleðj-
ast Gaza-búum?
Lauren Booth
og „hungursneyðin“
Þú getur líka til gamans slegið inn
nafn Palestínuvinarins Lauren Bo-
oth, systur eiginkonu Tony Blair,
sem á ferð um Gaza lýsti fjálglega
„hungursneyðinni“ á Gaza í farsíma-
viðtali við heimsfjölmiðla, standandi
sjálf inni á gólfi í kjörbúð troðfullri
af vörum, með sína eigin inn-
kaupakörfu fulla af góðgæti,súkkul-
aðistöngum og gosi. Soldið vand-
ræðalegt að þetta skyldi nást á
mynd en það er sko ekki tekið út
með sældinni að vera frægur
aðgerðasinni, með öll þessi augu á
Gaza.
Á www.memritv.org er hafsjór af
alvörufréttum frá Ísrael og Palest-
ínu og nálægum löndum. Þú verður
agndofa af undrun. Þarna vinnur
fólk sem hefur þá hugsjón að upp-
lýsa heiminn um það sem raunveru-
lega er að gerast. Hugsjón sem
sumir virðast hafa glatað, þrátt fyrir
að hafa heitið henni hollustu.
Lokaorð á praktísku nótunum:
Þar sem gyðingarnir í Ísrael hafa
hjálpað þremur milljónum óvin-
veittra Palestínuaraba að efla hag-
kerfi sitt um hátt í 10% ár eftir ár,
er þá goðgá að velta fyrir sér hvern-
ig þeir myndu koma fram við tíu
sinnum fámennari örþjóð í norður-
höfum, sem þeir gætu litið á sem
vini sína?
Krókódílar
Eftir Hreiðar Þór
Sæmundsson
»Hiklaust skellir
Krókó-Rúv allri sök
á Ísrael þegar átök
verða og jafnvel áður en
þau hefjast.
Hreiðar Þór
Sæmundsson
Höfundur er kaupmaður.
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050
smáauglýsingar
mbl.is