Morgunblaðið - 22.09.2010, Blaðsíða 10
10 DAGLEGT LÍF
MORGUNBLAÐIÐ MIÐVIKUDAGUR 22. SEPTEMBER 2010
Ingveldur Geirsdóttir
ingveldur@mbl.is
Þ
að er Skálabáturinn sem
Skúli keypti, tein-
æringur smíðaður af
Niclas í Koltri sem er
einn þekktasti bátasmið-
ur Færeyinga.
„Þetta er listavel búinn bátur
og einn besti kappróðrabátur sem
hefur verið smíðaður í Færeyjum en
það hafa margir kappróðrarnir unn-
ist á honum. Báturinn er þekktur í
Færeyjum enda góður bátur og
léttróinn,“ segir Skúli sem getur
siglt út með tíu manns í einu. Hann
gerir út frá gömlu grásleppuskúr-
unum við Grímsstaðavör við Ægi-
síðu en skúrarnir hafa nú verið gerð-
ir upp enda um að ræða elstu minjar
um smábátaútgerð í Reykjavík. „Ég
fékk aðstöðuna hjá Reykjavíkurborg
og hef síðan útbúið þarna sleða sem
ég renni bátnum á, fólk veður svo út
í bátinn í klofstígvélum sem ég út-
vega,“ segir Skúli. Hann ætlar bæði
að vera með ferðir og útgerð.
„Ég mun sigla með ferðamenn
frá Ægisíðunni og það verða nokkr-
ar útgáfur af þeim ferðum; fólk get-
ur skotist út í smáferð eða veitt á
færi og eldað matinn. Það er mikið
dýralíf þarna sem hægt er að skoða,
ég hef aldrei farið út öðruvísi en að
sjá sel og síðast eltu fimm selir bát-
inn. Álftanesið er svo með einstak-
lega auðugt fuglalíf, bæði sumar og
vetur. Svo er það sagan, en það er
mikil saga á þessu svæði, t.d. strand-
aði skip frá Alsír, sem Tyrkjaránið
er kennt við, beint fyrir utan Skerja-
fjörðinn. Þegar ég fer um slóðina
segi ég sögurnar sem tengjast sigl-
ingaleiðinni. Svo getur fólk valið að
fara í ferð og njóta náttúrunnar án
þess að ég sé að blaðra. Skansinn er
þarna úti líka, hann var reistur
fjörutíu árum eftir Tyrkjaránið og
er fyrsta virkið á Íslandi. Ferða-
menn geta veitt og farið svo yfir á
Skansinn og eldað aflann þar. Síðan
er hægt að fara alla leið inn í Gálga-
hraun, sem er alveg heilsdagsferð,“
segir Skúli.
Lagði höfuðið í bleyti
Spurður hvernig hugmyndin að
þessum ferðamannaiðnaði hefði
kviknað segist Skúli einfaldlega hafa
lagt höfuðið í bleyti.
Ferðamenn og fiskar
frá Grímsstaðavör
Skúli Guðbjarnarson keypti einn besta árabát Færeyinga og siglir nú með ferða-
menn frá Ægisíðunni og fiskar í Skerjafirðinum. „Ég mun sigla með ferðamenn
frá Ægisíðunni og það verða nokkrar útgáfur af þeim ferðum,“ segir Skúli. Hann
á heima á Álftanesi og fannst ekki vitlaust að reyna að gera eitthvað þar í kring
enda dreymdi hann í gamla daga um að gerast útvegsbóndi.
Morgunblaðið/Ernir
Útgerð Skúli vitjar um netin sín í Skerjafirðinum.
Heimasíðan UmMig.is er hluti af
meistaraverkefni í lýðheilsufræðum
frá Háskólanum í Reykjavík, höfundar
eru Anna Margrét Einarsdóttir og
Halla Heimisdóttir.
Síðan er fyrst og fremst skrifuð
með börn, unglinga og foreldra í
huga en mikið magn upplýsinga er á
henni sem ætti að nýtast öllum.
Síðunni er skipt í þrjá flokka, þ.e.
börn, unglinga og foreldra og svarar
flestum spurningum um heilsu og líð-
an, um hreyfingu, næringu, matar-
æði, líðan, líkamann, kynlíf, ADHD,
anorexíu, vöðvafíkn, jákvætt uppeldi,
samskipti og forvarnir svo fátt eitt sé
nefnt.
Undir liðnum Foreldrar má meðal
annars lesa sér til um jákvætt upp-
eldi, skólann og barnið, mataræði og
hreyfingu. Undir liðnum Unglingar er
m.a. fjallað um kynlíf, líkamann,
svefn, sjónvarp og tölvur og undir
liðnum Börn er hreyfing, lesblinda og
sjálfstraust meðal umfjöllunarefna.
Á síðunni er mikinn fróðleika að
finna, hún er einföld í notkun og
gagnleg.
Vefsíðan www.ummig.is
Morgunblaðið/Ómar
Unglingar Mikinn fróðleik er fyrir þá að finna á vefsíðunni.
Fyrir börn, unglinga og foreldra
Kómedíuleikhúsið á Ísafirði frum-
sýndi nýlega nýtt íslenskt leikverk,
Bjarni á Fönix. Nú leggur leikhúsið
land undir fót og sýnir tvær sýningar í
Slippsalnum að Mýrargötu 2, Reykja-
vík. Sýningarnar verða næstkomandi
föstudagskvöld, 24. september, og
sunnudagskvöldið 26. sept.
Sagan af Bjarna skipherra á Fönix
er sönn vestfirsk hetju- og þroska-
saga. Í þessu leikverki skiptast á ástir
og átök úr íslenskum raunveruleika.
Um er að ræða einleik og er leikari Ár-
sæll Níelsson sem jafnframt er höf-
undur ásamt leikstjóra verksins, Elf-
ari Loga Hannessyni. Leikmynd og
búninga gerir Marsibil G. Kristjáns-
dóttir. Miðasala er á staðnum en
einnig er hægt að panta í síma 847
3823.
Endilega …
… tryggið ykkur miða
Leikstjórinn Elfar Logi Hannesson.
Morgunblaðið/Helgi Bjarnason
Ingveldur Geirsdóttir
ingveldur@mbl.is
Þeir sem eiga gleraugu sem liggja ónotuð í skúffum
og skápum ættu að huga að því að koma þeim í
næstu Optical Studio-gleraugnaverslun. Optical
Studio er í samtökunum Vision For All sem eru al-
þjóðleg samtök sem hafa það að markmiði að koma
til hjálpar við að útbúa gleraugu
og sjónmæla fólk sem býr við
fátækt, skerta eða enga heilsu-
gæslu í löndum þriðja heimsins.
„Vision For All voru stofnuð árið
2003 og eru samtök sjóntækja-
fræðinga, sjónstöðva og versl-
ana auk þess sem Lions-klúbbar
koma að þeim í Skandinavíu.
Við söfnum saman vel nothæf-
um gleraugum sem eiga að nýt-
ast áfram þeim sem þurfa á sjón-
hjálpartækjum að halda í
vanþróaðri ríkjum,“ segir Kjartan Kristjánsson,
sjóntækjafræðingur hjá Optical Studio.
Vaxandi þörf
„Við söfnum saman notuðum gleraugum og nýj-
um og sendum til Svíþjóðar þar sem höfuðstöðv-
arnar eru. Optical Studio gekk í samtökin fyrir
þremur árum og hefur nú þegar sent verulegt magn
af gleraugum. Gleraugun hafa fallið til í verslun-
unum hjá okkur og við erum líka að gefa ónotuð
gleraugu eða ónotaðar umgjarðir sem er mjög vel
þegið. Þessi þörf er vaxandi og við sjáum fyrir okk-
ur að senda frá okkur fólk til vinnu í stuttan tíma á
þessum svæðum á næsta ári. En sjóntækjafræð-
ingar fara út á vegum Vision for All með gleraugun
og setja upp starfsstöðvar á þessum svæðum sem
eru yfirleitt í úthverfum stórborga landa eins og
Síle, Níkaragva, Kenýa, Úganda og Tansaníu. Sjón-
tækjafræðingarnir gera nauðsynlegar sjónmæl-
ingar og það myndast yfirleitt langar raðir. Þeir
gera mælingar og stilla og endursmíða gleraugun
eins og þarf fyrir hvern og einn. Enn sem komið er
hafa sjóntækjafræðingar frá Íslandi ekki farið út en
það stendur til vonandi á næsta ári,“ segir Kjartan.
Mest af lesgleraugum
Gleraugnasending er á leiðinni frá Íslandi til Sví-
þjóðar en reynt er að senda út töluvert magn tvisv-
ar á ári. „Þessi sending sem er að fara núna er frek-
ar sniðin að yngra fólki, en mest fellur nú til af
lesgleraugum og sá hópur er alltaf stór. Það er
töluverð vinna í því hjá okkur að fara yfir gleraugun
sem fara út og flokka. Það verður að vera auðvelt
að ganga að þeim þar sem þeim er dreift.“
Kjartan segir að töluvert hafi fallið til af gler-
augum núna eftir að leysiaðgerðir á augum jukust
hér á landi. „Eftir leysiaðgerð er fólk mjög ánægt
með að geta látið gleraugun sín nýtast öðrum og
þá sérstaklega þar sem þörfin er mikil.“
Tekið er á móti gleraugum í Akralind 8 í Kópa-
vogi, sem er vörulager Optical Studio, og í öllum
verslunum Optical Studio.
Góðgerðarmál
Safna nýjum og notuðum gleraugum fyrir íbúa fátækra ríkja
Gleraugnasafn Silja Sverrisdóttir og Bára Gunnarsdóttir hafa umsjón með verkefninu hér á landi fyrir hönd
Optical Studio / Miðbaugur EHF og Vision For All. Þær eru hér með umgjarðir sem eru á leið til Svíþjóðar.
Kjartan
Kristjánsson
Nánar má lesa um Vison For All og sjá myndir á
vefsíðunni: www.visionforall.org
„Ég var tíður gestur í Þjóðminjasafn-
inu þegar ég var barn og fannst alltaf
eitthvað draga mig þangað aftur og
aftur. Það sem
heillaði mig einna
mest í safninu
voru gömlu mál-
verkin og altaris-
töflurnar. Í forsal
safnsins á 2. hæð
má sjá mörg þess-
ara verka sem ég
sem starfsmaður
safnsins, get enn
gleymt mér við að
skoða.
Það er erfitt að gera upp á milli
þeirra en ég nefni hér eitt – sem að
vísu er málað af dönskum málara í
Kaupmannahöfn árið 1684. Það er
málverkið af Gísla Þorlákssyni Hóla-
biskupi (1657-1684) ásamt þremur
eiginkonum, Ragnheiði sem lét mála
verkið, Gróu og Ingibjörgu. Litirnir í
myndinni, dökku hempurnar með
gylltum skreytingum, rauðu og bláu
innan undir, hvítu kragarnir og glæsi-
legir hattarnir svo ekki sé minnst á
ljómandi andlit kvennanna, eru alltaf
jafn ótrúlega fallegir.
Þessi mynd er fyrirmyndin að ís-
lenska 5000 króna seðlinum.“
Þorbjörg Gunnarsdóttir
sýningarstjóri Þjóðminjasafns
Íslands
Uppáhaldssafngripur
Þorbjargar Gunnarsdóttur
Gísli og eigin-
konurnar þrjár
Þorbjörg
Gunnarsdóttir