Morgunblaðið - 06.11.2010, Síða 18

18 FRÉTTIRInnlent
MORGUNBLAÐIÐ LAUGARDAGUR 6. NÓVEMBER 2010
Baldur Arnarson
baldura@mbl.is
„Ég er því ósammála. Við sjáum
merki um framfarir á mörgum svið-
um. Ef við horfum til suðurhluta
landsins hafa afganskar örygg-
issveitir staðið jafnfætis alþjóðalið-
inu í hernaðaraðgerðum sínum. Í
öðru lagi höfum við þjálfað 265.000
Afgana sem hafa gert mjög trúverð-
uga grein fyrir störfum sínum víðs-
vegar um landið,“ sagði James G.
Stavridis aðmíráll og yfirmaður her-
afla Atlantshafsbandalagsins
(NATO), aðspurður um þau ummæli
Mikhaíls Gorbatsjovs, fyrrv. leið-
toga Sovétríkjanna, að sigur sé
óhugsandi í Afganistan.
Geta herliðsins eykst stöðugt
„Í þriðja lagi horfum við fram á
afganskan her sem hefur stöðugt
meiri getu til hernaðaraðgerða, ekki
aðeins með fjölþjóðaliðinu heldur
einnig í sjálfstæðum aðgerðum. Ég
held að við munum að lokum ekki
drepa okkur leið til sigurs. Við ætl-
um að þjálfa okkur til sigurs. Við
ætlum að þjálfa afganskar öryggis-
sveitir. Ég tel að ef við gerum það
eigum við mjög, mjög raunhæfan
möguleika á að ná árangri,“ sagði
Stavridis sem gaf kost á stuttum
blaðamannafundi með Össuri
Skarphéðinssyni utanríkisráðherra í
gær.
Sterk yfirlýsing um varnir
Stavridis var hér í stuttri heim-
sókn og ræddi þá meðal annars við
Össur um nýja grunnstefnu NATO
sem tekin verður sérstaklega fyrir á
ráðstefnu bandalagsins í Lissabon
síðar í þessum mánuði.
„Ég tel að hin nýja grunnstefna
Atlantshafsbandalagsins verði mjög
sterk yfirlýsing um sameiginlegar
varnir. Við ræddum einnig um vax-
andi mikilvægi tölvuvarna,“ sagði
Stavridis sem telur að bráðnun ís-
hellunnar verði til að auka hern-
aðarlegt mikilvægi Íslands.
„Ég tel að eftir því sem íshellan
hopar í norðri munum sjá fram á
aukið samstarf sem muni auka
mikilvægi Íslands innan ramma
NATO,“ sagði Stavridis sem vísaði á
afgönsk stjórnvöld er hann var í
framhaldinu inntur eftir því hversu
langt bandalagið væri tilbúið að
ganga í samningum við talibana.
Vissi ekki af tillögu Ögmundar
Hann kvaðst aðspurður ekki hafa
heyrt um að Ögmundur Jónasson
dómsmálaráðherra ynni nú við að
afla fylgis við þjóðaratkvæði um að
Ísland gengi úr NATO.
„Mér er ekki kunnugt um skrefið
sem þú lýsir. Við hjá NATO erum
mjög stolt af Íslandi, stofnaðila
bandalagsins, og mikilvægu fram-
lagi landsins og þegar horft er til
framtíðar hlakka ég til að sjá sam-
starfið halda áfram að þróast.“
NATO „ætlar að þjálfa sig til
sigurs“ í stríðinu í Afganistan
Morgunblaðið/Árni Sæberg
Heimsókn Stavridis aðmíráll heilsar fulltrúum Landhelgisgæslunnar.
 Yfirmaður herafla NATO vísar því á bug að sigur sé óhugsandi í Afganistan
Hitti Jóhönnu
» Stavridis aðmíráll fundaði
einnig með Jóhönnu Sigurð-
ardóttur forsætisráðherra.
» Ráðstefna NATO í Lissabon
fer fram dagana 19. til 20. nóv-
ember næstkomandi og mun
Össur sitja hana fyrir hönd
ríkisstjórnarinnar.
» Ísland hefur verið aðili að
bandalaginu frá upphafi en það
var stofnað 4. apríl 1949.
Athugun á hæfi
Gunnars Þ. And-
ersen, forstjóra
Fjármálaeft-
irlitsins, til að
gegna embætti
sínu hefur leitt
það í ljós að ekki
er talin sérstök
ástæða til að
draga það í efa.
Stjórn Fjármála-
eftirlitsins hefur því ákveðið að að-
hafast ekki frekar. Hæfismatið,
sem gert var af Andra Árnasyni,
hrl, og Magnúsi G. Benediktssyni,
löggiltum endurskoðanda, var unn-
ið að beiðni stjórnarinnar í kjölfar
umfjöllunar um Gunnar í skýrslu
Rannsóknarnefndar Alþingis. Í
skýrslunni er fjallað um aðkomu
Gunnars að viðskiptum Lands-
banka Íslands hf. og félagsins LB
Holding Ltd. með hlutabréf Kaup-
þings banka hf. á árinu 2001, og
einnig að viðskiptum Landsbank-
ans og félagsins NBI Holding Ltd. á
sama ári. Gunnar var stjórn-
armaður í síðastnefnda félaginu, en
hann starfaði hjá Landsbankanum
á árunum 1991 til 2003, undir það
síðasta sem framkvæmdastjóri.
Höfð var hliðsjón af refsiramma
lagaákvæðanna sem ná til um-
ræddra viðskipta, sem og fyrning-
arfresti. Hafi brot átt sér stað, sem
Andri telur alls óvíst hvernig dóm-
stólar hefðu skorið úr um, séu þau
nú fyrnd. Í niðurstöðum athugunar-
innar nú segir að ekki sé sérstök
ástæða til að draga í efi hæfi Gunn-
ars til að gegna skyldum sem for-
stjóri FME. einarorn@mbl.is
Hæfur sem
forstjóri FME
Gunnar Þ.
Andersen
HVENÆR SPURÐI
SÍMAFÉLAGIÐ ÞITT
ÞIG SÍÐAST
HVERNIG ÞÚ VILDIR
HAFA HLUTINA?