Morgunblaðið - 30.11.2010, Síða 4

4 FRÉTTIRInnlent
MORGUNBLAÐIÐ ÞRIÐJUDAGUR 30. NÓVEMBER 2010
Heimsferðir bjóða nú sérstakt jólatilboð! Keyptu gjafabréf
fyrir 5.000 kr. en andvirði þess verður 7.000 kr.! Eða keyptu
gjafabréf fyrir 10.000 kr. og andvirði þess verður 14.000 kr.!
Athugið að tilboðið gildir einungis fyrir upphæðirnar sem
eru tilteknar hér að ofan og einungis er hægt að nota eitt
gjafabréf á mann í bókun.
Nánar á www.heimsferdir.is og í síma 595 1000.
Gefðu hlýju og samveru um jólin!
E
N
N
E
M
M
/
S
IA
•
N
M
3
0
87
7
Gjafabréf Heimsferða
er tilvalin gjöf fyrir þá
sem „eiga allt“
FRÉTTASKÝRING
Egill Ólafsson
egol@mbl.is
Liðlega 10 þúsund atkvæði sem
greidd voru í kosningum til stjórn-
lagaþings eru ekki gild nema að
hluta. Þetta er um 13% atkvæða sem
greidd voru. Á þessum atkvæðaseðl-
um er að finna númer sem ekki eru
til, númer sem eru tvítalin, óskýrar
tölur og auðar línur. Fara þarf yfir öll
þessi atkvæði, en allar þessar fjórar
ástæður geta valdið því að kjörseðill
er ógildur að hluta.
Ekki tókst að ljúka talningu í gær,
en stefnt er að því að ljúka talningu í
dag. Það er þó ekki öruggt að það
takist.
Það er aðallega tvennt sem er nýtt
fyrir kjósendum við þessa atkvæða-
greiðslu. Annars vegar fær hver
frambjóðandi tölu sem kjósandi skrif-
ar á kjörseðilinn en við persónukjör
hér á landi er algengast að nöfn fram-
bjóðenda séu á kjörseðlinum. Hins
vegar byggist kosningin á svokallaðri
forgangsröðunaraðferð (e. Single
Transferable Vote eða STV) sem hef-
ur ekki áður verið notuð hér á landi.
Þessari aðferð hefur aftur á móti ver-
ið beitt í kosningum víða erlendis í yf-
ir 100 ár. Á Írlandi er henni t.d. beitt í
öllum kosningum, en aðferðin er mest
notuð í engilsaxneskum löndum.
Hin nýjungin, að gefa frambjóð-
endum tölu sem kjósandi skrifar á
kjörseðilinn, tengist ekki forgangs-
röðunaraðferðinni. Ástæðan fyrir því
að notaðar eru tölur en ekki nöfn
frambjóðenda er sú að ef tölurnar
hefðu ekki verið notaðar hefði kjör-
seðillinn þurft að vera óhemjulega
langur því frambjóðendur í kosning-
unum eru 522.
Í upphaflegum lögum var gert ráð
fyrir að kjósendur skrifuðu númer
(frá 1 upp í 25) fyrir framan nöfn
frambjóðenda, en þegar sýnt þótti að
frambjóðendur yrðu mjög margir
ákvað Alþingi að breyta lögunum og
gefa hverjum frambjóðanda númer.
Þingið vildi ekki hlaupa yfir
nöfn ef kjósandi gerði mistök
Þegar frumvarp að lögum um
stjórnlagaþing var til umfjöllunar á
Alþingi lögðu þeir sem undirbjuggu
lagasetninguna til að lögin yrðu út-
færð þannig, að ef kjósandi gerði mis-
tök í kosningunni, t.d. ef hann skrifaði
niður tölu sem ekki var til eða ef hann
óvart skrifaði sömu töluna tvisvar,
ætti að hlaupa yfir þá tölu sem var
röng en telja önnur atkvæði þar fyrir
neðan með. Niðurstaða alþing-
ismanna varð hins vegar sú að ef tala
var röng á atkvæðaseðlinum eða tala
var tvítekin eða ef ein lína á seðlinum
var auð ættu öll atkvæði þar fyrir
neðan að teljast ógild. Þetta þýðir að
ef kjósandi gerir mistök í fyrstu línu
seðilsins er hann allur ógildur. Ef
mistökin eru gerð í 10. línu teljast að-
eins þeir sem eru í níu efstu sætunum
með, en aðrir frambjóðendur sem
kosnir hafa verið þar fyrir neðan telj-
ast ekki með. Atkvæðaseðillinn er því
aðeins gildur að hluta.
Í ljós hefur komið að þessi seðlar
sem aðeins eru gildir að hluta eru yfir
10 þúsund af þeim rúmlega 83 þús-
und atkvæðum sem greidd voru.
Þetta hefur tafið talninguna. Búið er
að fara þrisvar yfir alla þessa 10 þús-
und seðla eftir að þeir hafa verið
skannaðir inn í tölvu. Í einstökum til-
vikum þarf að sækja sjálfa seðlana til
að fullvissa sig um hvað kjósandi ætl-
aði að kjósa. Þetta hefur allt tekið
lengri tíma en reiknað var með.
Morgunblaðið/Golli
Talning Unnið hefur verið að talningu atkvæða í kosningum til stjórnlagaþings í tvo daga í Laugardalshöll. Niðurstöðu er hugsanlega að vænta í dag.
Mörg atkvæði ógild að hluta
 Liðlega 10 þúsund atkvæðaseðlar í stjórnlagaþingskosningunum eru aðeins gildir að hluta vegna
þess að kjósendur fylltu þá ekki rétt út  Stefnt er að því að kynna niðurstöðu talningar í dag
Skoðun Fara þarf vandlega yfir
seðla sem eru óskýrir eða gallaðir.
Kristján Jónsson
kjon@mbl.is
Reiknað er með að Landspítali og St.
Jósefsspítali í Hafnarfirði sameinist
og þeim niðurskurði, sem þar var boð-
aður, verði deilt á milli stofnananna,
að sögn Guðbjarts Hannessonar heil-
brigðisráðherra á Alþingi.
Starfsmannafundur á St. Jósefs-
spítala-Sólvangi samþykkti í gær
ályktun þar sem bent var á að starfs-
fólk og skjólstæðingar stofnunarinn-
ar hefðu þurft að þola óvissu um langt
skeið og voru vinnubrögð ráðuneyt-
isins harðlega gagnrýnd. Heilbrigðis-
ráðherra segir aðspurður að hjúkrun-
arheimilið Sólvangur yrði sjálfstæð
stofnun og reynt yrði að fá sveitarfé-
lagið, þ.e. Hafnarfjörð, til að taka það
yfir.
„Það verður síðan sameiginlegt
verkefni spítalanna tveggja með
hvaða hætti þessar tvær stofnanir
vinna úr þeim gæðum sem er að finna
á þeim báðum,“ sagði Guðbjartur.
Árni Sverrisson, forstjóri St. Jós-
efsspítala-Sólvangs, segist taka þess-
um tillögum með mjög blendnum
huga. Ráðuneytið leggi til grundvall-
ar þá stefnu að aðeins skuli vera tvö
sérgreinasjúkrahús á landinu og þess
vegna sé ekki lengur pláss fyrir St.
Jósefsspítala.
„Ég verð þó að segja að það er
betra í stöðunni að þetta skuli gerast
með þessum hætti, að það sé unnið að
sameiningu. Við höfum verið að
byggja mikið upp sérfræðiþjónustu í
kringum kvensjúkdóma og melting-
arsjúkdóma. Við getum þó núna gefið
okkur að faglegar áherslur verði látn-
ar ráða og þessi þjónusta verði varð-
veitt.“
St. Jósefsspítali sam-
einaður Landspítala
 Starfsfólk St Jósefsspítala gagnrýnir vinnubrögð ráðherra
Guðbjartur
Hannesson
Árni
Sverrisson
Eitt af því sem hef-
ur tafið talninguna
er að í Laugardals-
höll var notast við
hrufótt borð í kjör-
klefunum. Þessi
ósléttu borð leiða
til þess að skann-
arnir sem notast
er við í talningunni
eiga erfitt með að
skynja tölurnar á kjörseðlinum.
Þetta hefur ekki flýtt fyrir við taln-
inguna.
Ástráður Haraldsson, formaður
landskjörstjórnar, segir að þó að
talning hafi dregist verði enginn af-
sláttur gefinn varðandi það að nið-
urstaða kosninganna sé rétt. Á
morgun hefst úthlutun atkvæða og
er óljóst hversu langan tíma sú
vinna tekur. Hugsanlega þarf að
beita hlutkesti ef fjöldi atkvæða á
bak við frambjóðendur er jafn. Ást-
ráður segir að einnig geri óháðir
sérfræðingar kannanir á kosning-
unum en þeim sé ætlað að tryggja
trúverðugleika niðurstöðunnar.
Hrufóttir atkvæðaseðlar tefja
FORMAÐUR LANDSKJÖRSTJÓRNAR
Ástráður
Haraldsson