Morgunblaðið - 30.11.2010, Page 12

Morgunblaðið/ÞÖK
Sement Sala á sementi hefur
minnkað mikið síðustu tvö árin.
Vegna gríðarlegs samdráttar í sem-
entssölu síðustu ár og óvissu um
stöðu byggingariðnaðarins næstu
misseri hefur Sementsverksmiðjan á
Akranesi ákveðið að segja upp níu
starfsmönnum. Þegar þeir hafa hætt
starfa 27 starfsmenn í verksmiðj-
unni, segir í tilkynningu.
Liður í að draga úr rekstrarkostn-
aði er að verksmiðjan hættir sem-
entsdreifingu en semur þess í stað
við verktaka um dreifingu um land
allt. Dráttarbílum, sem verksmiðjan
hefur haft á rekstrarleigu og notað
við sementsdreifingu, verður skilað.
Síðustu áratugi voru árlega fram-
leidd að jafnaði um 100 þúsund tonn
af sementi, en horfur eru á að fram-
leiðslan verði 40 þúsund tonn í ár.
Níu mönn-
um var
sagt upp
Samdráttur hjá Sem-
entsverksmiðjunni
BAKSVIÐ
Ágúst Ingi Jónsson
aij@mbl.is
Veiðar á íslensku sumargotssíldinni
eru langt komnar og er búið að
veiða tæplega 30 þúsund tonn af
þeim 40 þúsund tonna kvóta sem
gefinn var út. Síldarvertíðinni lauk
um helgina hjá Lundey NS 14 er
landað var á Vopnafirði. Á heima-
síðu skipverja kemur fram að afli í
síðasta túrnum var 820 tonn, en
talsvert misjafn að gæðum.
„Ekki tókst að vinna allan aflann,
en eins og komið hefur hér fram er
hætta á að aflinn eyðileggist ef
dauð síld af botninum lendir með,“
segir á heimasíðu Lundeyjar. „Svo
reyndist í einni lest hjá okkur og
aflinn því óvinnsluhæfur og fór í
bræðslu. Það ætti því að vera tölu-
vert hagsmunamál að ekki þurfi að
sleppa niður dauðri síld.“
Síldin hefur í haust að miklu leyti
veiðst á Kiðeyjarsundi við Stykk-
ishólm, en einnig víðar á Breiða-
firði. Á heimasíðum áhafna síld-
veiðiskipanna kemur glögglega
fram að mikil samvinna hefur verið
á milli skipa á miðunum. Afla hefur
verið dælt á milli skipa og hafa sum
náð að fylla sig án þess að bleyta í
veiðarfærum. Annars staðar má
lesa að skip hafa lent í erfiðleikum
og nótin rifnað. Ekki hafa alltaf
mörg skip verið á miðunum og veið-
arnar oft verið stundaðar nálægt
landi. Á einni síðunni kemur m.a.
fram að tveir golfboltar hafi komið í
nótina.
Bannað að sleppa síld úr nót
Síðustu tvö ár hefur sýking herj-
að á íslensku sumargotssíldina og
var talið að um 35% stofnsins væru
sýkt í rannsóknum í haust. Áætlað
er að hrygningarstofninn verði um
370 þúsund tonn í byrjun árs 2011.
Talið er að síld sem sýkist lifi vet-
urinn ekki af. Síðustu vetur hefur
síldin meðal annars haldið sig í
grennd við Stykkishólm og í Grund-
arfirði.
Bannað er að sleppa síld úr nót
og fylgist Fiskistofa reglulega með
síldveiðum líkt og öðrum veiðum.
Þar eru ekki upplýsingar um að síld
hafi verið sleppt úr nót í haust. Séu
skip fulllestuð ber þeim að miðla
síldinni til annarra skipa á mið-
unum. Hins vegar er vitað um
dæmi þess að óviðráðanlegar að-
stæður hafi valdið því við síldveiðar
á Breiðafirði í haust að síld slapp úr
nót. Síld sem hefur verið þurrkuð í
nót drepst.
Á heimasíðu Jónu Eðvalds í byrj-
un mánaðarins segir m.a. „… út
rann nótin og uppskárum við þetta
líka risavaxna kast sem ég tel að
hafi verið um 3.000 tonn. Úr þessu
kasti dældum við um 500 tonnum
þegar það fór að rifna við blökkina
en þegar það gerist með svona
þunga nót er voðinn vís, það rifnaði
allt fram úr pokanum og náðum við
ekki meiru úr þessu.“
Sóun á verðmætum
Íbúi í Stykkishólmi sem rætt var
við í gær sagði að áberandi mikið
hefði fundist af dauðri síld á fjörum
í grennd við bæinn á síðustu tveim-
ur árum. „Ef þarna er verið að
sleppa niður síld þá er það sóun á
verðmætum. Við verðum að tryggja
að slíkt gerist ekki, en jafnframt
þarf að tryggja að öryggis sé gætt í
hvívetna við veiðar við erfiðar að-
stæður. Á sama tíma er verið að
gera athugasemdir við að heima-
menn nái sér í smávegis af síld í
beitu eða til að gefa á bryggjunni,“
sagði þessi íbúi í Stykkishólmi.
Hann sagði einnig að síðasta
sumar hefði gosið upp „megn óþef-
ur sem rakinn var til gerjunar í
síldarhaugunum á botninum sem
leitaði upp á yfirborðið“.
Mikil samvinna á síldarmiðum
 Dauð síld af botninum sem kemur í nótina dregur úr verðmætum  Sýkt síld lifir ekki veturinn
 Nokkuð um rifnar nætur  Fiskistofa hefur ekki upplýsingar um að síld hafi verið sleppt úr nót
Ljósmynd/Þorsteinn Eyþórsson
Blíða Síldveiðar eru langt komnar á þessu hausti. Veðrið hefur ekki alltaf leikið við sjómenn eins og þegar þessi mynd var tekin skammt frá Stykkishólmi.
Á heimasíðu Lundeyjar er fjallað
um vandann sem við er að etja
þegar stór köst nást. . „...oft hef-
ur verið eitt skip í einu á mið-
unum og er þá jafnvel að fá gríð-
arstór köst en má ekki fara með
nema lítinn skammt í vinnslu eða
vegna kvótastöðu. Við urðum í
dag varir við að dauð síld kom
upp með nótinni og er alveg af-
leitt að fá slíkt saman við
vinnslufiskinn.
Þetta er eitthvað sem ráðherra
ætti að taka á, það er sóun að
henda aflanum og beinlínis
skemmir fyrir öðrum. Lausnin er
ekki að banna að sleppa niður
fiski og hafa eftirlit með okkur,
það verða að vera fleiri skip á
miðunum sem geta tekið við um-
framafla og eins til öryggis vegna
þess að það má ekki mikið út af
bera þegar eitt skip er að veiðum
innan um boða og sker.
Það getur alltaf komið fyrir að
veiðarfæri fari í skrúfuna eða bili
svo skipið verði ósjálfbjarga við
mjög slæmar aðstæður, eins og
eru hér allstaðar. Það er til fullt
af verkefnalausum skipum sem
hægt væri að hafa á svæðinu og
aflinn gæti td. runnið til Hafró.
Ég held að það sæju engir eftir
því þótt nokkur tonn yrðu til
þess að efla rannsóknir t.d. á
síld.“
Sóun að henda aflanum
FLEIRI SKIP VERÐI Á MIÐUNUM SAMTÍMIS
12 FRÉTTIRInnlent
MORGUNBLAÐIÐ ÞRIÐJUDAGUR 30. NÓVEMBER 2010
n o a t u n . i s
600 G
F
ÚRFISKBOR
ÐI
ÚR
FISKBORÐI
FERSKIR
Í FISKI
PLOKKFISKUR
KR./KG
998 ÍSLENSKT
JÓLASMJÖR
500 G
229
KR./STK.
HP
RÚGBRAUÐ
229
KR./STK.
WEETOS
MORGUNKORN
KR./PK.
579
Ö
ll
ve
rð
er
u
bi
rt
m
eð
fy
rir
va
ra
um
pr
en
tv
ill
u
og
/e
ða
m
yn
da
br
en
gl
27%
afsláttur
1359
NÓATÚNS
GÚLLASSÚPA, 1 L
KR./STK.
998
Úrval, gæði
og þjónusta
í Nóatúni