Morgunblaðið - 11.12.2010, Page 22

HVAMMSTANGI
Karl Ásgeir Sigurgeirsson
Haustið hefur verið kalt í Húna-
þingi frá því síðla í október. Nokk-
ur snjór kom á láglendi og er ekki
farinn að fullu. Margir bændur eru
ósáttir við hve lömb skiluðu sér illa
eftir sumarið, á sumum bæjum
vantar marga tugi. Einnig var
nokkuð um lambadauða á haust-
dögum á túnum bænda. Kenna
menn mögulegri flensu um ástand-
ið. Fé er flest komið á hús og rún-
ingsmenn hafa að mestu lokið sinni
vertíð. Þar er um að ræða snarpa
kunnáttumenn, sem margir hverjir
rýja þúsundir fjár á hverju hausti.
  
Nokkur umferðarslys hafa orð-
ið hér á hringveginum á liðnum
vikum. Flytja hefur þurft slasað
fólk með þyrlu og sjúkrabílum til
Reykjavíkur og Akureyrar og
einnig á sjúkrahúsið hér. Það vill
gleymast í útreikningum sérfræð-
inga á þörf fyrir lækna og heil-
brigðisstarfsfólk á einstökum
svæðum, hve mikill fjöldi fólks er á
ferð á þjóðvegum landsins, oftast
er horft á íbúafjölda ákveðinna
héraða. Á Hvammstanga eru tveir
sjúkrabílar með sérhæfðum búnaði
og ökumönnum og eru oft báðir í
notkun. Þá er hér öflug björgunar-
sveit og sérbúinn klippibúnaður
frá slökkviliðinu. Þessir útverðir í
umferðaröryggi eru afar mikil-
vægir og vinna verk sín oft við erf-
iðar aðstæður.
  
Aðventan er ávallt prýdd mikilli
tónlist. Í kirkjum héraðsins voru
aðventuhátíðir fyrsta sunnudag í
aðventu. Tónlistarskólinn heldur
nokkra jólatónleika nú í vikunni,
þar eru 110 nemendur og 5-6
kennarar. Karlakórinn Lóuþrælar
heldur tvenna jólatónleika, sem
eru í boði Sparisjóðsins, þeir fyrri
verða á Borðeyri og þeir síðari á
Hvammstanga 16. des. Hópur tón-
listarfólks efndi til tónleika í Fé-
lagsheimilinu Ásbyrgi fyrr í að-
ventu. Áform eru um
endurflutning þeirra um áramótin
og þá til styrktar líknarmálum í
héraðinu. Hús og hýbýli í héraðinu
eru óðum að taka á sig viðmót há-
tíðarinnar sem í vændum er, sveit-
arfélagið hefur sett upp hefð-
bundna skreytingu á ljósastaura í
þéttbýlinu og til sveita má sjá veg-
legar skreytingar, jafnvel á úti-
húsum. Þetta allt býr okkur undir
komu hátíðarinnar og vekur gleði í
hjarta.
Bestu aðventukveðjur úr Húna-
þingi.
Lömbin skiluðu sér illa
Morgunblaðið/Karl Á. Sigurgeirsson
Jólin Í ár líkt og fyrri ár er von á miklum jólaskreytingum á Hvammstanga.
22 FRÉTTIRInnlent
MORGUNBLAÐIÐ LAUGARDAGUR 11. DESEMBER 2010
Morgunblaðið birtir fram til jóla upplýsingar um einhverja þeirra
viðburða sem eru á dagskrá vítt og breitt um landið.
13 dagar til jóla
Um 150 sjálfboðaliðar Reykjavík-
urdeildar Rauða kross Íslands
munu gefa gestum og gangandi í
miðbæ Reykjavíkur um átta þúsund
bolla af heitu súkkulaði á laug-
ardögunum fram að jólum og á Þor-
láksmessu.
Sjálfboðaliðarnir verða staðsettir
á 14 skömmtunarstöðvum víðs-
vegar um miðbæinn að gefa súkku-
laði. Söfnunarbaukar merktir
Rauða krossinum verða á hverjum
stað til að taka á móti frjálsu fram-
lagi en tilgangur verkefnisins er að
safna fé til styrktar fólki í vanda.
Það eru verslunareigendur í
miðbæ Reykjavíkur sem standa
straum af kostnaði verkefnisins
ásamt Mjólkursamsölunni sem gef-
ur 750 lítra af mjólk og Nóa Síríus
sem gefur 130 kg af súkkulaði.
Rauði krossinn gefur heitt súkkulaði
Ánægja Súkkulaðið hefur vakið lukku hjá
þeim sem lagt hafa leið sína í miðbæinn.
Lionsklúbburinn Ásbjörn stendur fyrir góð-
gerðartónleikum í Víðistaðakirkju í dag,
laugardag, kl. 17.00. Miðar eru til sölu í gler-
augnaversluninni Augastaður í Firði. Miða-
verð er 2.000 krónur.
Tónleikarnir eru að þessu sinni haldnir til
styrktar Félagi nýrnasjúkra. Flytjendur á
tónleikunum eru Kammerkór Hafnar-
fjarðar, Kvennakór Hafnarfjarðar, Karlakórinn Þrestir og Flensborg-
arkórinn. Þá mun Ástríður Alda Sigurðardóttir leika á píanó, auk þess sem
Jónas Þórir mun annast hljóðfæraleik með kórum. Kynnir verður Egill
Friðleifsson.
Lionsklúbburinn Ásbjörn hefur allt frá stofnun árið 1973 staðið að fjöl-
mörgum verkefnum sem tengjast líknar- og velferðarmálum. Þar hefur
sérstök áhersla verið lögð á verkefni tengd öldruðum, sjúkrastofnunum
bæjarfélagsins og ungu fólki. Allt fé sem safnast á vegum klúbbsins vegna
verkefna rennur óskipt til þeirra, segir í tilkynningu.
Góðgerðartónleikar í Víðistaðakirkju í dag
Helgin verður viðburðarík í Café
Flóru í Grasagarðinum í Reykjavík.
Jólabasarinn verður opinn kl. 13-18
báða dagana. Einnig býðst gestum
tækifæri til að föndra origami
skraut og skreyta tré til styrktar
Umhyggju, félagi langveikra
barna.
Á laugardaginn kl. 15.30 mun
Guðrún Helgadóttir, einn helsti
barnabókahöfundur landsins, lesa
upp úr nýjustu bók sinni „Lítil saga
um latan unga“. Helga Thorberg
lítur svo inn á sunnudeginum kl.
16.00 og les upp úr sinni bók „Loks-
ins sexbomba á sextugs aldri“.
Með henni í för verður Enrique
Canales Fuentes gítarleikari sem
fyllir kaffihúsið af suðrænum gít-
arleik.
Auk þess spilar Skólahljómsveit
Austurbæjar fyrir gesti og Nikulás
Magnússon harmonikkuleikari þen-
ur nikkuna.
Skraut Hægt er að læra að gera skemmti-
legt origami jólakskraut í Café Flóru.
Aðventuhelgin í
Grasagarðinum
Sex milljónir króna söfnuðust á tón-
leikahaldi Hvítasunnusafnaðarins í
Reykjavík fyrir jólin. Fjórar af
milljónunum runnu til Jólaað-
stoðar-2010, en hinar tvær runnu til
Samhjálpar. Elín Hirst talsmaður
Jólaaðstoðar-2010 tók á móti pen-
ingunum frá Ester Jacobsen og
Verði Leví Traustasyni, forstöðu-
manni safnaðarins á gospel-
tónleikum sem haldnir voru nú í
vikunni og sýndir verða í Sjónvarp-
inu á aðfangadagskvöld.
Gáfu sex milljónir
Piparkökuhúsaleikur Kötlu er nú haldinn í
fimmtánda sinn og er þátttaka í leiknum að
verða að skemmtilegri jólahefð á mörgum
heimilum. Að baka saman piparkökur eða
búa til piparkökuhús er verðmæt stund hjá
mörgum fjölskyldum og ómissandi þáttur í
að koma fjölskyldumeðlimum í gott jóla-
skap.
Í dag, laugardag, kl. 15.00 verður kynnt
hvaða hús fá verðlaun í ár. Keppt er í
barna- og fullorðinsflokki og verðlaun veitt fyrir fallegustu og bestu húsin.
Piparkökuhúsin eru nú til sýnis í Smáralind í Kópavogi og á Glerártorgi á
Akureyri og verða þau þar frammi til 20. desember nk. en þá geta eigendur
þeirra sótt þau og notið þeirra yfir hátíðirnar. Skorað er á alla að fara í
Smáralind eða á Glerártorg til að skoða þetta frábæra íslenska handverk.
Úrslit í piparkökuhúsaleik Kötlu
Jólaskemmtun Skátakórsins fer
fram í dag í skátaheimili Árbúa kl.
15. Skemmtun hefst með jóla-
tónleikum þar sem kórinn syngur
undir stjórn Skarphéðins Þórs
Hjartarsonar. Að söng loknum
verður boðið upp á léttar veitingar
og í kjölfarið verður dansað í kring-
um jólatréð við undirleik kórfélaga
og líkur eru á að jólasveinninn kíki
í heimsókn.
Aðgangur er ókeypis og eru allir
velkomnir.
Jólaskemmtun
Skátakórsins
STOFNAÐ 1971 RAFTÆKJAVERSLUN • SÍÐUMÚLA 2 • SÍMI 568 9090 • www.sm.is
DVB-T
STEREÓ
HLJÓÐKERFI
2 HDMI
VERÐ 79.990
FRÁBÆRT VERÐ
Dantax 32LCDVD92
32" HD LCD SJÓNVARP með WXGA
1366x768p upplausn, 10.000:1 skerpu,
innbyggðum DVB-T móttakara, 40w stereó
hljóði, 2x HDMI, 2x Scart, VGA tengi, ofl.
ALLAR GERÐIR
MINNISKORT