Morgunblaðið - 13.12.2010, Blaðsíða 4

FRÉTTASKÝRING
Helgi Bjarnason
helgi@mbl.is
Reikna má með að útboð vegna
tveggja kafla á Suðurlandsvegi verði
auglýst í febrúar og að framkvæmdir
geti hafist snemma í vor. Einnig er
hægt að hefjast handa við forval og
útboð Vaðlaheiðarganga en það ferli
tekur lengri tíma þannig að fram-
kvæmdir hefjast varla fyrr en í sum-
ar, í fyrsta lagi.
Ríkisstjórnin ákvað að fjármagna
sjálf vegagerð fyrir 38 milljarða
króna á næstu fjórum árum eftir að
slitnaði upp úr viðræðum við lífeyr-
issjóðina í síðustu viku. Sex milljarð-
ar verða lagðir í verkefnið á næsta
ári, ef heimild fæst á fjárlögum árs-
ins.
Framkvæmdirnar verða í nafni
tveggja félaga sem ríkið mun eiga
meirihluta í. Annars vegar eru Vega-
framkvæmdir ohf. um framkvæmdir
við stofnbrautir út frá höfuðborgar-
svæðinu. Hins vegar vegar Greið leið
um Vaðlaheiðargöng. Fyrrnefnda fé-
lagið verður alfarið í eigu Vegagerð-
arinnar en Greið leið verður í 51%
eigu ríkisins. Félag sveitarfélaganna
á svæðinu, KEA og hugsanlega fleiri
leggja 200 til 300 milljónir kr. í félag-
ið, á móti Vegagerðinni.
Fjárhagsleg ábyrgð hjá ríkinu
Ríkið sér um að útvega lán með út-
gáfu ríkisskuldabréfa og ábyrgist
þannig lánin að fullu. Þau á að greiða
til baka með innheimtum veggjöldum
á tuttugu árum. Þann tíma er hægt að
lengja ef hann dugar ekki til að greiða
upp lánin, eða stytta ef betur gengur.
Meðeigendur ríkisins hætta aðeins
hlutafé sínu.
Ekki verður farið að innheimta
veggjöld fyrr en öllum framkvæmd-
unum lýkur og endurgreiðsla lána
hefst, á árunum 2015 eða 2016. Upp-
hæð veggjalda ræðst af kostnaði við
fjármögnun og framkvæmdir. Gjald
fyrir notkun Vaðlaheiðarganga gæti
orðið litlu lægra en í Hvalfjarðargöng,
eða 700-800 kr. Rætt hefur verið um
að gjaldið á vegunum verði jafnt á
hvern kílómetra og leiðunum skipt
upp. Þannig verði að minnsta kosti
fjórar sjálfvirkar innheimtustöðvar á
Suðurlandsvegi en tvær til fjórar á
Reykjanesbraut. Upphæðin
310 krónur hefur verið nefnd
sem dæmi fyrir leiðina milli
Reykjavíkur og Selfoss, og
þá 620 krónur fram og til
baka. Ekki verður gerður
greinarmunur á erindum eða búsetu
ökumanna en stórnotendur eiga að
geta fengið afslátt. Þannig þurfa íbú-
ar Hveragerðis að greiða rúmlega
hundrað króna gjald fyrir að sækja
þjónustu til Selfoss og Kjalnesingar
sem eru íbúar Reykjavíkur þurfa að
greiða svipað gjald fyrir að aka í bæ-
inn. Þá verður innheimt fyrir akstur
alla leið til Reykjanesbæjar til að
standa undir framkvæmdum við
Reykjanesbraut í Hafnarfirði.
Undirbúningur ræður för
Staða undirbúnings fram-
kvæmdanna og skipulagsmál ráða
mestu um það í hvaða röð farið er í
framkvæmdir á Suðvesturlandi.
Tveir kaflar á Suðurlandsvegi eru
nánast tilbúnir í útboð, það er að segja
kaflinn frá Vesturlandsvegi að
Rauðavatni og Hellisheiðin. Ári síðar
kemur að þriðja kaflanum, frá Rauða-
vatni upp að Lögbergsbrekku.
Reykjanesbrautin í gegnum Hafn-
arfjörð kemst fljótlega á dagskrá en
lengra er í veginn framhjá álverinu í
Straumsvík. Sama er að segja um
Vesturlandsveg frá Þingvallaafleggj-
ara að Hvalfjarðargöngum og síðast
verður farið í Suðurlandsveg frá
Hveragerði að Selfossi og nýja brú á
Ölfusá.
Fyrst verða boðnir út
kaflar á Suðurlandsvegi
 Íbúar Hveragerðis og Kjalarness þurfa að greiða fyrir akstur til þjónustukjarna
Morgunblaðið/Ómar
Suðurlandsvegur Ögmundur Jónasson samgönguráðherra og hans fólk þarf að bretta upp ermarnar til að koma vegaframkvæmdum aftur af stað.
4 FRÉTTIRInnlent
MORGUNBLAÐIÐ MÁNUDAGUR 13. DESEMBER 2010
Heimsferðir bjóða nú sérstakt jólatilboð! Keyptu gjafabréf
fyrir 5.000 kr. en andvirði þess verður 7.000 kr.! Eða keyptu
gjafabréf fyrir 10.000 kr. og andvirði þess verður 14.000 kr.!
Athugið að tilboðið gildir einungis fyrir upphæðirnar sem
eru tilteknar hér að ofan og einungis er hægt að nota eitt
gjafabréf á mann í bókun. Gjafabréfið gildir einungis á
nýjar bókanir.
Nánar á www.heimsferdir.is og í síma 595 1000.
Gefðu hlýju og samveru um jólin!
E
N
N
E
M
M
/
S
IA
•
N
M
3
0
87
7
Gjafabréf Heimsferða
er tilvalin gjöf fyrir þá
sem „eiga allt“
„Ég tel að stjórn-
völd ættu að
leggja vog á lóð-
arskálarnar og
fordæma þessar
glórulausu árásir
á fjölmiðlafrelsi
og fjölmiðla,“ seg-
ir Kristinn
Hrafnsson, tals-
maður Wikileaks.
Hann hvatti í gær utanríkisráðherra
Íslands til að fordæma þær árásir
sem Wikileaks hefur orðið fyrir að
undanförnu.
Greiðslukortafyrirtæki sem Wiki-
leaks er í viðskiptum við lokaði á dög-
unum fyrir miðlun framlaga til Wiki-
leaks. „Samstarfsfyrirtæki okkar er
að leita lagalegra leiða til að fá skað-
ann bættan og til að opna. Þetta
beinist fyrst og fremst að þeim,“ seg-
ir Kristinn um stöðuna í því máli.
„Mér skilst að fljótlega eftir helgi
muni danska fyrirtækið Teller sem
sér um að ferla færslurnar gefa skýr-
ingar á þessum atburði og taka af-
stöðu til bótaábyrgðar,“ segir Krist-
inn.
Málið var rætt á fundi allsherjar-
nefndar Alþingis fyrir helgi og kom
fram hjá formanni nefndarinnar að
leitað yrði eftir frekari upplýsingum
frá umræddum fyrirtækjum.
Glórulaust inngrip
„Við höfum oft tekið djarfar
ákvarðanir sem hafa ekki þótt líkleg-
ar til vinsældaauka til skamms tíma,“
segir Kristinn þegar hann er spurður
að því hvers vegna stjórnvöld á Ís-
landi ættu að blanda sér í málið.
Nefndi hann í því sambandi viður-
kenningu á sjálfstæði Litháens,
ríkisborgararétt Bobbys Fischers og
hvalveiðar.
Kristinn segir um að ræða ríka
hagsmuni og vísar til ályktunar Al-
þingis frá því fyrir jól sem marki
stefnuna um frjálsa fjölmiðlun og
tjáningarfrelsi. „Þetta er mjög gróft
og glórulaust inngrip gagnvart sam-
tökum sem eru að berjast fyrir
gegnsæi og ábyrgum stjórnar-
háttum.“
Kristinn segir að kalla megi það
einkavæðingu ritskoðunar þegar
fjármálafyrirtæki er með beinum eða
óbeinum þrýstingi að bogna undan
því að miðla frjálsum framlögum og
meina almenningi að tjá hug sinn
með því móti. Hann segist hafa fund-
ið mikinn meðbyr síðustu daga.
helgi@mbl.is
Biður um
stuðning
stjórnvalda
Segir Wikileaks nú
hafa góðan meðbyr
Kristinn Hrafnsson
„Allt er þetta reiknað út frá gefn-
um forsendum, um vexti, fram-
kvæmdakostnað og umferð. Þeir
sýna að verkið er hagkvæmt,
eins og Suðurverkefnið,“ segir
Kristján L. Möller, alþingismaður
og fyrrverandi samgöngu-
ráðherra, um hagkvæmni Vaðla-
heiðarganga.
Hann telur þessar forsendur
raunhæfar. Þannig sé ekki gert
ráð fyrir aukinni umferð vegna
framkvæmda við nýtingu
orkunnar á Norðaust-
urlandi. Þá muni vext-
ir væntanlega verða
lægri en reiknað hefur
verið með. Niður-
staðan í við-
ræðum við
lífeyrissjóð-
ina stað-
festi það.
Raunhæfar
forsendur
VAÐLAHEIÐARGÖNG
Kristján L. Möller
Friðrik H. Jónsson,
prófessor í sálfræði við
Háskóla Íslands, lést á
heimili sínu aðfaranótt
sl. sunnudags.
Friðrik fæddist á
Siglufirði 13. nóv-
ember, 1951, sonur
Steinunnar Friðriks-
dóttur og Jóns Árna-
sonar. Hann ólst upp í
Hafnarfirði, lauk kenn-
araprófi og stúdents-
prófi frá Kennaraskóla
Íslands, BA prófi í sál-
fræði frá Háskóla Ís-
lands 1976, meistara-
prófi í félagssálfræði frá London
School of Economics 1977 og dokt-
orsprófi frá Háskólanum í Sheffield
1986.
Hann vann næstum allan sinn fer-
il í Háskóla Íslands. Hann var vin-
sæll kennari, farsæll stjórnandi og
ötull rannsóknamaður í sálfræði í
nær þrjá áratugi, stundakennari frá
1983, lektor frá 1989,
dósent fá 1992 og pró-
fessor sl. þrjú ár.
Auk starfa sinna í
sálfræðideild gegndi
hann trúnaðarstörfum
fyrir HÍ og fyrir
menntamálaráðuneyti.
Hann var forstöðu-
maður Félagsvís-
indastofnunar 1999-
2009, forstöðumaður
Rannsóknarstofnunar
uppeldismála 1986-
1987, formaður skóla-
stjórnar Mennta-
skólans í Hamrahlíð
um skeið auk margvíslegra annarra
stjórnunarstarfa.
Friðrik lék knattspyrnu með
yngri flokkum og meistaraflokki FH
og tók nokkrum sinnum að sér þjálf-
un.
Hann var kvæntur Guðnýju Á.
Steinsdóttur og þau eignuðust tvö
börn; Hildi og Stein.
Andlát
Friðrik H. Jónsson
Á fundi utanrík-
ismálanefndar
Alþingis á laug-
ardag var kynnt
fyrir nefndinni
hvert til stendur
að flytja þau
verkefni sem
Varnarmála-
stofnun hefur
sinnt en stofn-
unin verður lögð
niður um áramótin. Að sögn Árna
Þórs Sigurðssonar, formanns utan-
ríkismálanefndar, er gert ráð fyrir
því að verkefnunum verði skipt nið-
ur á milli utanríkisráðuneytisins,
ríkislögreglustjóra og Landhelg-
isgæslunnar.
Flutningur verkefna á sviði varn-
armála til Gæslunnar er þó aðeins
hugsaður tímabundið að sögn Árna
en nýtt innanríkisráðuneyti muni,
þegar það tekur til starfa um ára-
mótin, semja um framtíðarfyr-
irkomulag þeirra mála við utanrík-
isráðuneytið. hjorturjg@mbl.is
Hluti varnarmála
tímabundið til Land-
helgisgæslunnar
Árni Þór
Sigurðsson