Morgunblaðið - 03.01.2011, Page 32

32 | MORGUNBLAÐIÐ
RÓLEGIR OG KRÖFTUGIR HÓPAR Í
HÁDEGINU OG EFTIRMIÐDAGA Í
NÝLEGRI OG BJARTRI SUNDLAUG
VIÐ LAUGARÁS
UPPLÝSINGAR OG SKRÁNING Í SÍMA
897-2896 OG Á www.bakleikfimi.is
BAKLEIKFIMI Í VATNI
BETRI LÍÐAN Í HÁLSI HERÐUM OG BAKI
UNDIR LEIÐSÖGN SJÚKRAÞJÁLFARA
F
ólk heldur stundum að það
þurfi að kunna eitthvað í
dansi til að mæta á nám-
skeið. Þvert á móti ætlumst
við hálfpartinn til þess að byrj-
endur kunni ekki neitt og séu ekk-
ert góðir, en erum líka reiðubúin
að kenna þeim frá upphafi til
enda,“ segir Edgar Konráð Gap-
unay, danskennari hjá Dansskóla
Sigurðar Hákonarsonar. „Annars
er dans hvorki flókin né erfiður.
Sumir eru samt tvístígandi því til-
þrifin í danskeppnum og
sjónvarpsþáttum eru svo mikil á
köflum.“
Finna sinn eigin takt
Edgar segir að allir geti lært að
dansa. „Já, það þarf enga sérstaka
hæfileika. Jafnvel þó að sumum
finnist þeir ekki getað fangað takt-
inn í laginu þá geta allir fundið
sinn eigin takt. Úti á dansgólfinu
skiptir heldur ekki alltaf öllu máli
að vera í takt við tónlistina heldur
frekar að vera í takt hvort við ann-
að. Tónlistin kemur svo bara síðar
meir.“
Það á heldur ekki að fæla fólk
frá dansinum þó að það hafi reynt
sig á dansgólfinu áður til þess eins
að uppgötva að alla hreyfingu
vantar í mjaðmirnar og tilburðirnir
hafi þótt helst til hallærislegir. Allt
er þetta eitthvað sem batnar með
æfingunni. „Það skiptir heldur ekki
máli þó að maginn sé kannski orð-
inn svolítið stór og leggirnir ekki
eins langir og maður vildi. Það
eina sem þarf til að geta dansað
sómasamlega þessa sígildu undir-
stöðudansa er að geta hreyft á sér
fæturna.“
Allur líkaminn notaður
Raunar bendir Edgar á að dans-
inn sé sérstaklega áhugaverður
kostur fyrir þá sem eru ekki miklir
íþróttamenn eða eru ekki með
líkamann í toppformi. „Dans er
holl hreyfing og er t.d. sérstaklega
mælt með þessari tegund æfinga
fyrir hjartveika. Dansinn getur jú
verið eins tilþrifa- og íburðarmikill
og hver og einn ræður við en sama
þó að dansað sé á rólegu nótunum
fær allur líkaminn hreyfingu.“
Dansinn lifir ágætu lífi að sögn
Edgars, og til marks um hve breið-
ur hópur stundar dansinn hér á
landi reiknast honum til að elsti
nemandi dansskólans sé kominn
yfir áttrætt á meðan þeir yngstu
eru á leikskólaaldri. „Straumurinn
hefur verið nokkuð stöðugur og
ekki liðið fyrir kreppuástandið.
Raunar grunar mig að margir hafi
komið auga á að þetta er ekki dýrt
sport fyrir pör að stunda saman,
og hefur þann eiginleika að þjappa
pörunum betur saman. Þú getur
svo sem alltaf farið einn í keilu eða
líkamsrækt en það þarf alltaf tvo
til að dansa tangó,“ bætir hann við.
„Ekki er ég frá því að danstímar
hafi bjargað mörgum hjónabönd-
unum í gegnum tíðina að ótöldum
þeim hjónaböndum sem lögð hafa
verið drög að á dansgólfinu.“
ai@mbl.is
Taktleysi og
stífar mjaðmir
eru engin
fyrirstaða
Edgar Konráð Gapunay segir alla geta lært að dansa
og aldur, holdafar eða skort á hæfileikum frá náttúr-
unnar hendi ekki þurfa að vera vandamál.
Morgunblaðið/Ernir
Aðgengilegt Edgar segir að dans sé á allra færi. „Það skiptir ekki máli þó maginn sé kannski orðinn svolítið
stór og leggirnir ekki eins langir og maður vildi.“
Margir foreldrar eiga sér þann
draum heitastan að börnin
þeirra læri dans. Oftast er
auðveldara að fá stelpurnar til
að dansa en strákarnir þráast
oft við. „Ég hef sjálfur gengið
í gegnum þetta með minn
strák,“ segir Edgar. „Ráðin
sem ég get gefið foreldrum
sem lenda í þessari stöðu er
að vera mikið með barninu
fyrstu skiptin. Vitaskuld á
ekki að neyða börn til að
dansa en stundum þarf mað-
ur að vera svolítið ákveðinn
og ýtinn og hjálpa þeim af
stað. Fyrr en varir fer þá jafn-
vel börnunum með mesta
mótþróann að þykja bráð-
skemmtilegt að sækja dans-
tímana.“
Yngstu nemendur við dans-
skólann eru þriggja ára. „Með
þeim förum við í svokallaða
dansleiki, syngjum og dönsum
og æfum hægt og rólega takt
og undirstöðuatriði dansins.“
Dansskólinn fagnar í ár 30
ára afmæli og býður af því til-
efni 30% afslátt af byrjenda-
námskeiðum fyrir sex ára og
yngri.
Börnunum
beint í rétta átt
Gaman er að sjá hversu áberandi dans er orðinn í afþreyingarflóru sjón-
varpsstöðva og kvikmyndahúsa. Danskeppnir af ýmsum toga eru með vin-
sælustu þáttum, dansarar láta að sér kveða í hæfileikakeppnum og margar
barna- og unglingakvikmyndirnar ganga hreint og beint út á hver er flink-
astur á dansgólfinu. Edgar slær því föstu að þessi sýnileiki hafi sitt að
segja með að viðhalda vinsældum dansíþróttarinnar. „Öllum finnst gaman
að horfa á dans, og þetta er góð kynning,“ segir hann.
Á sama tíma saknar Edgar þeirrar umfjöllunar sem var um dans í ís-
lensku sjónvarpi hér áður fyrr. Þar hefur orðið greinileg afturför. „Ég man
hvernig í gamla daga var sýnt nánast frá hverri einustu keppni hér á landi
og rætt hér um bil við hvert einasta par. Það sást líka varla sá þáttur af
Stundinni okkar þar sem ekki mættu dansarar til að stíga nokkur spor,“
segir hann. „Sennilega hefur þetta efni þótt of dýrt, en hins vegar er ég á
því að dans sé með skemmtilegustu íþróttum að horfa á í sjóvarpi og eigi
hæglega heima í flokki með fótboltanum í því tilliti. Maður heyrir það líka
af vinsældum dansþáttanna í dag að fólki, bæði innan dansheimsins og ut-
an, þykir þetta mjög áhugavert sjónvarpsefni.“
Allir hafa gaman af dansi