Skátablaðið - 01.05.1940, Blaðsíða 13

1. útg.) en síðan er venjulegu grisjubindi
vafið utan yfir. Forðist að láta egg, hveiti,
grænsápu eða þvílíkt næst brunasárum. Það
er trú margra að slíkt sé gott, en er hið
mesta hindurvitni.
Gult vasilín er notað við litlum bruna á
hörundi og einnig við kaun, hrufl og af-
rifur. Gult vasilín er seit í tinbelgjum (túb-
um), sem þrýst'a skal úr beint á umbúð-
irnar eða holdið, en aldrei láta vasilínið
fyrst á góm sér og síðan bera það á með
gómnum. Með því móti getum við borið
sýkla að sárinu.
Joðbenzin er notað til þess að hreinsa í
kringum sár. Minnist þess, að það getur verið
eins nauðsynlegt að hreinsa vel i kringum
sárið, eins og' að hreinsa sjálft sárið. Joð-
benzín má einnig nota til þess að hreinsa
grunnar skeinur og þvo stungur eftir vír
• eða nagla.
Rivanol (gult vatn) er mjög sótthreins-
andi vökvi, sem nú er mikið notaður við
sáraaðgerð. Ef þið sjáið óhreinindi í skurði
eða sári, ekki mjög djúpu, þá vætið grisju-
bút í Rivanol og veiðið óhreinindin upp
með léttum og liprum handtökum. Hellið
siðan litlu al' vökvanum í sárið, eða látið
að því hreinar umbúðir, sem lagðar eru
næst sárinu og vefjið síðan með grisjubindi.
Minnist þess að gæta ávallt hins ítrasta hrein-
lætis, þegar þið handleikið sár og sáraum-
búðir. Þvoið ykkur rækilega um liendurn-
ar. Þegar bæði Joðbenzín og Rivanol er við
hendina er óþarfi að nota joðáburð, enda
miklu vandfarnara með hann.
Taniulropar eru notaðir við sárum verkj-
um í holum tönnum. Er þá venjulega bóm-
ull, vætt í dropunum, sett ofan í tannholuna
með eldspýtu. Til eru ýmsar tegundir af
lanndropum og má t. d. benda á Eugenolum
Ph. D., sem fæst í lyfjabúðum.
Kamforudropar er örvandi lyf, sein notað
er við köldu, slappleika o. fl. Gefnir eru
inn 20—30 í ögn af vatni eða í sykurmola.
Verk- og vindeyðandi dropar eru notaðir
við sárum magaverkjum; einnig 20—30
dropar.
Asperin er notað við höfuðverk, hita,
gigtarverkjum o. fl. Venjulega eru fullorðn-
um mönnum gefnar tvær töflur, en börnum
og unglingum 1 tafla.
Lásnælitr eru notaðar til þess að festa
með umbúðir.
Skæri og flísatöng eru nauðsynleg tæki,
sem þið kunnið að nota.
Þetta, sem nú hefir verið talið og rætt
um, af lyfjum og umbúðum, getur einnig
átt við að hafa i lyfjaskrín íyrir heimili og
er trúlegt að margir skátar, sem lokið hafa
prófi í hjálp i viðlögum, hefðu löngun til
þess að útbúa slikt, enda mundu flestir for-
eldrar verða þeim þakklátir fyrir, þvi að
oft þarf að grípa til algengra lyfja og um-
búða i heimáhúsum, en eru sjaldnast til
vegna þéss, að enginn úr fjölskyldunni hefir
þekkingu eða áhuga til þess að útbúa lyfja-
skrín fyrir heimilið.
Lyfjaskrín, sem ætlað er einstökiiin skát-
um og þeim ber að hafa með sér í ferðalög,
eru talsvert minni en lyfjaskrín flokkanna.
Þessi einstaklingsskrín eru búin til úr blikki
og innihalda:
Grisjubindi 4 stk. 5 cm. breið.
Grisjubindi 2 stk. 5 cm. breið.
Sáragrisjur 2 stk.
Bómull 1 pk. 15 gr.
Gult vasilin 1 tb.
Kamforudropar 30 gr.
Joðbenzin 30 gr.
Heftiplástur 1 rl. 2 cm. breið.
Skyndiplástur.
Lyfjaskrín úr blikki með þessu innihaldi
munu kosta nú um 8 krónur.
Það er reynsla okkar eldri skátanna, að
fólk leitar oft til skáta á ferðaiögum, ef
meiðsli eða slys hafa borið að höndum. Það
álítur nefnilega sjálfsagt, að skátar hafi ávallt
með sér umbúðir og lyf í ferðalögum og geti
hjálpað náungánum. Þetta traust almennings
þykir okkur vænt um. Þess vegna er það
áríðandi fyrir skáta að gleyma aldrei þess-
um útbúnaði, svo að þeir þurfi ekki að segja:
„Æ, fyrirgefið þér, ég get því miður ekki
hjálpað yður, ég gleymdi nefnilega lyfja-
skrininu heima.“
J. O. J.
Ef þér fellur
Skátablaðið, þá segðu það sem flestum. Ef
ekki, þá segðu aðeins okkur frá því.
SKÁTABLAÐIÐ
13