Morgunblaðið - 13.01.2011, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 13. JANÚAR 2011
Mikil ásókn hefur verið í nám í
norsku síðan bankarnir féllu haustið
2008 og til dæmis hefur Mímir – sí-
menntun ehf. bæði þurft að bæta við
námskeiðum og kennurum til að
anna eftirspurn.
Sólborg Jónsdóttir, deildarstjóri
hjá Mími – símenntun, segir að
venjulega hafi verið boðið upp á eitt
námskeið á önn. Stundum hafi
norskukennslan fallið niður en strax
í ársbyrjun 2009 hafi orðið spreng-
ing og síðan hafi verið boðið upp á
allt að fjögur byrjendanámskeið og
tvö framhaldsnámskeið á önn. Áður
hafi um 10 manns sótt norsku-
námskeið á önn en undanfarin tvö ár
hafi þeir verið um 50 til 60 á hverri
önn.
Ný námskeið
Næstu námskeið hefjast eftir helgi
og eru byrjendanámskeiðin þegar
full. Bæði er boðið upp á kennslu á
daginn og kvöldin. Bætt verður við
námskeiði í þjálfun í norsku talmáli
og eins byrjendanámskeiði fyrir
börn. Auk þess er nýtt námskeið,
Noregur – fyrirheitna landið, þar
sem á einu kvöldi er farið yfir hluti
sem skipta máli, þegar fólk flytur til
Noregs, daglega þætti og menningu.
Um sjö vikna námskeið er að ræða
og hefst vorönnin síðan í lok mars.
Sólborg segir að flestir, sem læri
norsku, ætli sér að flytja til Noregs.
Þar á meðal séu útlendingar, sem
hafi búið hér og kunni íslensku, en
vilji reyna fyrir sér í Noregi.
steinthor@mbl.is
Norska Bókin Norska fyrir útlend-
inga er kennd hjá Mími - símenntun.
Norskan
heillar
æ fleiri
 Um 200 manns hjá
Mími 2009 og 2010
Rúnar Pálmason
runarp@mbl.is
Andri Árnason, verjandi Geirs H. Haarde fyrir
landsdómi, telur að umfangsmikil gagnaöflun sak-
sóknara Alþingis nú vegna málshöfðunar gegn Geir
sé óeðlileg og bendir á að Alþingi hafi tekið ákvörð-
un um málshöfðun á grundvelli gagna sem þá lágu
fyrir. Hann hefur andmælt þessu við forseta lands-
dóms og krafist þess að málið verði þingfest fyrir
landsdómi án tafar. Sigríður J. Friðjónsdóttir, sak-
sóknari Alþingis, telur að um eðlilegan þátt í und-
irbúningi ákærunnar sé að ræða.
Í greinargerð með þingsályktunartillögunni um
að ákæra Geir er m.a. tekið fram að þingmanna-
nefndin, svokölluð Atla-nefnd, telji með vísan til
laga um landsdóm óhjákvæmilegt að „taka ákvörð-
un um málshöfðun á hendur ráðherra eða ráðherr-
um á grundvelli þeirrar greinar [13. gr. laganna] og
gagna sem þingmannanefndin hefur aflað og reka
síðan sakamál“.
Andri segir að af þingsályktunartillögunni megi
ráða að þingmannanefndin hafi talið að búið væri að
afla þeirra gagna sem nauðsynleg væru til að hefja
meðferð málsins fyrir landsdómi. „Okkur finnst
skjóta skökku við að nú sé verið að biðja um gögn til
þess að unnt sé að hefja málsmeðferðina og höfum
krafist þess að málið verði tekið fyrir í landsdómi,
málið þingfest og rekið með eðli-
legum hætti.“
„Afar óeðlileg“ gagnaöflun
Svo virðist sem saksóknari
Alþingis telji, ólíkt meirihluta
Alþingis, að gögnin sem lágu
fyrir hjá Alþingisnefndinni séu
ekki nægjanleg til útgáfu
ákæru. Úr því að saksóknari
telji sig ekki hafa nægar upplýs-
ingar til að gefa út ákæru, hljóti
að leika vafi á hvort Alþingi hafi haft nægileg gögn
til að taka ákvörðun um málshöfðun. „Maður hefði
haldið að áður en þingið tók ákvörðun um ákæru
hefði það aflað þeirra gagna sem saksóknari er
núna að óska eftir. Þingmannanefndin hafði allar
heimildir til þess. Þeir gátu falið sérfróðum aðilum
að rannsaka málið frekar og gátu fengið öll þau
gögn sem rannsóknarnefnd Alþingis var með. En
nefndin virðist bara hafa haft örfá af þessum skjöl-
um og sem nú virðast engan veginn duga. Má jafn-
vel draga þá ályktun af greinargerð nefndarinnar
til þingsins að hún hefði aflað meiri gagna en raun
var á. Auðvitað er ekki óeðlilegt að einhver viðbót-
argagnaöflun eigi sér stað eftir að ákvörðun hafi
verið tekin um ákæru, en svo stórfelld gagnaöflun
er afar óeðlileg“.
Gögn sem Sigríður J. Friðjónsdóttir, saksóknari
Alþingis, hefur óskað eftir, eru skjöl sem vísað er til
í skýrslu rannsóknarnefndar Alþingis. Hún hefur
sent tvær beiðnir um gögn til Þjóðskjalasafns, alls í
66 liðum, og fengið afhentar um 1.700 blaðsíður.
Hún býst við að þurfa fleiri gögn af þessu tagi. Sig-
ríði hefur verið synjað um aðgang að 61 skýrslu sem
nefndin tók og tölvupóstsamskiptum Geirs en ann-
að hefur hún fengið.
Sigríður segir eðlilegt að hún óski eftir þessum
gögnum, þótt fram komi í þingsályktunartillögunni
að ákvörðun byggðist á fyrirliggjandi gögnum.
Þingmannanefndinni hefði verið ætlað tiltekið hlut-
verk, skv. lögum sem mæla fyrir um viðbrögð
við skýrslu rannsóknarnefndar Alþingis.
Nefndin hefði getað aflað frekari gagna en í
greinargerð í lögunum um viðbrögðin sé þó
ekki gert ráð fyrir að nefndin framkvæmi
viðamikla rannsókn áður en ákvörðun um
málshöfðun yrði tekin enda byggist
niðurstöður í skýrslu rannsóknar-
nefndar Alþingis á viðamikilli rann-
sókn og gagnaöflun. Vinna þing-
mannanefndarinnar hefði því verið í
takt við lögin. Þá gerðu lög um lands-
dóm sérstaklega ráð fyrir að rann-
sókn færi fram eftir að ákvörðun um
málshöfðun lægi fyrir.
Krefst þess að málið verði þingfest
 Verjandi Geirs H. Haarde fyrir landsdómi vill hefja málsmeðferð  Byggi á gögnum sem liggi fyrir
 Saksóknari segir eðlilegt að hún afli frekari gagna í málinu  Lögin gera ráð fyrir frekari rannsókn
Sigríður J.
Friðjónsdóttir
Í 16. grein landsdómslaga
kemur fram að það sé skylda
saksóknara Alþingis „að leita
allra fáanlegra sannana fyrir
kæruatriðum, hann undirbýr
gagnasöfnun og rannsókn í
málinu og gerir tillögur til
landsdóms um viðeigandi
ráðstafanir til að leiða hið
sanna í ljós.“ Andri Árnason
segir að greinin vísi til
þess fyrirkomulags að
rannsókn máli fari
fram fyrir dómi.
Þetta hefur verið af-
lagt enda í and-
stöðu við nútíma
réttarfar og mann-
réttindi.
Leiði hið
sanna í ljós
HLUTVERK SAKSÓKNARA
Andri Árnason
Gísli Baldur Gíslason
gislibaldur@mbl.is
Sinubruninn sem varð í Vatnsmýr-
inni í Reykjavík á þriðjudagskvöldið
hefur skilið eftir sig sviðna jörð. Eld-
urinn, sem kviknaði nærri Öskju,
húsnæði Háskóla Íslands, barst um
tvö hundruð metra undan vindi í átt
að Eggertsgötu. Um fimm hektara
svæði varð eldinum að bráð.
Slökkviliðið hefur ekki enn komist
að því hvað kveikti eldinn. Jón Viðar
Matthíasson, slökkviliðsstjóri á höf-
uðborgarsvæðinu, segir að ekki þurfi
mikið til að kveikja í sinu um þessar
mundir. Margar skýringar komi til
greina. „Það getur þess vegna hafa
tengst flugeldi, einhver hent út síg-
arettu eða eitthvað annað,“ segir
slökkviliðsstjórinn.
Hætta þegar kalt er og þurrt
Sinubrunar hafa verið óvenjutíðir
upp á síðkastið miðað við árstíma.
Slökkviliðið hefur oft þurft að sinna
nokkrum útköllum á dag vegna sinu-
bruna síðustu vikuna. Jón Viðar seg-
ir sinuna sérstaklega viðkvæma fyrir
eldi upp á síðkastið. „Það er kalt úti
og ekki blautt. Það er í rauninni það
sem skapar hættuna. Sinan er veik
fyrir, þannig að ef það kviknar í
henni þá brennur hún ansi hratt.
Vindurinn er sterkur og þeytir þessu
áfram.“
Sú varð raunin á þriðjudagskvöld-
ið. Bálið breiddist hratt út og reis
hátt í vindinum. Íbúar voru ekki í
hættu, en reykur barst þó inn í
nokkrar íbúðir og hús í nágrenninu.
„Það sem bjargaði okkur [á þriðju-
dagskvöldið] var að þetta er einskon-
ar hólf, girt af með götum og stígum,
sem gerir það að verkum að eldurinn
berst ekki yfir í hús.“ Fjölmennt
slökkvilið barðist við eldinn í um tvo
og hálfan tíma. Slökkvistarfi lauk um
klukkan hálf tvö um nóttina.
Þegar birta fór í Vatnsmýrinni í
gær mátti sjá afleiðingarnar. Eftir
stendur sótsvartur blettur í miðju
skóla- og íbúðahverfi. Áminning til
allra um að af litlum neista verður oft
mikið bál.
Svartur blettur í mýrinni
 Flugeldur eða sígaretta hugsanlega að baki bálinu  Sinubrunar óvenju tíðir
Morgunblaðið/Júlíus
Svart Eins og sjá má hefur Vatnsmýrin breytt um lit. Eldurinn kviknaði við Öskju, sem er vinstra megin á myndinni og barst undan vindi yfir blettinn.
Morgunblaðið/Gísli Baldur
Eldur Slökkviliðsstjóri segir að því fylgi kostir og gallar að slökkva eld á svæði sem Vatnsmýrinni. Gallarnir eru
augljósir – það er byggð í kring. Kostirnir eru þeir að aðgengi að eldinum og brunahönum er gott.
MMeira á mbl.is/sjonvarp