Morgunblaðið - 03.03.2011, Blaðsíða 10

10 | MORGUNBLAÐIÐ
H
elsta breytingin sem orðið
hefur í ár frá fyrri árum
er sú að dómnefndar-
fulltrúar koma frá
fleiri stöðum en
ÍMARK. Þannig sitja þeir aðilar nú
ásamt fulltrúum frá litlum fyrir-
tækjum og auglýsingastofum og
fulltrúum háskólasamfélagsins í
dómnefnd. Með þessu segir Friðrik
Rafn Larsen, lektor við viðskipta-
deild Háskólans í Reykjavík og for-
maður dómnefndar, að reynt sé að
koma til móts við ákveðna gagnrýni.
Hún hafi verið sú að það væri ekki
eingöngu fagurfræðin heldur fleiri
vinklar sem skipta máli við val á
athyglisverðustu auglýsingum
ársins.
Breytingar gefast vel
„Ég þykist vita nokkuð vel að fólk sé
ánægt með breytinguna. Það var
þannig áður að fram fór nafnlaus
kosning og það sem var kosið vann.
En nú er þetta rætt mjög vel af 13
manna dómnefnd og þannig vil ég
meina að ekkert fari í gegn af slysni.
Fyrst er heill dagur þar sem farið er
yfir allar innsendingar og út frá nið-
urstöðu þess dags kosnar ákveðið
margar auglýsingar áfram. Síðan
næsta dag er aftur kosning um þær
sem eftir eru og mjög miklar um-
ræður. Ég veit ekki betur en þetta
hafi tekist vel til með fólki með ólík
sjónarmið í dómnefnd.Valið er fag-
legra og þannig viku til að mynda
fulltrúar stóru stofanna alltaf sæti
þegar kom að innsendingum frá
þeim. En auðvitað geta aldrei allir
verið sammála í svona skapandi
grein. Ég sem kem þarna inn fyrir
hönd markaðsfræða og grafískur
hönnuður höfum ekki endilega sömu
sýn á hvað markaðsfræði á að snúast
um. En þegar upp er staðið erum við
öll í sama liði og þurfum að ná niður-
stöðu og það gekk bara mjög vel,“
segir Friðrik Rafn.
Ísland á sömu línu
Friðrik Rafn segir mikið af efni hafa
verið sent inn og að í mörgum flokk-
um hafi verið erfitt að velja sig-
urvegara en í öðrum hefði hann vilj-
að sjá fleiri og betri auglýsingar.
Hann segir þó að þegar á heildina sé
litið sé markaðsstarf gott á Íslandi
og faglega gert. „Heimurinn er til-
tölulega lítill þegar upp er staðið og
flestir að gera það sama, alla vega í
hinum vestræna heimi. Við erum á
sömu línu og samlandar okkar og ís-
lenskar auglýsingar ekkert mjög
ólíkar dönskum eða enskum. Þó við
eigum auðvitað líka okkar auglýs-
ingar þar sem fólk er að borða svið
og slíkt,“ segir Friðrik Rafn.
maria@mbl.is
Morgunblaðið/Ernir
Formaður dómnefndar Friðrik Rafn Larsen segir að þegar á heildina sé litið sé markaðsstarf gott og faglegt á Íslandi.
Faglegra val á auglýsingum
Markmið Íslensku aug-
lýsingaverðlaunanna er
að verðlauna þær aug-
lýsingar sem skara fram
úr á Íslandi. Í dómnefnd
sitja aðilar frá ólíkum
sviðum samfélagins.
D
ómnefnd AAÁ er skipuð
13 aðilum frá ÍMARK,
SÍA, háskólasamfélaginu
og fulltrúa minni fyr-
irtækja og einyrkja.
Dómnefndin fer yfir allar innsend-
ingar í opinni umræðu í tveimur um-
ferðum og kemst að sameiginlegri
niðurstöðu. Fimm innsendingar í
hverjum flokki eru tilnefndar til Lúð-
urs. Í fyrri umferð er farið yfir allar
innsendingar og valdar að hámarki
tíu innsendingar í hverjum flokki
sem komast í seinni umferð. Í seinni
umferð velur dómnefnd fimm inn-
sendingar í hverjum flokki sem að
þeirra mati eigi að fá tilnefningu og
eina af þeim sem vinnur Lúður.
Einar Örn Sigurdórsson,
hönnunarstjóri, Íslenska
auglýsingastofan
Elísabet Austmann,
markaðsstjóri, Birtingur
Friðrik Larsen, lektor,
viðskiptadeild, Háskólinn í Reykjavík
– formaður dómnefndar AAÁ
Gréta V. Guðmundsdóttir,
grafískur hönnuður, Plánetan
Gunnar Arnarson,
framkvæmdastjóri hönnunarsvið,
Hvíta húsið
Gunnar B. Sigurgeirsson,
framkvæmdastjóri markaðs- og
vöruþróun, Ölgerðin – formaður
ÍMARK
Halldóra Guðrún Ísleifsdóttir,
lektor, fagstjóri – grafísk hönnun,
Listaháskóli Íslands
Hjörvar Harðarson,
hönnunarstjóri, ENNEMM
Hörður Harðarson,
eigandi, VERT
Jón Ari Helgason,
grafískur hönnuður, Fíton
Ragnheiður Sigurðardóttir,
grafískur hönnuður, H:N
Tryggvi T. Tryggvason,
hönnunarstjóri, Pipar/TBWA
Viggó Örn Jónsson,
hönnunarstjóri, Jónson & Lemacks
Dómnefnd AAÁ skipa: