Morgunblaðið - 15.03.2011, Blaðsíða 11
Morgunblaðið/Skapti Hallgrímsson
Vellíðan „Það er áberandi hvað manni líður betur, ekki bara á líkama, heldur líka á sál,“ segir Davíð Hjálmar.
DAGLEGT LÍF 11
MORGUNBLAÐIÐ ÞRIÐJUDAGUR 15. MARS 2011
Eins og allir vita er alls ekki nóg að
leggja rækt við líkamann, heldur
verður líka að sinna blessuðu sálar-
tetrinu ef allt á að hljóma vel saman.
Heilbrigð sál í hraustum líkama ætti
auðvitað að vera metnaðarmál hvers
og eins og ein er sú leið sem hægt er
að fara til að hressa upp á andann, en
það er svokallað hláturjóga. Hlátur-
jóga nýtur æ meiri vinsælda og fyrir
þá sem hafa áhuga á að prófa slíkt er
ástæða til að minna á þriggja tíma
námskeið í hláturjóga með jákvæðu
styrkjandi ívafi, sem verður í Borgar-
túni 24 í Manni lifandi næsta laugar-
dag, 19. mars, kl. 11-14.
Þar ætlar Ásta Valdimarsdóttir
hláturjógakennari að leiða hópinn og
í tilkynningu segir að meðal annars
verði kennt:
Að nota hláturinn sem tæki til
þess að að styrkja sjálfið og efla and-
lega og líkamlega orku.
Að virkja eldmóðinn og finna
gleðina í lífinu.
Að skapa heilbrigðar venjur og
losna við þær gömlu og óæskilegu.
Að standa upp og tala.
Hláturjóga er sambland hláturæf-
inga og jógaöndunar. Það byggist á
þeirri vísindalegu staðreynd að hvort
sem hlegið er vegna ytra áreitis eða
af innri hvötum þá bregst líkaminn
eins við og jákvæð áhrif á hann verða
þau sömu. Að stunda hláturjóga er
því hollt fyrir líkama, huga og sál og
hin besta skemmtun um leið.
Í hláturjóga er oftast hlegið í hópi,
alltaf án tilefnis, án þess að brand-
arar séu sagðir eða fyndnar sögur.
Hláturinn er vakinn með skemmti-
legum leikrænum æfingum og með
því að horfast í augu verður hláturinn
fljótt eðlilegur. Hláturjóga er aðferð
sem þróuð er af indverska lækninum
dr. Madan Kataria.
Námskeið í hláturjóga
Morgunblaðið/Kristinn
Hlegið Það er hollt og gott að hlæja og hér æfir fólk sig undir berum himni.
Fyrir líkama, huga og sál
Nú er komið að því að hinn hugum-
stóri kajakræðari Riaan Manser ætli
að róa hringinn í kringum Ísland, en
áður en hann leggur upp í þá lang-
ferð, sem enginn hefur áður reynt að
vetrarlagi, þá ætlar hann að vera með
fyrirlestur í Íþróttamiðstöðinni í
Laugardal næstkomandi fimmtudag
17. mars kl. 19:30.
Þar ætlar hann að segja frá kajak-
hringferð sinni um Madagaskar en
þess má geta að Madagaskar er sex
sinnum stærri en Ísland. Riaan er
maður stórra verkefna og lætur ekki
duga að róa úti á ballarhafi á kajak
sínum hringinn í kringum heilu löndin
eða öllu heldur eyjarnar, því hann er
einnig mikill hjólagarpur og hefur
m.a. hjólað hringinn kringum Afríku,
en það ku vera þó nokkur spotti.
Þeir sem vilja lesa sér til um ævin-
týri þessa ótrúlega manns og skoða
fjöldann allan af myndum geta farið
inn á heimasíðu hans:
www.riaanmanser.com.
Fyrirlestur á fimmtudaginn
Glaður Riann fagnar við lok hring-
siglingar sinnar um Madagaskar.
Kajakræðarinn ógurlegi segir
frá ferð sinni um Madagaskar
Davíð er mikill vísna- og limrugarpur og þekktur sem
slíkur í samfélagi hagyrðinga. Hann byrjaði strax á
unglingsárum að yrkja en segir það hafa farið eftir um-
hverfinu og félagsskapnum hversu iðinn hann hefur
verið við kolann í gegnum tíðina. „Ef ég hef verið með
fólki sem yrkir hef ég smitast og ort meira sjálfur. Ef ég
er hins vegar ekki í slíkum félagsskap geta liðið löng
tímabil þar sem ég yrki lítið sem ekkert. Fyrir nokkrum
árum komst ég hins vegar í samband við svokallaðan
Leir, póstlista hagyrðinga og síðan hef ég ort mikið,“
en þess má geta að þrjár ljóðabækur hafa verið gefnar
út eftir Davíð, þar af ein sem innihélt eingöngu limrur.
Pissað í snjóinn
Hann segir upplagt að nota tímann á hlaupunum til að
yrkja, enda hreinsi þau hugann og gefi honum ráðrúm
til að hugsa. „Það er mjög gott að yrkja á skokki en
stundum vill brenna við að ég gleymi sumu af því sem
ég sem áður en ég kem heim. Það sem ég man skrifa ég
hins vegar niður og margar vísur hafa orðið til með
þeim hætti.“
Eins og geta má nærri vill hlaupaáhuginn og vísnagerð-
in gjarnan renna saman hjá Davíð svo eftir hann liggja
fjölmargar hlaupavísur. „Fyrir nokkrum árum þegar ég
var sem sprækastur hljóp ég nokkuð oft uppi menn og
hesta – þ.e.a.s. menn á hestbaki – og hafði alveg
óskaplega gaman af því að sjá knapana þegar ég fór
fram úr þeim.“ Við eitt slíkt tækifæri varð til vísa:
Á skokki er mín skemmtun best
að skyggnast eftir knapa,
elti síðan hann og hest
og hlæ er báðir gapa.
Davíð heldur áfram: „Um daginn var stórhríð hér á Ak-
ureyri en mér sýndist vera sæmilegt veður þegar ég
leit út um gluggann hérna í vinnunni svo ég fór af
stað.“ Á leiðinni heim fór Davíð að hugsa um snjóinn
og veðrið:
Virðist hvorki van né of
en vel í lagt á köflum;
óð ég snjóinn oft í klof
og í nef í sköflum.
Og ein limra í lokin:
Veturinn harður er hér,
á hlaupunum setur að mér.
Loppinn má pissa,
leita þá hissa
og loks þarf ég stækkunargler.
Hljóp uppi hestana
ÞEKKTUR VÍSNA- OG LIMRUGARPUR
Fitulítil og
próteinrík . . .
… og passar með öllu
www.ms.is
H
V
ÍT
A
H
Ú
S
IÐ
/
S
ÍA