Morgunblaðið - 20.06.2011, Page 9
Helgi Bjarnason
helgi@mbl.is
„Hugmyndin er að leyfa útlend-
ingum að smakka íslenskan mat,“
segir Sigmundur Helgason, 17 ára
menntaskólanemi, sem ásamt félaga
sínum úr körfuboltanum, Hlyni
Hreinssyni, hefur opnað söluskúr við
Ísafjarðarhöfn. Þar er vel pipraður
plokkfiskur efst á matseðlinum en
einnig rækjuborgarar og fleiri réttir
fyrir þá sem ekki vilja plokkarann.
Farþegar skemmtiferðaskipanna
ganga hjá skúrnum þegar þeir koma
í land. Stórt skip var á Ísafirði fyrsta
daginn sem strákarnir höfðu opið.
Fólkið er í fæði um borð og kemur
ekki svangt í land. Hlynur og Sig-
mundur lögðu sig þó fram um að láta
vita af sér og nokkrir komu til að
kaupa sér litla skammta, til að
smakka. Þar eignaðist fyrirtækið
sína fyrstu aðdáendur en því miður
er dagskrá skipanna þannig að ekki
eru líkur á að þetta fólk komi aftur
til Ísafjarðar.
Fer í reynslubankann
Ekki er aðeins verið að stíla inn á
ferðamennina því heimamenn hafa
tekið framtakinu vel.
„Eruð þið með plokkfisk hér?“
spyr aðvífandi viðskiptavinur og
greinilegt er að fiskisagan flýgur um
bæinn. Þessi er matmaður og biður
um tvo stóra skammta til að taka
með heim, ásamt rúgbrauðinu sem
fylgir, og bætir síðan þriðja skammt-
inum við, svona til öryggis. Annar
kúnni sem er í sömu hugleiðingum,
ættaður úr Djúpinu, staðfestir að
plokkfiskurinn sé eins og hann var
matreiddur í Djúpinu.
Sigmundur og Hlynur réðust í það
að leigja sér skúr og setja upp fyr-
irtækið, með dyggum stuðningi for-
eldra sinna, til að geta stundað æf-
ingar í sumar. Þeir eru báðir í
körfuboltanum, að stíga sín fyrstu
skref í meistaraflokki, og þurfa að
koma í góðu líkamlegu standi til
leiks í haust. Þeir eru því að lyfta og
styrkja sig. Erfitt er að mæta reglu-
lega á æfingar, þegar menn eru í al-
mennri vinnu. Foreldrarnir hafa lof-
að að leysa þá af, þegar þeir þurfa að
fara á æfingar.
„Það er lærdómsríkt og skemmti-
legt að prófa þetta. Vonandi gefur
þetta einhvern pening líka,“ segir
Sigmundur um reynsluna af því að
stofna fyrirtæki og starfa sjálfstætt.
„Þetta fer beint í reynslubankann,“
bætir Hlynur við.
Selja plokkfisk og rækjuborgara
Tveir ungir körfuboltamenn stíga sín fyrstu skref í sjálfstæðri starfsemi
Bjóða ferðafólki og heimamönnum fiskrétti úr söluskúr við Ísafjarðarhöfn
Ljósmynd/Halldór Sveinbjörnsson
Athafnamenn Hlynur Hreinsson og Sigmundur Helgason afgreiða sjálfir í matsöluskúrnum við Ísafjarðarhöfn.
FRÉTTIR 9Innlent
MORGUNBLAÐIÐ MÁNUDAGUR 20. JÚNÍ 2011
Janus Arn Guðmundsson
janus@mbl.is
Þórir Kr. Þórisson, fyrrverandi
bæjarstjóri í Fjallabyggð, ræðst
ekki á garðinn þar sem hann er
lægstur, en hann mun hjóla frá
Seltjarnarnesi til Siglufjarðar nk.
þriðjudag til styrktar Iðju/
dagvistun fyrir fatlaða á Siglu-
firði.
Aðspurður segist Þórir ætla að
leggja af stað klukkan sex að
morgni þriðjudagsins frá Sel-
tjarnarneskirkju en hann áætlar
að ferðin muni taka fjóra daga.
„Mig hefur alltaf langað til að
hjóla frá Seltjarnarnesi til Siglu-
fjarðar og þegar ég frétti að Iðja
gæti ekki fjármagnað skynörv-
unarherbergið, sem staðið hefur
til að koma á laggirnar lengi,
ákvað ég að láta slag standa,“
segir Þórir kappsamur, en hann
segir að málefni fatlaðra séu sér
mjög hugleikin og bætir því við
að Iðja/dagvistun í Fjallabyggð
veiti fólki þjálfun, vinnu, umönn-
un og afþreyingu sem fötlunar
sinnar vegna þarf á sérhæfðri og
einstaklingsmiðaðri þjónustu að
halda.
Skynörvunarherbergi
Skynörvunartæki miða að því
að örva skynfæri fatlaðra ein-
staklinga sem ná ekki sömu
skynjun út úr umhverfi sínu sem
eðlilegt telst að ná. „Okkur
dreymir um að kaupa vatnsrúm
með útvarpi, en tónlistin hefur
það hlutverk að leiða hljóð-
bylgjur í gegnum líkamann og
örvar það skynfæri þeirra sem
notast við þessa tækni,“ segir
Þórir og bætir við að í herberg-
inu verði sérstök lýsing sem
hjálpar til við örvunina, það er
sérstök lýsing.
Spurður út í starfsemi Iðju
segir hann starfið miða að því að
aðstoða fatlaða við að vera virkir
þátttakendur í daglegu lífi. Í dag
nýta tólf einstaklingar sér þjón-
ustuna og eru þeir 18 ára og
eldri.
Þórir vill hvetja fólk til að
leggja málefninu lið, en stefnt er
að því að safna einni milljón.
Þeir sem vilja gera það geta gert
það með því að leggja inn á
reikning:1102-05-402699, kt.
580706-0880 í Sparisjóði Siglu-
fjarðar.
Hjólar Þórir safnar fé til styrktar dagvistun fyrir fatlaða á Siglufirði.
Hjólar 400 kíló-
metra á 4 dögum
Ásta Katrín Vilhjálmsdóttir var í
gær verðlaunuð fyrir að vera sjálf-
boðaliði ársins hjá Fjölskylduhjálp
Íslands. Anna Auðunsdóttir var
jafnframt gerð að heiðursfélaga
Fjölskylduhjálparinnar.
Matthías Imsland, stjórnarmaður
í Fjölskylduhjálp Íslands, veitti
þeim verðlaun og viðurkenningar.
Verðlaunin voru veitt í húsnæði
Fjölskylduhjálparinnar í Eskihlíð.
Skv. upplýsingum Fjölskyldu-
hjálparinnar hafa 3.757 ein-
staklingar á síðastliðnum 10 mán-
uðum leitað til
Fjölskylduhjálparinnar eftir mat-
araðstoð og var fjöldi úthlutana á
þessu tímabili 26.120.
Hver sá sem sækir um matarað-
stoð þarf að sýna fram á þörf sína
fyrir aðstoðina. Fólk kemur með
gögn um innkomu og útgjöld hvers
mánaðar.
Morgunblaðið/Ernir
Viðurkenning Matthías Imsland og
Anna Auðunsdóttir heiðursfélagi.
Verðlauna
sjálfboðaliða