Morgunblaðið - 19.08.2011, Page 19

Mormónar nýta leitar-
vélarnar út í ystu æsar
Bogi Þór Arason
bogi@mbl.is
Mormónakirkjan hefur frá upphafi
lagt mikla áherslu á trúboð og hún
virðist hafa verið fljót að átta sig á
mikilvægi leitarvélanna á netinu
til að koma boðskap sínum á fram-
færi. Enda telja margir að leitar-
vélarnar séu öflugasta
markaðssetningartæki samtímans.
Þegar orðið „kirkja“ er gúglað
er heimasíða mormónakirkjunnar
á Íslandi í fimmta sæti á
niðurstöðulista Google. Svipaða
sögu er að segja um ensku orðin
„church“ og „Old Testament“; vef-
síður mormónakirkjunnar í Banda-
ríkjunum eru ofarlega á listum
Google. Jafnvel þegar orð á borð
við „friend“ eru gúgluð koma vef-
síður bandarísku mormónakirkj-
unnar einna fyrst í leitirnar.
The Washington Post hefur eftir
ímyndarfræðingum og fræðimönn-
um, sem rannsaka hvernig fólk
notar leitarvélarnar, að þeim þyki
mikið til þess koma hvernig mor-
mónakirkjan noti netið til að koma
boðskap sínum á framfæri. Heima-
síða kirkjunnar, lds.org, fái fleiri
heimsóknir en vefsíður annarra
bandarískra trúfélaga. Samt eru
mormónar aðeins um 1,7% fullorð-
inna íbúa Bandaríkjanna. Í heim-
inum öllum eru rúmar tólf millj-
ónir manna í söfnuðum mormóna,
þar af um helmingurinn í Banda-
ríkjunum og rúmlega 200 á Ís-
landi.
Bandaríska mormónakirkjan
hefur beitt ýmsum aðferðum til að
sjá til þess að leitarvélarnar vísi
sem oftast á vefsíður mormóna og
lagt mikla áherslu á að fræða með-
limi kirkjunnar um mátt leitarvél-
anna. Þeir eru meðal annars hvatt-
ir til að smella sem oftast á tengla
til að koma þeim ofar á
niðurstöðulista leitarvélanna.
Vilja hafa áhrif á ímyndina
The Washington Post hefur eftir
talsmönnum mormónakirkjunnar
að fyrir henni vaki einkum að hafa
áhrif á ímynd hennar í Bandaríkj-
unum. Blaðið bendir á að sam-
kvæmt viðhorfskönnunum hafa
margir Bandaríkjamenn illan bifur
á mormónakirkjunni og margir
þeirra efast um að mormónar séu í
raun kristnir. Mormónar líta á
hinn bóginn svo á að aðrir trúar-
hópar, sem kenna sig við Krist,
hafi villst af leið.
Mormónakirkjan, eða Kirkja
Jesú Krists hinna Síðari daga heil-
ögu, lítur á sig sem hliðstæðu
frumkirkjunnar sem Kristur stofn-
aði. Hún gefur sig því út fyrir að
vera eina kristna kirkjan sem hafi
valdsumboð frá Kristi, að því er
fram kemur á vefsíðu íslensku
mormónakirkjunnar sem hægt er
finna með því að nota leitarvél-
arnar.
 Þykja bráð-
snjallir í að notfæra
sér mátt netsins
Gúgl Leitarvélarnar eru eitt mikil-
vægasta trúboðstæki samtímans.
FRÉTTIR 19Erlent
MORGUNBLAÐIÐ FÖSTUDAGUR 19. ÁGÚST 2011
Bogi Þór Arason
bogi@mbl.is
Barack Obama Bandaríkjaforseti og leiðtogar Evrópu-
ríkja kröfðust þess í gær að Bashar al-Assad, forseti Sýr-
lands, segði af sér vegna árása öryggissveita sem hafa
kostað yfir 2.000 manns lífið frá miðjum mars þegar mót-
mæli hófust gegn alræðisstjórn Baath-flokksins.
Obama tilkynnti einnig að hann hefði gripið til frekari
refsiaðgerða gegn stjórnvöldum í Sýrlandi, fryst allar
eignir þeirra í Bandaríkjunum og bannað fjárfestingar og
útflutning til Sýrlands.
Nicolas Sarkozy, forseti Frakklands, Angela Merkel,
kanslari Þýskalands, og David Cameron, forsætisráð-
herra Bretlands, gáfu út sameiginlega yfirlýsingu þar
sem þau hvöttu Assad til að láta af embætti forseta. „Við
hvetjum hann til að víkja og sætta sig við þá staðreynd að
sýrlenska þjóðin hefur algerlega hafnað honum og afsögn
hans þjónar best hagsmunum Sýrlands og einingu
þjóðarinnar.“
Mannréttindafulltrúi Sameinuðu þjóðanna, Navi
Pillay, sagði í gær að árásir öryggissveitanna kynnu að
vera glæpir gegn mannkyninu. Hann hvatti öryggisráð
Sameinuðu þjóðanna til að vísa málinu til Alþjóðasaka-
máladómstólsins í Haag.
Í nýrri 22 síðna skýrslu þrettán sérfræðinga, sem rann-
saka blóðsúthellingarnar, kemur m.a. fram að liðhlaupar
úr sýrlenska hernum segjast hafa fengið fyrirmæli um að
skjóta á óbreytta borgara. Herinn hafi m.a. beitt leyni-
skyttum á húsþökum og flugvélum í árásunum.
Krefjast afsagnar Assads
 Mannréttindafulltrúi SÞ vill saksókn vegna meintra glæpa gegn mannkyni
Segja eitt, gera annað
» Assad Sýrlandsforseti sagði
framkvæmdastjóra Sameinuðu
þjóðanna í gær að árásir ör-
yggissveitanna hefðu verið
stöðvaðar. Daginn áður urðu
þær a.m.k. 10 manns að bana.
» Þetta er ekki í fyrsta skipti
sem ráðamenn Sýrlands segja
eitt, en gera annað.
Kínverski gælufuglinn Xiao Nuo hefur fyrst og fremst
áhuga á myndavélum. Eigandi hans segir að um leið og
fuglinn sjái myndavél standist hann ekki mátið og
fljúgi að henni til að skoða hana. Xiao Nuo staðfesti
þetta þegar fjölmiðlamenn ræddu við eigandann því
fuglinn byrjaði strax að gogga í græjur ljósmyndarans.
Reuters
Forvitinn gælufugl með auga fyrir góðum græjum
Myndavélar efstar í goggunarröðinni
Margir hafa talið
að svarti dauði,
einn skæðasti
heimsfaraldur
sögunnar, hafi
breiðst út með
rottum en rann-
sókn breska
fornleifafræð-
ingsins Barney
Sloane bendir til þess að þær hafi
verið hafðar fyrir rangri sök.
Sloane rannsakaði útbreiðslu
svarta dauða sem geisaði í Lund-
únum á árunum 1348-1349 og
komst m.a. að þeirri niðurstöðu að
farsóttin hefði breiðst svo hratt út
að ómögulegt væri að rottur hefðu
breitt hana út, að sögn dagblaðsins
The Guardian.
Rottur breiddu ekki
út svarta dauða
BRETLAND
Á Gotlandi,
sænskri eyju í
Eystrasalti, er til
sölu hús með
þremur svefn-
herbergjum – og
beinagrind frá
miðöldum í kjall-
aranum. Húsið
var reist árið
1750 á grunni
miðaldakirkju og
beinagrindin sést í gegnum gler í
kjallaranum. Ásett verð á öllu sam-
an er um 74 milljónir ísl. króna.
Til sölu er hús með
miðaldabeinagrind
Beinagrindin í
kjallaranum.
SVÍÞJÓÐ
Fjögurra metra langur hákarl réðst
í gær á 16 ára pilt sem var á sundi
nálægt Zheltukhina-eyju í Kyrra-
hafi, undan strönd Rússlands, og
særði hann alvarlega. Daginn áður
missti 25 ára maður framhandlegg-
ina þegar hann bjargaði eiginkonu
sinni frá árás hákarls. Sérfræð-
ingar telja að sami hákarlinn hafi
gert árásirnar og segja þær mjög
sjaldgæfar á þessum slóðum.
„Mannætuhákarl“
ræðst á tvo menn
RÚSSLAND
Að minnsta kosti sjö Ísraelar biðu
bana og 25 særðust í árásum á rútu
og bíla í suðurhluta Ísraels, að sögn
þarlendra fjölmiðla í gær.
Nokkrum klukkustundum síðar
biðu sex manns bana í loftárás
Ísraelshers á bæinn Rafah á Gaza-
svæðinu.
Árásirnar í Ísrael hófust þegar
byssumenn skutu á rútu nálægt
landamærunum að Egyptalandi.
Seinna var ráðist á tvo bíla á eyði-
merkurvegi að bænum Eilat við
Rauðahaf. Hermenn skutu síðar sjö
palenstínska árásarmenn til bana, að
sögn fjölmiðla í Ísrael.
Embættismenn í Ísrael sögðu að
árásarmennirnir væru frá Gaza-
svæðinu og hefðu komið til Ísraels í
gegnum Sinaí-eyðimörkina í
Egyptalandi.
Nokkrum klukkstundum síðar
gerði Ísraelsher loftárásir á Rafah
og sjónarvottar sögðu að sex menn
hefðu fallið, þeirra á meðal Kamal
al-Nayrab, leiðtogi herskárrar
hreyfingar á Gaza.
Mannskæð-
ar árásir í
Ísrael og
á Gaza
Benedikt XVI páfi kom til Madrídar
á Spáni í gær til að taka þátt í
hátíðarhöldum í tilefni af heimsdegi
æskunnar. Allt að milljón ungra píla-
gríma hvaðanæva úr heiminum hef-
ur safnast saman í Madríd til að taka
þátt í hátíðinni sem lýkur á sunnu-
daginn kemur þegar páfi syngur
messu í borginni. Hátíðin hófst á
þriðjudagskvöld með útimessu að
viðstöddum 800 biskupum, erkibisk-
upum og kardinálum.
Í fyrrakvöld kom til átaka milli
lögreglumanna og mótmælenda sem
telja að heimsókn páfa og hátíðar-
höldin séu of dýr fyrir spænska
skattgreiðendur á tímum efnahags-
þrenginga og niðurskurðar. Skipu-
leggjendur hátíðarinnar segja hins
vegar að pílagrímarnir greiði kostn-
aðinn að mestu og komi með um 100
milljónir evra, sem svarar 16,4 millj-
örðum króna, inn í spænska hagkerf-
ið. Spænska stjórnin hefur ekki vilj-
að segja neitt um kostnað spænska
ríkisins.
Reuters
Páfaheimsókn Jóhann Karl Spánarkonungur kyssir hring Benedikts páfa
við komu trúarleiðtogans til Barajas-flugvallar í Madríd í gær.
Deilt um kostnað
af kaþólskri hátíð