Morgunblaðið - 28.09.2011, Blaðsíða 9

FRÉTTIR 9Innlent
MORGUNBLAÐIÐ MIÐVIKUDAGUR 28. SEPTEMBER 2011
Anna Wojtynska, doktorsnemi í
mannfræði við Háskóla Íslands,
flytur á morgun, fimmtudag, erindi
um pólska innflytjendur á Íslandi
frá kynjasjónarhorni. Erindið flyt-
ur hún kl. 12-13 í stofu 102 á Há-
skólatorgi. Það er flutt á vegum
RIKK, Rannsóknarstofu í kvenna-
og kynjafræðum.
Pólskir innflytjendur
Fimmtudaginn
29. september
verður haldinn
fundur á vegum
Alþjóðamála-
stofnunar í Lög-
bergi 101, frá kl.
16-17, þar sem
verður fjallað um
bandarísk stjórn-
mál, sem eru nú í
brennidepli, því
það styttist óðum í næstu kosn-
ingar.
Dr. Michael Corgan, prófessor
við Boston University, mun ræða
stjórnmál og núverandi stefnumót-
un Bandaríkjanna og hvort Banda-
ríkin eru búin að missa titil sinn
sem eitt valdamesta ríki heims. Tit-
ill fyrirlestrarins er Is this how a
superpower works?
Fyrirlestur um
bandarísk stjórnmál
Michael
Corgan
Hreinn Þorvaldsson
múrarameistari lést á
Landspítalanum við
Hringbraut að morgni
26. september. Hann
fæddist 19. desember
1928 á Fáskrúðsfirði,
sonur hjónanna Þor-
valdar Sveinssonar og
Guðrúnar Sigurborgar
Vilbergsdóttur.
Hann starfaði við
múrverk í Reykjavík
og víðar þar til hann
hóf störf hjá Mosfells-
hreppi árið 1960, fyrst sem verkstjóri
en síðar sem byggingafulltrúi og
byggingastjóri. Hann stjórnaði m.a.
byggingu Varmárskóla, Varmár-
laugar, gagnfræðaskóla og íþrótta-
húss Mosfellsbæjar.
Hreini voru falin ýmis
trúnaðarstörf, m.a. hjá
Múrarafélagi Reykja-
víkur en hann sat þar í
stjórn um árabil. Hann
var einnig í Múrara-
meistarafélaginu.
Hjá Mosfellshreppi
voru honum einnig falin
ýmis trúnaðarstörf, m.a.
hjá Lionsklúbbnum,
sóknarnefnd Lágafells-
kirkju og stjórn Kaup-
félagsins. Hreinn var
einn af stofnendum
Myndlistarklúbbs Mosfellssveitar.
Hann málaði allt til dauðadags. Eft-
irlifandi eiginkona hans er Guðrún
Sigurborg Jónasdóttir frá Lýsudal í
Staðarsveit. Hann lætur eftir sig
fimm uppkomin börn.
Andlát
Hreinn Þorvaldsson
Stefán M. Gunnars-
son, fyrrverandi
bankastjóri, lést 26.
september sl., 77 ára
að aldri.
Stefán fæddist 6.
desember 1933 á
Æsustöðum í Langa-
dal, Austur-Húna-
vatnssýslu. Foreldrar
hans voru Sigríður
Stefánsdóttir hús-
freyja og Gunnar
Árnason sóknar-
prestur.
Stefán lauk landsprófi frá Laug-
arvatni 1951 og útskrifaðist frá
framhaldsdeild Samvinnuskólans í
Reykjavík 1954. Hann starfaði hjá
Sambandi íslenskra samvinnu-
félaga og kaupfélögum á árunum
1954-1960 utan eitt ár sem hann
var framkvæmdastjóri UMFÍ
1956-1957. Hann var kaupfélags-
stjóri Kaupfélags Austfjarða á
Seyðisfirði 1958-1959 og kaup-
félagsstjóri Kaupfélags Kópavogs
1959-1960. Stefán var útibússtjóri
Búnaðarbanka Íslands á Egils-
stöðum veturinn 1960-1961. Hóf
störf hjá Landsbanka Íslands-
Seðlabanka 4. maí 1961 og starfaði
í ýmsum deildum
Seðlabanka Íslands
óslitið til 31. maí
1976, utan mánuðina
febr.-júní 1973, kom
þá af stað og var
fyrsti framkvæmda-
stjóri Viðlagasjóðs.
Hann var bankastjóri
Alþýðubankans hf. frá
1. júní 1976 til 1.
ágúst 1987. Réðst á
ný til starfa hjá
Seðlabanka Íslands 1.
febrúar 1988. Var for-
stöðumaður Gjaldeyriseftirlits
Seðlabankans frá 1. maí 1991 til
starfsloka 31. des. 1998.
Stefán var formaður starfs-
mannafélags Seðlabankans og í
stjórn Sambands ísl. bankamanna
um árabil, á yngri árum. Var for-
maður sóknarnefndar Kársnes-
prestakalls 1972-1996 og vann öt-
ullega að málefnum Kópavogs-
kirkju.
Eftirlifandi eiginkona Stefáns er
Hertha W. Jónsdóttir, fyrrverandi
hjúkrunarframkvæmdastjóri. Börn
þeirra eru Jón Gunnar kvik-
myndagerðarmaður og Sigríður
Þrúður ferðamálafræðingur.
Andlát
Stefán M. Gunnarsson
Borgarfjörður | Landbúnaðarhá-
skóli Íslands á Hvanneyri og Umf.
Íslendingur buðu til afmælishófs í
íþróttahúsinu á Hvanneyri á sunnu-
dag. Fjölmenni mætti í hið gamla
íþróttahús sem hefur verið í notkun
óslitið í 100 ár án mikilla breytinga.
Rektor Landbúnaðarháskólans,
Ágúst Sigurðsson, setti samkomuna,
en fól síðan Bjarna Guðmundssyni
að stýra dagskrá.
Í máli Bjarna kom fram að Hall-
dór Vilhjálmsson skólastjóri stóð
fyrir byggingu íþróttahússins, sótti
um styrk til Alþingis, en kostnaðar-
áætlun hljóðaði upp á heilar 6.000 kr.
þar af taldi Halldór hægt að skrapa
saman efni frá öðrum framkvæmd-
um á staðnum að upphæð um 2.000
kr. Mismuninn, 4.000 kr., vonaðist
hann til að fá í styrk frá Alþingi. Al-
þingi sá sér ekki fært að styrkja
framkvæmdina svo Halldór varð að
snapa fjármagn annars staðar frá og
vitað er að hann lagði verulega til
verksins úr eigin vasa.
Afmælisdagskráin var fjölbreytt.
Grunnskólabörn léku listir sínar,
danshópurinn Sporið dansaði þjóð-
dansa og svo var fjöldasöngur o.fl.
Að lokinni 1½ tíma dagskrá sleit
Ágúst rektor samkomunni, en bauð
öllum að þiggja veitingar í Skemm-
unni, sem er nýuppgert safnaðar-
heimili handan götunnar en hún var
byggð 1896.
Morgunblaðið/Pétur Davíðsson
Léttfætt Danshópurinn Sporið sýndi þjóðdansa í tilefni afmælisins.
100 ára afmæli íþróttahall-
arinnar á Hvanneyri
Hópur áhugafólks vinnur að því að
gera stapana við þjóðveginn til Pat-
reksfjarðar að einskonar bæjarhliði.
Þar geti vegfarendur einnig heyrt
lesið fyrsta ljóðið úr ljóðabók Jóns
úr Vör, Þorpinu, og síðar verði hægt
að lesa eða hlusta á öll ljóðin úr bók-
inni á sögustöðum.
Staparnir eru áberandi við veginn
í hlíðinni, skömmu áður en komið er
til Patreksfjarðar. Haukur Már Sig-
urðarson kaupmaður og fleiri áhuga-
menn vinna að því að lýsa upp stap-
ana og bergið ofan við veginn en þar
er oft klakaveggur á vetrum.
Þar verður fólk boðið velkomið í
þorpið sem Patreksfirðingurinn Jón
úr Vör gerði að yrkisefni í sam-
nefndri ljóðabók. Hægt verður að
hlusta á fyrsta ljóðið á áningar-
staðnum og hlusta á hin ljóðin eða
lesa þau á þeim stöðum í þorpinu
sem fjallað er um. Síðasta ljóðið
verður í Vör þar sem Jón ólst upp.
Kveikt á ljósunum að ári
„Ég held að þetta sé í fyrsta skipti
sem fólk á kost á því að hlusta á heila
ljóðabók á þeim stað sem fjallað er
um,“ segir Haukur Már.
Hann hefur undirbúið málið og
hyggst leita til fyrirtækja og félaga á
staðnum um stuðning til að hrinda
verkinu í framkvæmd. Vonast hann
til þess að hægt verði að kveikja á
ljósunum þegar fer að skyggja
næsta haust.
helgi@mbl.is
Staparnir gerðir að
hliði að „Þorpinu“
Morgunblaðið/Helgi Bjarnason
Út um hliðið Gestir Patreksfjarðar verða boðnir velkomnir í „Þorpið“.
Alls sóttu 22 um starf borgarritara,
sem Reykjavíkurborg auglýsti fyrr í
september en umsóknarfrestur rann
út í fyrradag. Ráðgjafafyrirtækið
Capacent mun vinna úr umsóknun-
um.
Um er að ræða nýtt embætti, sem
borgarráð samþykkti fyrr í þessum
mánuði að stofna. Borgarritari verð-
ur staðgengill borgarstjóra en skrif-
stofustjóri borgarstjóra hefur gegnt
því starfi. Borgarritari mun bera
ábyrgð á miðlægri stjórnsýslu og
stoðþjónustu á vegum Reykjavíkur-
borgar. Staða hjá borginni hét sama
nafni hér áður fyrr, en var síðar lögð
niður árið 2007.
Umsækjendur eru: Ásgeir Eiríks-
son, MBA, Ásgerður Jóna Flosa-
dóttir, MBA, Bjarni Daníelsson,
stjórnsýslufræðingur, Bjarni Þór
Pétursson, stjórnmálafræðingur,
Bryndís Jónsdóttir, MA í mannauðs-
stjórnun, Eggert Guðmundsson,
byggingarfræðingur, Ellý Katrín
Guðmundsdóttir, sviðsstýra um-
hverfis- og samgöngusviðs Reykja-
víkur, Glúmur Baldvinsson, MSc í al-
þjóðasamskiptum, Guðrún
Gísladóttir, viðskiptafræðingur,
Haukur Ísbjörn Jóhannsson, nemi,
Hrólfur Jónsson, sviðsstjóri fram-
kvæmdasviðs Reykjavíkur, Inga
Guðrún Gestsdóttir, viðskiptafræð-
ingur, Ingibjörg Eðvaldsdóttir,
gæðafulltrúi, Kristinn Már Ársæls-
son, félagsfræðingur, Magnús Ingi
Erlingsson, lögfræðingur, Óskar J.
Sandholt, framkvæmdastjóri, Pálmi
Másson, bæjarstjóri, Sigtryggur
Jónsson, framkvæmdastjóri, Sveinn
Guðmundsson, hrl., Valdimar Kúld
Guðmundsson, stjórnmálafræðingur
og Þorsteinn Fr. Sigurðsson, rekstr-
arhagfræðingur.
22 sækja um stöðu borgarritara
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
• www.hjahrafnhildi.is
Þunnu langermabolirnir komnir
Blúndu og sléttirINCQC 2012 G05
SÍÐBUXUR,(ullarblanda) svartar-brúnar -gráar
SVARTAR GALLABUXUR
NÝ
SENDIN
G
GARDEUR GÆÐABUXUR
Laugavegi 63 • S: 551 4422
Opinn málfundur: Er skynsamlegt að leggja
aðildarumsókn Íslands að ESB til hliðar?
Gestir verða: Bjarni Benediktsson, Sigmundur Davíð Gunnlaugsson,
Steingrímur J. Sigfússon og Valgerður Bjarnadóttir.
Fundurinn verður haldinn miðvikudag 28. september klukkan
12:00-13:00 í Háskóla Íslands, Lögbergi – stofu 102.
Fundurinn er opin öllum, verið velkomin.
Herjan – félag stúdenta gegn ESB-aðild
Heimssýn – Hreyfing sjálfstæðissinna í Evrópumálum