Eining - 01.11.1957, Blaðsíða 9
E I NI NG
9
hollvinahugir hverfa vestur um hafið til að fagna með dr.
Richard Beck sextugum, árna honum heilla og minnast af-
reka þessa austfirzka sægarps, sem svo örugglega hefur num-
ið sér land á túnum Braga og Sökkvabekk Sögu“.
Bókin, sem er 280 blaðsíður birtir svo erindi, ræður og
ritgerðir um ýmislegt efni og ýmsa merkismenn. Má hver
gera sér ljóst, hvers konar Iesmál þar er, ef nefnd eru aðeins
nokkur nöfn þessara manna. Þeir eru til dæmis: „Menning-
arfrömuðurinn og þjóðhetjan, Jón Arason“, Sveinn Björns-
son, forseti íslands, Sigurður Jónsson, Arnarvatni, Jón
Magnússon, skáld, Jakob Jóhannesson Smári, skáld, skáld-
konan Elinborg Lárusdóttir, Tómas Guðmundsson, skáld,
Sigurður skólameistari Guðmundsson, Þórir Bergsson, skáld,
skáldjöfurinn Stephan G. Stephansson, Þorsteinn Þ. Þor-
steinsson, skáld og rithöfundur, Sigurður Júl. Jóhannesson,
læknir og skáld, Hjörtur Thordarson, raffræðingur.
Dr. Richard Beck vitnar víða í verk þessara manna, og
eru þar víða ljóðaperlur og annað til auðgunar anda hvers
manns.
Enginn þarf að ætla, að jafnlærður, málhagur og þjálfað-
ur maður við menntastörf, hjartahlýr og mikill mannvinur
sem dr. Richard Beck er, riti svo um alla þessa menn, er
nefndir voru, og aðra fleiri, án þess að þar sé margt vel sagt,
uppbyggilegt og gott til fróðleiks. Þar er í orðsins beztu merk-
ingu hollt og gott lesmál, og dr. Beck vill hvorki ljá nafn
sitt né starfskrafta neinu öðru en því, sem nytsamtlegt er
og gott til fróðleiks og uppbyggingar, en slíkir menn eiga
mest allra manna hrós skilið fyrir störf sín í þágu mannkyns
og menningar. Öll list, hvort sem eru ritstörf eða annað,
sem ekki er vígð hinu g|óða, fagra og göfuga, er í þjónustu
myrkravaldanna, neikvæð og óvinur lífsins. Það er ekki æsi-
málið né upphrópanir skrípamjmda, sem þoka mannkyni
áfram á þroskabrautinni til fullkomins sigurs yfir dýrseðlinu,
nei, það er aðeins hitt, sem runnið er frá hinum tæru upp-
sprettum manngöfgis og góðvildar, sannleiksástar og réttlæt-
is. Öll skrif dr. Richards Beck og öll hans störf eru af þess-
um rótum runnin, og þess vegna skulu þau mikils metin.
Hann er og vandvirkur maður, sem býr fögrum og göfgum
hugsjónum, vandaðan og fallegan búning. Bókin, / átthag-
ana andinn leitar, er falleg og hrein — hrein og falleg.
Þessi orð um bókina má gjarnan endurtaka og undirstrika.
Að öðru leyti verður ekki fjölyrt um hana hér, því vandi er
nokkur, að gera upp á milli efnis bókarinnar.
Myndir þeirra manna, sem skrifað er um í bókinni, prýða
hana, auk myndar höfundarins sjálfs, en vafalítið verður eig-
in
\ac^ci c^\
Svo hefur Drottinn, hinn heilagi í Israel, sagt:
„Fyrir afturhvarf og rósemi skuluð þér frelsaðir
verða. í þolinmæði og trausti skal styrkur yðar
vera“, en þér vilduð það ekki . . .
Fyrir því dregur Drottin það, að miskunna yður,
og fyrir því heldur hann kyrru fyrir, unz nann get-
ur líknað yður, því að Drottinn er Guð réttlætis,
sælir eru allir þeir, sem á hann vona . . . Hann
mun vissulega miskunna þér, þegar þú kallar í
neyðinni, hann mun bænheyra þig, þegar hann
heyrir til þín . . . , og eyru þín munu heyra þessi
orð kölluð á eftir þér, þá er þér víkið til hægri
handar eða vinstri:
„Hér er vegurinn ! Farfó hann!“
Jesaja 30, 15-21.
Hin mikla ógæfa mannanna á öllum tímum,
hefur ekki verið sú, að vita ekki, heldur hitt, að
vilja ekki. „Þér vilduð það ekki“, segir hið heilaga
orð. Ef hugur og hjarta mannsins er opið fyrir rödd
Guðs í samvizkunni, mun guð réttlætisins vissulega
tjá honum hvað sé hið sanna og rétta í hverju
máli, hver sé „vegurinn“.
Ef menn aðeins elskuðu réttlæti, mundu þeir
breyta grandvarlega og réttlátlega. Um Krist var
sagt: „Hann elskaði réttlæti, en hataði ranglæti“.
Og allir kristnir menn vita, hver breytni hans var.
Hann hafði hreinar hendur og hreina samvizku,
og gat því fellt rétta úrskurði: „Gefið þá keisar-
anum það, sem keisarans er, og Guði það sem
guðs er“.
endum bókarinnar oftast litið á heilblaðsíðumynd af þeim
hjónunum, höfundinum og konu hans á þeirra vistlega heim-
ili. Þetta er mjög falleg og elskuleg mynd. Endist þeim aldur
sem lengst til þess að vinna hið góða verk.
Pétur Sigurðsson.
Á degi neyðarinnar.
Snjall kennari í Noregi, sem einnig hefur
verið stórtemplar Norðmanna, sagði við
mig, að fyrir heimsstyrjöldina síðari, hefðu
menn þar í landi oft yppt öxlum, þegar
Guð var nefndur, en er ógn-ir styrjaldarinn-
ar skullu á þjóðinni, kom í ljós þörfin á
Guði. Á þeim árum var kristindómurinn
og þjóðhollustan sterkustu taugarnar í lífi
Norðmanna, sagði þessi ósvikni sonur
Noregs.
P. S.
Áfengisneyzla unglinga í
Svíþjóð hefur fjórfaldast
ó seinustu f jórum órum.
Áfengisnautn sænskra unglinga hefur fjór-
faldast á s.l. fjórum árum, segir í bréfi,
sem sænska fræðslumálaskrifstofan hefur
sent sænsku ríkisstjórninni. í bréfinu fer
fræðslumálastjórnin fram á, að fjárfram-
lög til tómstundaiðju séu stóraukin og séð
fyrir hæfum mönnum til að stjórna þeirri
starfsemi. Þróun seinustu ára hafi leitt til
þess, að æskufólk kemst fyrr, og fremur en
áður í andstöðu við ýms sjónarmið heimila,
skóla og samfélagsins yfirleitt. Þá segir að
afbrot æskufólks, sem eingöngu megi rekja
til áfengisneyzlu, hafi meira en fjórfaldast
miðað við árið 1953. Tekur þetta til æsku-
fólks á aldrinum 15—17 ára. Áfengisneyzla
yfirleitt hafi og farið vaxandi.
Athugun, sem fram fór 1938 sýndi, að
aðeins ein af hverjum þrettán stúlkum og
einn af hverjum átta drengjum innan við
17 ára aldur höfðu smakkað áfengi. Athug-
un í kringum 1950 sýndi, að þriðja hver
stúlka og helmingur piltanna innan við 17
ára aldur hafði neytt áfengis. Vitað er, að
þróunin í þessa átt hefur verið enn örari
allra seinustu árin.
Tím. 12. sept. 1957.
-------ooOoo-------
Hóstúkuþingið 1958
verður í Haag, dagana 12.—18. júlí. Heims-
sýningin mikla í Brussel stendur misseris
skeið, frá 19. apríl til 19. okt., sama ár. Er
enginn efi á, að þangað liggur leið margra
á næsta ári, og ættu templarar að haga svo
ferðum sínum, að þeir gætu komið um leið
á hástúkuþingið í Haag.
-------ooOoo-------
Þannig komst upp um hann.
Maður nokkur ók ölvaður heim til sín.
Er hann opnaði bílskúrinn, brá honum,
því að þar var enginn bíll. Hann ók því i
hendingskasti á lögreglustöðina og kvartaði
yfir því, að bílnum snum hefði verið stolið.