Íslenskt mál og almenn málfræði - 01.01.2003, Qupperneq 168

166
Guðrún Kvaran
Reyðarfirði. Byrjað hefur verið á að skrifa lengri listann (úr bók xviii)
upp í bók xvii undir yfirskriftinni „Austfirzka JD“, en sú uppskrift nær
aðeins yfir tvær síður. Nokkur orð frá Jóhannesi eru:
blína f. ‘klessa, klína, káma, blettur’. B1 merkir orðið Langanesi. í Rm
eru fáein dæmi um þessa merkingu og flest úr blaðinu Austra. Þar er
m.a. þetta dæmi: „Orðið blína virðist mér að hafi haldist við sem nafn-
orð hér á Austurlandi fram yfir þessa öld“ (1886:13). í Tm var ekkert
dæmi í þessari merkingu. ÁBIM merkir orðið ekki sem staðbundið en
fleiri dæma er þörf.
dreif ‘binda á dreif, tjóðra (kind)’. Orðasambandið merkir B1 „Af.“
Engin dæmi fundust hjá Orðabókinni og er því ekki hægt að segja
neitt um dreifingu.
dillublautur ‘rennandi blautur’. B1 merkir orðið „Af.“ í Tm er ein
austfirsk heimild en í Rm eru tvö dæmi sem ekki benda sérstaklega til
Austurlands. Nýleg könnun bendir eindregið til Austurlands og orðið
er því líklega staðbundið en fleiri dæma er þörf.
fundvikka ‘seiða til sín (með göldrum)’. B1 merkir orðið „Af.“ og
hefur heimild sína sjálfsagt úr vasabókinni. Tvær myndir aðrar eru til
af sögninni, fundvika og fundfika, og telur ÁBIM allar staðbundnar og
hefur elst dæmi frá 19. öld. Engin dæmi eru um fundvikka í Rm en tvö
um fundvika og bæði af Austurlandi. Engin dæmi voru í Tm. Líklegt
er að orðið sé staðbundið en vegna dæmafæðar er ekki hægt að sjá
hvar það er notað.
glónalegur ‘glossalegur’. Orðið er í B1 merkt „Af.“ Ekkert dæmi var
í Rm en tvö í Tm, annað úr Austur-Skaftafellssýslu, hitt úr Breiðdal.
ÁBIM merkir það ekki sem staðbundið en hugsanlega er það bundið
suðausturhorninu.
hafursmokkóttur ‘kiðhöttóttur’. B1 merkir orðið „Breiðd.“ og segir
það notað um fé sem er svart eða brúnt um höfuð og aftur á bóga. I
Rm eru aðeins tvö dæmi. Annað er úr orðabókarhandriti Hallgríms