Íslenskt mál og almenn málfræði - 01.01.2003, Side 177

175
Ritfregnir
skila á bók. í þeim hluta sem nefnist Málslóðir er m.a. ýmiss konar yfirlitsefni og ein-
faldaðar endursagnir á sumu af því sem fram kemur í alfræðigreinunum. Margt af því
sem birt er í alfræðigreinunum er það ítarlegasta eða aðgengilegasta sem völ er á um
viðkomandi svið á íslensku. I mörgum tilvikum eru möguleikar margmiðlunartækn-
innar líka nýttir á skemmtilegan og gagnlegan hátt þannig að framsetning efnisins
verður miklu fullkomnari og betri en kostur er á í einföldu ritmáli. Þetta á t.d. við um
það yfirlit sem þama er geftð um íslenskar mállýskur, vegna þess að miðillinn gaf kost
á því að birta ýmiss konar myndefni sem sýnir útbreiðslu og tíðni framburðarafbrigða
(ekki bara svart á hvítu heldur í ýmsum litum og htbrigðum!), auk þess sem hljóðskrár
gefa notendum færi á að heyra dæmi um ólík framburðartilbrigði þannig að þeir þurfa
ekki lengur að láta sér nægja að rýna í hljóðritun og lýsingar á blaði. Lagt er kapp á
að hafa framsetningu efnisins sem aðgengilegasta þannig að diskurinn á að geta nýst
hverjum sem er (sbr. að hann er ætlaður „fyrir heimili og skóla“). Það má t.d. vænta
þess að kennarar á ólíkum skólastigum muni notfæra sér hann til þess að lífga upp á
fræðsluna um ólíka þætti móðurmálsins.
Friðrik Skúlason má vel kallast brautryðjandi í tungutækni á íslandi og mun líka
vera vel þekktur á erlendum vettvangi fyrir veiruvamastörf sín. Púki hans varð fljótt
vinsæll þegar hann kom út og hefur nú enn verið endurbættur, að hluta til fyrir stuðn-
ing frá tungutækniverkefni menntamálaráðuneytisins. Púkinn kemur á geisladiski og
í lýsingu á honum á umbúðunum segir m.a.:
Púki 2003 sér notendum sínum fyrir fljótlegum yfirlestri og leiðréttingum á ís-
lenskum texta. Útgáfan nýtist öllum forritum Office 2000, Office XP og Office
2003, þ.m.t. Word og Outlook. Púkinn er sniðinn til notkunar í innbyggðu yfir-
lestrarkerfi Microsoft ... Púkinn leiðréttir texta með því að skoða hvert orð fyr-
ir sig og athuga hvort það sé rétt stafsett. Púkinn getur skipt orðum milli lína og
einnig flett upp samheitum orða í texta. Með Púka fylgir einfalt beygingarforrit
sem gerir notendum kleift að fletta upp beygingarmyndum nafnorða, sagnorða
og lýsingarorða. Orðasafn Púka 2003 er mun stærra og öflugra en í fyrri útgáf-
um. Frá því Púki kom fyrst út hefur almenn málnotkun breyst mikið og því hef-
ur orðasafnið verið bætt og stækkað með tillitit til þess ... Einnig er mögulegt að
láta Púkann læra ný orð og hugtök tengd vinnu eða námi.
Við þetta er litlu að bæta nema þá helst hvatningu til lesenda til að útvega sér þennan
grip.
Ritstjóri