Íslenskt mál og almenn málfræði - 01.01.2003, Side 188

186
Frá ritstjóra
að benda útgefendum á að senda ritdæmingareintök til tímaritsins.
Annars er hætta á að þessi þáttur í tímaritinu verði bara frásögn af því
hvað liggur á skrifborði ritstjórans hverju sinni.
Á síðastliðnu ári leituðu íslenska málfræðifélagið, Bókmenntafé-
lagið og Sögufélagið eftir tilboðum í umbrot og prentun þeirra tíma-
rita sem félögin gefa út, en það eru Islenskt mál, Skínir og Saga. Egill
Baldursson og Steinholt áttu hagstæðasta tilboðið og var gengið til
samninga við þá aðila, en þeir hafa reyndar séð um umbrot og prent-
un íslensks máls og Skírnis undanfarin ár. í þessum samningum fólst
m.a. að þessi tímarit verða að skila frágengnum handritum í prent-
smiðju á tilteknum tíma ár hvert og það ætti að verða til hagsbóta fyrir
alla aðila og skapa meiri festu í útgáfunni. Um leið felur þetta í sér að
þeir höfundar sem óska eftir því að birta efni í tímaritunum þurfa að
vera fyrr á ferðinni með handrit sín en áður. Allmörg handrit sem hafa
verið send íslensku máli eru nú hjá höfundum til endurskoðunar eða
bíða þess að verða send til þeirra með athugasemdum. Sú aukna sam-
keppni leiðir væntanlega til þess að tímaritið batnar — og svo kannski
síðar til þess að það verður að fara koma út tvisvar á ári eins og Skírnir
og Saga.
Höskuldur Þráinsson, ritstjóri