Freyr - 01.09.1926, Side 9

F R E Y R
77
andi kynslóðar. Fagurt verkefni, að byggja
og klæða landið.
Vér óskum og vonum að þetta megi
heppnast, og að hin unga kynslóð reisi
sér þar veglegan minnisvarða, sem braut-
ryðjendur nýrra framfara.
Sigurður Sigurðsson.
Landnáiii.
Prátt fyrir eríiðleika, sem kreppa að á
marga vegu, framtaki manna með nýrækt
og stofnun nýbýla í landinu, sést þó þeg-
ar ofurlítil byrjun. Mest hreyfing í þessa
átt er að koma í ljós þaðan, sem skilyrði
til ræktunar eru lakari en viða annar-
staðar — eða í Fingeyjarsýslu. Skal hér
lauslega getið frumbýlinganna og býla
þeirra.
Höfði í Mývatnssveit, bygt 1912. Búendur
Rárður Sigurðsson og kona hans Sigur-
björg Sigfúsdóttir, bæði ættuð úr Reykja-
dal í sömu sýslu. Rýlið er reist í landi
jarðarinnar Kálfaströnd. Rárður keypti
land býlisins, en ekki er mér kunnngt um
verð þess eða stærð. En landið er lítið og
engjalaust, og í tún hefir hann enn ekki
breytt, nema tveimur dagsláttum. Fénaður
á býlinu eru kindur og geitur og eitt
hross. Vatnið liggur að túnvarpanum og
er þar veiði, sem eru mikil hlunnindi.
Utan heimilis stundar Bárður smiðar og
heima fyrir ljósmyndagerð ásamt öðrum
störfum. Þau hjónin eiga 5 börn í ómegð
og auk þess er Guðrún móðir konunnar
hjá þeim, svo að í heimili eru 8 manns
og bjargast á eigin spýtur.
Vagnbrekka i Geirastaðalandi í sömu
sveit. Búendur Hjálmar Stefánsson, Mý-
vetningur og Kristín Jónsdóttir frá Krauna-
stöðum í Reykjadal. Nýbýlið reist 1922.
Ábúendur leigja land býlisins og er það
engjalaust, en sérlega gott til beitar. Tún
enn mjög lítið og engjar leigðar sér á
parti. Veiði er stunduð í vatninu, fénaður:
Geitur og sauðfé. Börnin eru tvö og í
heimili 4—5 manns og kemst vel af.
Pað sem þessi býli einkum vantar eru
engjablettir, því að þá mundi túnræktin
verða langt um auðveldari.
Ungmennafélag Mývatnssveitar mun eitt-
hvað hafa hjálpað frumbyggjum þessara
býla, með gjafavinnu.
Hléskógar í Stóruvallalandi í Bárðardal.
Þetta býli er að mestu leyti bygt í ár.
Nýbyggjendur Hermann Pálsson frá Stóru-
völlum og Hulda Jónsdóttir frá Mýri í
sömu sveit. Þar eru þau nú að byggja
ibúðarhús úr steinsteypu og húsa jörðina
að öðru leyti. Landið er talsvert stórt, er
túnstæði á sléltum grundum auk engja og
góðra haga. Mér er ókunnugt um með
hvaða kjörum þau halda landið, einnig
um fénað og fólkshald. En með ræktun
góðs túns verður þetta bezta jörð.
Brún úr Hallbjarnarstaðalandi í Reykja-
dal. Nýbyggjendur Björn Sigtryggsson frá
Hallbjarnarstöðum og Elín Tómasdóttir
frá Stafni í sömu sveit. Árið 1914 keyptu
þau r/3 af heimajörðinni og reistu bú.
Samtímis bygði Björn fjárhús á gömlum
beitarhúsatóttum í landi jarðarinnar. Girti
af blett til túnræktar, er nam því að vera
stærð fyrir 3ja kúa völl og hefir stækkað
hann mikið síðan. Hafði hann fé sitt
þarna á vetrum og tók strax að rækta út
túnið. Árið 1919 húsuðu þau býlið að
öllu leyti og fluttu þangað. Mótak er gott
mór notaður til eldsneytís en sauðataðið
haft til áburðar. Býlið er nú orðið sem
meðal jörð í Þingeyjarsýslu, og fjöldi bú-
penings meiri en í meðallagi og búskapur
góður. Hjónin eiga 5 börn og eru í heim-