Ljósmæðrablaðið - 01.07.1991, Blaðsíða 39

Niðurstaða launanefndar
BSRB og fjármálaráðuneytisins
Þar sem verðlag hefur farið 0,56%
fram úr viðmiðunarmörkum kjarasamn-
inga er það sameiginleg niðurstaða
launanefndar að laun skuli hækka um
2,57% 1. júní næstkomandi. Ennfrem-
ur kemur á grundvelli forsendna kjara-
samninga og framlengingar þeirra frá
því í nóvember síðastliðnum til sérstakr-
ar eingreiðslu sem persónuuppbótar
hinn 1. júlí að fjárhæð 6.300 krónur
að meðtöldu orlofi.
Starfsfólk sem er við störf hinn 14.
júní 1991 og hefur verið í fullu starfi frá
því 1. mars 1991 skal við fyrstu reglu-
legu útborgun í júlí 1991 fá fulla
greiðslu. Starfsfólk með skemmri starfs-
tíma skal fá greitt hlutfallslega miðað
við starfstíma á tímabilinu frá 1. mars til
14. júní 1991.
Starfsfólk í hlutastarfi sem uppfyllir
sömu skilyrði skal fá greitt hlutfallslega
miðað við fast starfshlutfall af 40 stunda
vinnuviku. Starfshlutfall þeirra sem
vinna að jafnaði óreglulegan vinnutíma
eða utan dagvinnutíma er fundið með
hlutfalli unninna stunda af vinnustunda-
fjölda sem gildir fyrir fullt starf á við-
komandi starfssviði. Við mat á störfum
sem eðlis síns vegna miðast ekki við
unna dagvinnutíma skal miða við unna
daga og vinnustundir (hámark 40
stundir á viku).
Iðnnemar sem eru í föstu vinnusam-
bandi við meistara/fyrirtæki og eru í
starfi á framangreindum viðmiðunar-
tíma skulu fá kr. 4.400 að meðtöldu
orlofi.
Eingreiðsla þessi greiðist tíma- og
mánaðarkaupsfólki 16 ára og eldri.
Reykjavík, 22. maí 1991
Arndís Steinþórsdóttir
Bolli Þór Bollason
F.h. BSRB
Ögmundur Jónasson
ljósmæðrablaðið
__ 37