Ljósmæðrablaðið - 15.12.1998, Side 4

Ahugafélag um heimafæðingar
Flestir geta verið sammála um það að barnsfæðing sé
einn af stórkostlegustu atburðum í lífinu. Þegar um svo
merkilegan atburð er að ræða ætti það að vera sjálfsag-
ður hlutur að væntanlegir foreldrar fái að skipuleggja
fæðingu barns síns. Eins og engum þarf að koma á
óvart þá eru þarfir kvenna mismunandi og því þarf
að vera um nokkra valkosti að ræða þegar skipul-
eggja á barnsfæðingu. Jafnvel þó að flestar barnshaf-
andi konur velji sjúkrahús sem sinn fyrsta valkost, þá
hentar það ekki öllum konum. Einhver hluti kvenna
kýs að fæða barn
sitt á heimili sínu og
sé konan heilbrigð
og meðgangan eðli-
leg ætti heimafæð-
ing að vera raun-
hæfur valkostur.
Það virðist vera að
konur geri sér ekki
grein fyrir þessum
valkosti og því var
ákveðið að stofna
áhugafélag um
heimafæðingar. Til-
gangur félagsins er
að styrkja foreldra
sem hafa áhuga á heimafæðingu, veita fræðslu og
benda á ljósmæður sem eru tilbúnar að taka á móti
börnum í heimahúsi. Stefnt er að því
að setja upp heimasíðu og útbúa bæk-
ling um málefnið. Stofnfundur félags-
ins var haldinn miðvikudaginn 11.
nóvember í Skólabæ, á fundinn mætti
um 50 manns og var nokkuð jöfn
skipting milli áhugafólks og fagfólks.
Á fundinum var tilgagni félagsins
gerð skil, ljósmóðir og móðir lýstu
eigin reynslu af heimafæðingu, því
næst tóku feður með reynslu til máls.
Að loknu kaffi vom umræður, þar á
meðal tók Dýrfinna Sigurjónsdóttir
ljósmóðir til máls og lýsti reynslu
sinni af heimafæðingum, Dýrfinna var
lengi vel eina ljósmóðirin hér á landi
sem tók á móti börnum í heimahúsi,
seinna um kvöldið var Dýrfinna gerð
að heiðursfélaga. Vigdís Björg ljós-
móðir kom með þá ábendingu að trú-
Margrét Jónsdóttir í ræðustól
Hluti gesta á stofnfundinum
Dýrfinna Sigurjónsdóttir ljósmóð-
ir hefur langa reynslu af heima-
fæðingum. Hún var einróma kjörin
heiðursfélagi samtaka áhugafólks
um heimafæðingar.
lega væri
heppileg-
ast fyrir
ljósmæður
sem gefa
kost á sér
í heima-
fæðingar
að vinna
tvær til
þijár sam-
an í teymi. Á fundinum gáfu níu ljósmæður kost á sér
í heimafæðingar.
Stjóm þessa unga félags skipa; Edda Arinbjamar
áhugakona um heimafæðingar, Eyrún Ingadóttir sagn-
fræðingur, Halla Hersteinsdóttir ljósmóðir, Helga Harð-
ardóttir ljósmóðurnemi og Margrét Jónsdóttir lektor.
Með stofnun þessa félags er ekki verið að mót-
mæla fæðingum á sjúkrahúsi heldur að reyna að
koma til móts við mismunandi þarfir kvenna. For-
ræðishyggja er ríkjandi meðal heilbrigðisstarfsfólks
og mörgum finnst að sjúkrahús sé eini rétti staðurinn
til fæðinga. Það má þó ekki gleymast að líkami kon-
unnar er hannaður með fæðingar í huga og að náttúr-
an hefur komið því þannig fyrir að eðlileg fæðing
eftir eðlilega meðgöngu er hvorki hættuleg fyrir
móður né barn. Þegar konan er heima
hjá sér er hún á eigin heimavelli, það
er ekkert í umhverfi hennar sem vekur
hjá henni ótta og óöryggi. Hún getur
boðið þeim að vera hjá sér sem hún
óskar, hugsanlega vill hún hafa önnur
börn sín viðstödd fæðinguna. Ljós-
móðirin er gestkomandi hjá foreldrun-
um og það eru foreldrarnir sem
stjórna. Náttúran fær að hafa sinn
gang ótrufluð þegar konan er heima
sem er hrein unun á að horfa. Fæðing-
in verður stórkostleg fjölskyldu upplif-
un þar sem aðskilnaður er hugtak sem
ekki þekkist.
Ef einhverjar ljósmæður hafa
áhuga á að gefa kost á sér í heimafæð-
ingar vil ég hvetja þær eindregið til að
hafa samband við einhverja í stjórn-
inni.
Halla Hersteinsdóttir ljósmóðir.
LJÓ5MÆÐRABLAÐIÐ