Dagblaðið Vísir - DV - 20.01.2004, Side 20

20 ÞRIÐJUDAGUR 20. JANÚAR 2004
Fókus 0V
Lögreglumál
á FM957
Birgir Nielsen og Þröstur
Gestsson Þeir tveirskipa nýja morgun-
þátt FM 957 sem fer i loftið á föstudaginn
kemur.
„Það er eiginlega bara tóm
tilviljun að ég sé að fara þessar
slóðir," segir Birgir Nielsen
trommuleikari Lands og sona
sem ætlar að leggja leið sína í út-
varpið. „Ég ætlaði bara að jafna
mig á breyttum lífsstíl þar sem
Land og synir eru komnir í pásu
í óákveðinn tíma. Þröstur 3000
hafði samband viö mig á milli
jóla og nýárs og sagði mér frá því
að breytinga væri að vænta á FM
957 á nýja árinu og ég hitti hann
og Svala á fundi. Mér leist rosa-
lega vel á það að fara að vinna í
útvarpinu á morgnana þannig
að ég er á leiðinni í útvarpið,"
segir hann.
Öflugur í hljómsveitar-
keppni
Fyrsti þátturinn fer í loftið á
föstudaginn klukkan sjö og heit-
ir þátturinn Lögreglumál. „Þetta
er frasi sem hefur verið í gangi
hjá okkur félögunum. Við vorum
búnir að brainstorma um nafnið
í dálítinn tíma en ákváðum svo
að nota frasann okkar góða sem
nafn á þáttinn,1' útskýrir Birgir.
„Við erum að undibúa þáttinn
þessa dagana og við ætlum ekki
að uppljóstra því hvað verður í
þættinum en hann verður með
talsvert öðru sniði en morgun-
þátturinn Ding Dong sem við
tökum við af.“
Aðspurður um það hvernig
það leggist í hann að fara að vera
þáttastjórnandi í útvarpi segir
Birgir: „Ég hef aldrei verið í út-
varpinu og þetta verður mjög
spennandi fýrir mig þar sem ég
hef oft farið í viðtöl en aldrei ver-
ið þáttastjórnandi. f sumar var
haldin keppni milli hljómsveita í
beinni útsendingu sem Þröstur
sá um. Þar áttu fulltrúar hljóm-
sveitanna að stjórna þætti og
kannski að það hafí verið kveikj-
an af þessu ævintýri öllu saman.
Það fór vel á með okkur Þresti í
þessum þætti þannig að það
hlýtur að vera að hann hafi séð
eitthvað við mig þar sem út-
varpsmann 'og þar af leiðandi
ákveðið að taka mig á löpp.
Mikill morgunhani
Sjálfur segist Birgir vera ung-
ur og upprennandi morgunhani.
„Það er ekkert mál fýrir mig að
vakna snemma á morgnana því
ég er morgunhani. Það hefur
soldið komið í gegnum árin,
kannski vegna þess að ég á hund
sem ég þarf að sinna," segir Birg-
ir en hann veit í raun ekkert af
hverju hann eigi auðvelt með að
vakna fyrir allar aldir.
„Mig hlakkar mikið til þess að
byrja í útvarpinu og mér er tekið
afsícaplega vel á FM 957 og mér
lýst vel á nýja vinnustaðinn.
Þannig að nú er bara að standa
sig í útvarpinu og verða útvarps-
stöðinni til sóma." heldur hann
áfram.
„Samstarf okkar Þrastar hefur
byrjað vel og get ég ekki sagt ann-
að en það leggist vel í mig. Þetta á
eftir að verða góður lögregluskóli
fyrir mig þar sem Þröstur er mjög
vanur útvarpinu og mun koma til
með að kenna mér ýmislegt. Það
er smá stress í mér núna, en
stress í mér hefur alltaf boðað
gott,“ segir jtessi upprennandi
útvarpsstjarna að lokum. Þáttur-
inn verður á dagskrá frá kl. 7-10
alia virka morgna.
JPV-útgáfa er aðeins fárra ára gamalt bókaforlag en átti 5 af tíu mest seldu bókun-
um í desember. Sem er mikið þar sem JPV heldur úti miklu minni útgáfu en til að
mynda risinn á markaðnum; Edda. Það er því óhætt að kalla JPV útgefanda sem
gefur út bækur sem fólkið vill og þyggur fegins hendi.

Johann Pall Valdimarsson
JPV sjálfur:„Hér eru engin gullklósett
tvtts
„Markmiðið er ekki að verða stórir," segir Jó-
hann Páll Valdimarsson útgáfustjóri JPV. „Það er
fánýtt markmið. Markmiðið er mikiu hekar að hafa
gaman að þessu og gera vel.“
JPV virðist takast hvort tveggja, því af tíu mest
seldu bókununum íýrir jól komu fimm út hjá þeim.
Bækurnar sem um ræðir eru Einhverskonar ég eft-
ir Þráin Bertelsson, Öxin og jörðin eftir Ólaf Gunn-
arsson, Linda: Ljós og skuggar eftir Reynir Trausta-
son, Hvað er málið? eftir Berglindi Sigmarsdóttir
og Sigríði Birnu Valsdóttir og svo Hr. Jóli eftir Roger
Hargreaves.
Það sem vekur athygli er ekki einungis vel-
gengni útgáfunnar í jólabókaflóðinu, heldur einnig
að félagið hefur ekki nema sex fastráðna starfs-
menn. Flestir tilheyra fjölskyldu Jóhanns Páls þótt
fólk á borð við Sigríði Harðardóttur ritstjóra og
Guðmund Þorsteinsson sem er yfir umbrotinu eigi
reyndar aðrar ættartölur.
Salan er happadrætti
Til samanburðar má nefna að Edda, stærsta út-
gáfufélag landsins hefur 55 starfsmenn, og þar að
auki álíka stóran hóp í kvöldsölu. Edda átti og
mestseldu bókina íýrir jól, Bettý eftir Arnald Ind-
riðason sem Vaka Helgafell gaf út, en þar íýrir utan
áttu þeir einungis eina bók á topp 10 listanum,
Storm eftir Einar Kárason í útgáfu Máls og menn-
ingar.
„Við lítum ekki á það sem svo að við séum f
samkeppni við Eddu, en þeir hugsa mikið um það
sem við erum að gera, sem er vissulega gaman,"
segir Egill Örn Jóhannsson framkvæmdarstjóri JPV
- og sonur Jóhanns Páls. En þó markmið fyrirtæk-
isins sé ekki að verða stórir hefur það samt sem
áður stækkað jafnt og þétt. Það var stofnað árið
2000 og fyrsta árið komu út 15 titlar, en nú eru þeir
um 50.
„Ég hef alltaf líst því yfir að við ætlum að vera
með svipaða útgáfu og á síðasta ári, en svo hefur
alltaf bæst við meira og meira sem okkur langar til
að gera," segir Jóhann. „Það er mikið um það talað
þessa dagana að ef fyrirtæki stækki ekki þá deyi
þau, og allir eru að reyna að auka veltu, jafnvel
frekar enn hagnað. Ég skil ekki nútfma viðskipta-
fræði."
Jóhann segist vera fýrst og fremst áhugamaður
um bækur.
„Bókaútgáfa er ákaflega sér á parti. Ef maður er
að reka fiskibolluverksmiðju er auðveldara að gera
kostnaðaráætlun, en þetta er meira happadrætti
með söluna. Flest merkustu verkin hefðu ekki
komið út ef útgefandi hefði gert slíka áætlun." Sem
dæmi um slíka bók er ísland í aldana rás eftir Illuga
Jökulsson og fleiri. „Ef ég hefði vitað að hún yrði
svona dýr hefði ég aldrei lagt í þetta, en hún hitti í
mark og hefur selst mjög vel.“ Það er því ekki mark-
aðsfræðin sem ákveður hvaða verk verði gefin út.
„Ég hef reynt að láta nefið ráða. Bissnissmenn í
USA héldu að hægt væri að græða meira á útgáfu-
starfsemi með því að henda öllum út sem höfðu
nef fyrir svona hlutum. En allt fór svo til fjandans,
og þeir neyddust til að ráða mennina aftur."
,„ÖX!N
ýÖRDIN
rS
l»ll UUiH
LINDA
Arnaldur Indriðason
Vaka-Helgafell
Þráinn Bertelsson
JPV
Flosi Ólafsson
Skrudda
Óttar Sveinsson
Stöng
5
Ólafur Gunnarsson
JPV
Mál og menning
7
J.K.R.
Bjartur
Reynir Traustason
JPV
Berglind Sigmarsdóttir
og Sigríður Valsdóttir
JPV
10
Roger Hargreaves
JPV
Ævintýralegir samningar
Jóhann Páll er rómaður í „bransanum" fyrir æv-
intýraleg uppátæki í útgáfumálum og sagan af því
þegar Ólafur Gunnarsson rithöfundur lét Jóhann
Pál hafa handritið að fýrstu sögu
sinni, Ljóstoll, er til dæmis eftir-
minnileg í hugum þeirra beggja.
Sjálfur segir Ólafur frá þessum
fundi þeirra á eftirfarandi hátt:
„Forleggjari minn, Jóhann PáU
Valdimarsson, fékkbókina f hend-
ur um haustið 1979, þá á leiðinni
til Finnlands með viðkomu f
Kaupmannahöfn. Við settumst
inn á krá sem heitir Enghave-kro
og þar rétti ég honum handritið
yfir borðið eftir að hafa sagt hon-
um að búa sig undir ósköpin með
því að styrkja sig á snapsi. „Lestu
nú fýrstu setninguna," sagði ég,
„og ef þér feUur hún ekki, þá
skaltu rétta mér bókina aftur og
svo ræðum við það ekki frekar."
MH. JOU
,Hér er er valinn maður í
hverju rúmi þó ég sé stundum
frekur þegar kemur að
ákvörðunum. En það erþó
ekkert garantí fyrir áfram-
haldandi velgengnisvo við
gætum þess að eyða ekki pen-
ingunum í yfirbyggingu held-
ur í útgáfuna sjálfa. Hér eru
engin gullklósett."
„Jóhann opnaði handritið og las fyrstu setning-
una, lokaði handritinu aftur og lét það frá sér á
borðið og fór inn á jakkann sinn og tók upp veskið
sitt og opnaði og taldi þrjá þúsundkróna seðla
danska upp úr því. Þetta voru gríðarmiklir pening-
ar, eiginlega stórfé, en hann lét seðlana á borðið og
ýtti þeim tU mín.“
„Hvað er nú þetta"? spurði ég.
„Þetta er fyrir fyrstu setninguna," sagði Jóhann.
Það er svona vel sem mér líkar hún.““
Setningin sem um ræðir er á þessa leið: „Ég
fann tittlinginn á mér skríða saman af kvíða."
Engin gullklósett
Leyndardómurinn bak við velgengni JPV er því
einfaldur: „Við hittum á rétt efni og okkur tókst að
koma því til skila." En þó kemur aðeins meira til.
„Þetta er samhentur hópur fárra fastráðinna
starfsmanna sem vinna saman. Það er valinn
maður í hverju rúmi þó ég sé stundum frekur þeg-
ar kemur að ákvörðunum. En það er þó ekkert
garantí fyrir áframhaldandi velgengni, svo við
gætum þess að eyða ekki peningunum í yfirbygg-
ingu heldur í útgáfuna sjálfa. Hér eru engin gull-
klósett."
Starfsfólk JPV Litla fjölskyldufyrirtækið hansJóhanns. Valinn maður I hverju rúmi.