Dagblaðið Vísir - DV - 27.02.2004, Blaðsíða 22

22 FÖSTUDAGUR 27. FEBRÚAR 2004
Fókus DV
Óvissa um Beð-
málabíómynd
Áform um að gera Jcvikmynd
upp úr þáttunum Beðmálum í
borginni virðast í uppnámi eftir
að tv8er aðalleikkonurnar eru
komnar í hár saman. Kim
Cattrall, sem leikur kynlífsfíkil-
inn Samönthu, hefur heimtað
að lesa handritið yfir og sam-
þykkja það og eins vill hún fá að
hafa hönd í bagga með það hver
leikstýrir myndinni. Ástæðan
fyrir þessu er sú að hún vill ekki
lengur að Carrie, sem Sarah
Jessica Parker leikur, skyggi á
sig. Sögur herma að leikkonun-
um tveim hafi oft lent saman og
þær séu hreint ekki eins góðar
vinkonur og í þáttunum. „Kim
finnst hún hafa verið illa leikin
af Söruh í sex ár og hún ætlar
alls ekki að láta það ganga
áfram með þessa bíómynd,"
sagði vinkona Cattrall. Sýningar
á síðustu þáttaröð Beðmála í
borginni hefjast á RÚV eftir um
tvær vikur.
Claire Danes Beib hins hugsandi manns
„Hvað varð af Claire Danes?"
gætu margir spurt sig. Um miðjan
áratuginn var hún beib hins hugs-
andi manns, en hefur sést minna
undanfarið. Hún nam við leiklistar-
skóla í New York, en einn samnem-
andi hennar var hin tveimur árum
yngri Britney Spears, sem seinna
varð beib allra Bandaríkjamanna, án
þess að höfða sérstaklega til minni-
hlutahópa eins og Danes.
Claire kom til Hollywood til að
leika í Schindler’s List Spielbergs, en
hafnaði hlutverkinu þar sem ekki var
séð fyrir menntun hennar á tökustað
í Póllandi. Þess í stað var hún upp-
götvuð af sjónvarpsframleiðendum
og fékk hlutverkið í unglingaþáttun-
um „My So Called Life“, sem þóttu
vandaðri en gengur og gerist með
unglingaþætti, en þættirnir nutu tak-
markaðra vinsælda og var hætt við þá
þrátt fyrir góða dóma.
Ein af fallegustu manneskj-
um heims
Hún sást næst í búningamynd-
unum Little Women og How to
Make an American Quilt í aukahlut-
verkum. Hún vann sig upp í stærri
hlutverk í I Love You, I Love You
Not, og sló loks í gegn á móti Leon-
ardo DiCaprio í Rómeó og Júlíu.
Samleikari hennar varð um
stund vinsælasti leikari sinnar kyn-
slóðar, en Danes hefur verið
óheppnari í hlutverkavali. Hún rétt
missti af hlutverki Rose í Titanic,
sömu mynd og gerði DiCaprio að
stórstjörnu. Hún sóttist eftir titil-
hlutverkinu í Lolitu en fékk ekki, og
eftir hlutverki í Girl, Interrupted sem
féll Angelinu Jolie í skaut og skaut
henni upp á stjörnuhimininn jafn-
framt því að veita henni Óskarinn.
Claire var um stund með leikaran-
um Matt Damon árið 1996, og var
árið eftir valin ein af fallegustu
manneskjum heims í People-tíma-
ritinu.
Fordæmd í Filippseyjum
En 1998 tók að halla undan fæti.
Henni var meinað að koma til Fil-
ippseyja eftir að hafa sagt niðrandi
hluti um landið og meira að segja
forseti Filippseyja fordæmdi hana
opinberlega. Sama ár innritaði hún
sig loksins í Yale í framhaldsnám,
þar sem hún nemur sálfræði. Hún
var svo í hinni ágætu mynd Olivers
Stone, U-Turn, þar sem hún féll í
skuggann af Jennifer Lopez, sem
einnig varð stórstjarna í kjölfarið, og
svo f hinni misheppnuðu hasar-
mynd Mod Squad árið 1999. Hún
sást síðast í Terminator 3 þar sem
hún tók við hlutverki hörkukvendis-
ins af Lindu Hamilton, og mun næst
vera á móti Steve Martin í myndinni
Claire Danes Hvað i ósköpunum varð af
henni, manneskjunni sem kölluð var beib
hins hugsandi manns?
Shopgirl, sem er byggð á skáldsögu
hans. Spurning hvort takist með
henni að endurreisa feril þeirra
beggja.
Bræðuríbíó
Kieran og Rory Culkin leika báðir í mynd-
inni Igby Goes Down. Kieran hefur áður
leikið á móti bróðir sínum Macaulay í
Home fllone, en Rory lék einnig í
Macaulay-myndinni Richie Rich.
Marx-bræðurnir
Bræðurnir Groucho, Harpo, Chico og
Zeppo eru líklega með frægustu bræðrum
bíósögunnar. Fyrsta mynd þeirra saman
hét The Coconuts, og á næstu 20 árum
gerðu þeir 13 myndir. Þekktastur þeirra
var Groucho, en hin víðfræga grima með
gleraugum, nefi og yfirvaraskeggi er
byggð á honum.
Frank og Sylvester Stallone
Frank fékk að vera tímavörður í Rocky I
og tók lagið i Paradise fllley og næstu
tveimur Rocky-myndum. Hann fékk smá-
hlutverk í Staying fllive sem bróðir hans
leikstýrði, en hefur síðan verið í hinum
ýmsu b-myndum.
Dennis og Randy Quaid
Randy flutti til Hollywood og fékk vinnu
sem ræstitæknir en innan árs hafði hann
hlotið Óskarstilnefningu fyrir hlutverk í
Jack Nicholson-myndinni The Last Detail
sem kom út 1973. Erfiðara gekk fyrir
Dennis, en hann sló loks í gegn íThe
Right Stuff.
Emilio Estevez og Charlie Sheen
Pabbi þeirra, Martin, var afkomandi
spænsks innflytjanda, Francisco Estevez,
en Martin breytti nafninu í Sheen þegar
hann hóf leikferil sinn. Bræðurnir hafa
tekið sér sitt hvort ættarnafnið. Þeir
léku saman íYoung Guns og Men at Work
á velmektarárum sínum fyrir um 15
árum, en minna hefur sést til þeirra upp
á síðkastið.
Baldwin-bræður
Þykja svo fallegir að hugtakið Baldwin er
notað í myndinni Clueless til að lýsa
myndarlegum karlmanni. fllec er mestur
þeirra og hefur leikið í mörgum stór-
myndum, Stephen hefur festst í ung-
lingamyndum en hinn þybbni Daniel hef-
ur haldið sig við sjónvarp. William hefur
ekki borið höfuðið hátt eftir að leika á
móti Sharon Stone í Sliver.
River og Joaquin Phoenix
River sló í gegn 16 ára gamall í Stand by
Me og þótti með efnilegri leikurum en
dó aðeins 23 ára gamall. Bróðirinn
Joaquin, sem hét upprunalega Leaf, hef-
ur á hinn bóginn verið að gera það gott
undanfarið í myndum eins og Gladiator
og Signs.
Listin hermir
eftir lífinu
Brúðkaupssena í nýjustu
mynd þeirra Jennifer Lopez og
Ben Affleck verður að öllum lík-
indum klippt út. Ástæðan er
sögð sú að bíógestir gætu orðið
ringlaðir sökum svipaðra að-
stæðna í lffi leikaranna sjálfra.
Kvikmyndin sem um ræðir heit-
ir Jersey Girl og er leikstýrt af
Kevin Smith. „Ég var ekki viss
um hvort það væri rétt að halda
brúðkaupsatriðinu inni,“ sagði
Smith. „Fólk gæti gleymt því að
það er að horfa á bíómynd."
Eins og kunnugt er ætluðu Af-
fleck og Lopez að ganga upp að
altarinu í september á síðasta
ári eftir nokkurra mánaða
óvissu um hvort þau væru sam-
an eða ekki. Þau hættu svo við
brúðkaupið og kenndu fjöl-
miðlaathygli um, en á dögunum
batt Jennifer Lopez enda á sam-
bandið. Jersey Girl verður frum-
sýnd í lok mars í Bandaríkjun-
um.
DelToro
verðurChe
Leikarinn Benicio Del Toro
er hæstánægður þessa dagana
enda er hann að
upplifa gamlan
draum, sem var
að fá að leika
byltingarleið-
togann Che
Guevara. Del
Toro hefur und-
anfarin þrjú ár
barist fýrir því
að mynd um
ævi Che yrði gerð og nú er sá
draumur að rætast. Það er Terr-
ence Malick sem bæði skrifar
handrit og leikstýrir myndinni.
Áætlað er að myndin, sem ber
heitið Che, verði frumsýnd á
næsta ári.
Ríki uogt fólk gerir
nynd um ríkl mgt fólk
Hann Igby þessi er af aðalsættum
Bandaríkjanna, það er að segja af
ríkmannsættum austurstrandarinn-
ar sem hafa talist með fyrirfólki
þjóðarinnar frá því hún hlaut sjálf-
stæði og lengur. Eitthvað er hann
samt ósáttur við li'fið og tilveruna, og
ekki bætir úr skák að pabbi hans er
haldin geðklofa, mamma hans er
með krabbamein og bróðir hans er
repúblíkani. Til að hressa sig við á
hann í ástarsamböndum við sér
eldri konur, fellur í skóla og kemur
sér fyrir í bóhemaundirheimum
Manhattan.
Frændi Jackie Kennedy og
sonur Richards Harris
Igby er þó ekki sá eini sem er vel
ættaður, því sá sem leikur hann, Ki-
eran Culkin, er einmitt bróðir barna-
stjörnunnar Macaulay Culkin, en
annar bróðirinn, Rory Culkin, leikur
Igby ungan. Claire Danes, sem leik-
ur aðalkvenhlutverkið, virðist vera
ein af fáum sem að myndinni koma
sem á ekki ættir að rekja í bíóheima.
Leikstjórinn Burr Steers er heldur
ekki af almúgafólki kominn, en
frændi hans er rithöfimdurinn Gore
Vidal, sem leikur meira að segja
smáhlutverk í myndinni, og frænka
hans er ekki minni kona en
Jaqueline Kennedy Onassis, en hún
var stjúpsystir móður Burr.
Jared Harris, sem leikur hinn list-
lineigða fíkniefnasala Russel, er son-
ur Sir Richard Harris, en Jared talaði
einmitt inn á ljóðaplötu föður síns
13 ára gamall. Jared er einnig stjúp-
sonur Sir Rex Harrison, sem lék
meðal annar Sesar í myndinni um
Kleópötru og prófessor Higgins í My
Fair Lady. Aðrir leikarar myndarinn-
ar eru verr ættaðir en vel giftir. Jeff
Goldblum var um tíma giftur Geenu
Davis og lék meðal annars á móti
henni í The Fly. Hann var einnig trú-
lofaður leikkonunni Lauru Dern, en
er nú giftur dansara sem er 30 árum
yngri. Unglingastjarnan Ryan Phil-
ippe er gift unglingastjörnunni
Reese Witherspoon en gæðaleikkon-
an Susan Sarandon er gift gæðaleik-
aranum Tim Robbins.
Að lokum má svo nefna Eliza-
beth Jagger, sem er dóttir roll-
ingsins hins nýbakaða Sir Mick og
Jerry Hall, en helsta afrek hennar á
leiklistarsviðinu hingað til er að
koma fram í heimildarmynd um
pabba sinn.
Ríkur og spilltur
eiturlyfjaneytandi
Igby hefur verið líkt við persón-
una Holden Caulfield úr bókinni
The Catcher in the Rye, sem átti
einnig erfltt með að feta sig í lífinu
og hefur af einhverjum ástæðum
verið, og er enn, fyrirmynd eða að
minnsta kosti • þjáningarbróðir
margra ungra Bandaríkjamanna.
Bókin hefur þó aldrei verið kvik-
mynduð, en það er gjarnan minnst
á hana í öðrum myndum, svo sem
háskólamyndinni Threesome, þar
sem samkennd aðalpersónunnar
með Caulfield gerir þáð að verkum
að sambýliskona hans heillast af
honum, sem sýnir enn og aftur
hvað persóna Salinger höfðar til
uppvaxandi kynslóðar. Það verður
spennandi að sjá hvernig hann
kemur fyrir sem ríkur og- spilltur
eiturlyfjaneytandi.

jf'
Igby Goes Down
Kierean Culkin i hlutverki
Igbys sem er ósáttur vid
lifid og tilveruna. Myndin
er frumsýnd i
Sambióunum i dag.