Tímarit Verkfræðingafélags Íslands - 01.10.1972, Qupperneq 26

Innkaupastofnun Reykjavíkur býður út aðalholræsi í Breiðholt á næstunni.
Allmörg útboð eru í undirbúningi hjá þessum aðilum og verður skýrt frá þeim
síðar í Fréttabréfinu.
Spurningar og svör um vinnusamninga o.fl.
Vinnusamningum verkfræðinga hefur löngum verið áfátt í ýmsu, sérstaklega
að því er varðar höfundarétt verkfræðinga, framsal hans og endurgjald fyrir hann.
Hér á eftir fer efni bréfs verkfræðistofu til Verkfræðingafélags Islands, þar sem
ýmsum spurningum er varpað fram varðandi vinnusamninga. Leitað var álits
lögfræðings félagsins um spurningarnar og þeim svarað samkv. því.
Efni svarsins fylgir einnig hér á eftir og getur verið leiðbeinandi fyrir aðra.
Spurningar: Verkfræðistofu okkar standa til boða samningar um verkfræðiþjónustu,
þannig að viðkomandi fyrirtæki óskar eftir því, að við leigjum því verkfræðinga
á tímagjaldsgrundvelli. Verkefni, sem til úrlausnar eru, verða unnin á ábyrgð
verkkaupa og teikningar verða unnar undir merki verkkaupa (teikningahaus
verkkaupa verður notaður). Verkefnin verða unnin undir tæknilegri stjórn
verkkaupa og í samvinnu við starfsfólk hans. Gera má ráð fyrir, að verk þau,
er hér um ræðir, verði endurseld, ekki aðeins einu sinni heldur oftar.
Nú er það spurning okkar til VFl: Eru svona samningar ekki fyllilega heimilir
samkvæmt gjaldskrá VFl, og ef um endursölu er að ræða, er þá nokkur
grundvöllur fyrir því, að við eigum kröfu á samningsaðila okkar í sambandi við
endurnotkun teikninga þeirra eða lausn þeirra verkefna, er hér um ræðir.
Ennfremur æskjum við þess að heyra álit stjórnar VFl á því, hvort sá
skilningur okkar sé réttur, að ef gerðir eru samningar um endurnotkun
teikninga eða úrlausn verkefna, þá á viðkomandi verkfræðistofa allan rétt í því
máli, en ekki starfsmenn þeir, er unnið hafa að úrlausn verkefnisins.
Svör: Með 1. sbr. 3. gr. höfundalaga nr. 73/1972 er höfundi tryggður
einkaréttur á uppdráttum, teikningum, mótunum, líkönum og öðrum þess háttar
gögnum, sem fræðslu veita um málefni eða skýra þau. Það er því samningsatriði
hverju sinni, hvort og eftir atvikum að hve miklu leyti höfundur lætur þennan
rétt af hendi. Því er nauðsynlegt að taka skýrt fram í samningi (þ.e.
ráðningarsamningi verkfræðings og samningi um leigu verkfræðings til annars
fvrirtækis), hvort og að hve miklu leyti höfundarétturinn er látinn af hendi,
hvort hann er framseljanlegur og ef svo, einu sinni eða oftar eða ótakmarkað.
Jafnframt þarf að kveða á um gjald fyrir höfundaréttinn, ef það á að taka.
Framsalsréttur verður ekki víðtækari en samningur við höfundinn segir til um.
Samþykki verkfræðings (höfundar) er nauðsynlegt á samningi sem þessum,
því að vinnusamningar eru bundnir við aðila samningsins og framsal á vinnu
starfsmanns því aðeins heimilt, að svo sé um samið við hann.
Um sölu fyrirtækis á árangri starfa verkfræðings, sem það hefur fengið leigðan frá
öðru fyrirtæki, fer eftir gjaldskrá fyrir verkfræðistörf á venjulegan hátt eins
og um eigin starfsmann væri að ræða. - H.G.
Frá verkfræðingum
Baldur Líndal, efnaverkfræðingur, hlaut fyrir skömmu Æsuverðlaunin fyrir
hugmyndir að nýtingu íslenzkra hráefna til iðnaðar.
Gústaf E. Pálsson lét af embætti borgarverkfræðings um áramótin og starfar nú
sem ráðgjafaverkfræðingur. Við stöðu hans tók Þórður Þ. Þorbjarnarson,
yfirmaður byggingadeildar Reykjavíkurborgar.
Við könnun á störfum verkfræðinga í Reykjavík og nágrenni, hefur komið í Ijós,
að 30% starfa hjá ríkinu, 12% hjá bæjarfélögum, 30% hjá ráðgefandi
verkfræðingum 10% hjá verktökum, 10% hjá framleiðslufyrirtækjum og 8% við
ýmiss þjónustustörf.
LelSrétting.
í fréttum frá stjórn VFÍ í siðasta fréttabréfi var villa í 7. línu a.o. „ ... til a8 endurskoða
byggingasamþykkt..", en á a5 vera..tii að endurskoða lög um bygglngasamþykktir.. .".