Bræðrabandið - 01.04.1984, Blaðsíða 15

HENRY JUUL EYLAND
f. 21.06.1922 d. 21.02.1984
Hið hljóðláta fasið,
það hlýlega bros
og hlédrægt svipmót í auga
draga um einstakan
innri mann
einkar geðþekka bauga.
Þannig kynntist ég honum og þannig
þekkti ég hann og þannig finnst mér
honum best og réttast lýst.
Mér er svo minnisstætt, þegar fundum
okkar bar saman fyrst. Það var á árunum,
þegar bróðir Eyland - eins og ég kallaði
hann alltaf - leiddi hug alvarlega að
trúmálunum áður en hann gekk í Aðvent-
söfnuðinn 15. nóv 1976. Ég naut þeirra
forréttinda að rannsaka Orð Guðs með
honum. Einnig glímdi ég með honum við
reykingavandamálið.
í þessum kynnum skrifaði hann
raunverulega upphafslínur þessarar
stuttu minningar í líf mitt. ... Því
hvað fann ég og sá? ... Ég fann þennan
hljóðláta, varkára og hjartahlýja mann.
Mann, sem bar viðmótshlýjuna í brosi
sínu og viðbrögðum öllum. Mann, sem mér
fannst jafnan of hlédrægur og lét sig
hverfa um of í bakgrunninn, vegna þess,
að hann bjó yfir svo miklu hið innra.
Það staðfestist aftur þar sem hann
starfaði sem gjörhæfur maður. Hann
starfaði hjá Ríkisútvarpinu í 24 ár, hjá
Sölusambandi íslenskra Fiskútflytjenda í
10 ár. Auk þess stundaði hann sjó-
mennsku. Alls staðar var hann vel
látinn, eftirsóttur og traustur starfs-
maður.
Kona bróður Henry Eyland var Þórey
Þorsteinsdóttir. Þau eignuðust fjögur
börn og lifa þrjú þeirra foreldra sína.
Þann. 21 . febrúar 1984 lést bróðir
Eyland eftir þunga legu. Samkvæmt ráði
ættmenna hans var hann jarðsettur frá
Dómkirkjunni í Reykjavík. Séra Erank M.
Halldórsson framkvæmdi athöfnina. Öllum
ástvinum hans bið ég blessunar Guðs.
Blessuð sé minning hans.
ODD JORDAL
d. 3.mars 1984
Þann 3. mars s.l. barst sú harm-
fregn, að bróðir Odd Oordal væri látinn.
Hann var á ferð í Vestur-Afríku að líta
eftir og opna nýjar hjálparstöðvar í
þróunarstarfinu þar. Talið er , að um
hjartabilun hafi verið að ræða.
Árið 1942 byrjaði hann í starfi
okkar og hefur þjónað því síðan sem
prestur, deildarstjóri, sambands- og
samtakaformaður, í Vest-norræna og
sænska sambandinu, formaður Eþíópíu-
kristniboðsins og deildarstjóri í
Norður - Evropudeildinnin-Árið T977' tókst
hann á hendur formennsku þróunarhjálpar
N-Evrópudeildarinnar og þeirra erinda
fór hann, er hann lést.
Bróðir Odd Oordal var mikill
íslandsvinur. Hingað kom hann nokkrum
sinnum - meðal annars á æskulýðsmót.
Hann vann hug okkar allra - og ekki
síst unga fólksins. Hann hreyfst af
náttúrufegurð íslands - kleif Heimaklett
með mér. Við kynntumst í Bandaríkjunum
1955 og vorum nánir vinir ætíð upp frá
því. __
Utför hans var gerð frá Tyrefjord,
Noregi 13.mars s.l. Nú þökkum við allt,
sem starf okkar naut frá honum, vottum
syrgjandi ástvinum innilega samúð og
blessum minningu hans.
Oón Hjörleifur Oónsson
Áhyggjur okkar eigum við að bera
sjálf, en gleðinni eigum við að miðla
öðrum.
BRÆÐRABANDIÐ
Ritstjóri og ábyrgöarmaður
ERLING B. SNORRASON
Útgefendur
S. D. AÐVENTISTAR Á (SLANDI
3ón Hjörleifur Oónsson
15