Bræðrabandið - 01.09.1985, Page 14

*«t nnnni $$
ímA §í .ARrlNU^j
BASAR SYSTRAFÉLAGSINS ALFA í REYK3AVÍK
Hinn árleqi basar Systrafélagsins
Alfa í Reykjavík verður sunnudaginn 13.
október n.k. kl. 14:00 að Hallveigar-
stöðum. Treyst er á gjafmildi systkin-
anna með muni og kökur á basarinn nú
eins og ávallt áður. Tekið verður á móti
munum milli kl.11:00 og 14:00 sunnudag-
inn 29. september og sunnudaginn 6.
október I herbergi Systrafélagsins í
kjallaranum í Ingólfsstræti 19. En
einnig er hægt að sækja muni heim ef
óskað er. Hringið þá í einhvern
eftirtalinna síma: 23695 -Guðrún
Franklín; 74780 - Anna Snorradóttir;
73470 - Sigurmunda Skarphéðinsdóttir.
Sunnudaginn 13. október (basardaginn)
verður tekið á móti kökum að Hallveigar-
stöðum milli kl. 10:00 og 13:00.
Vinsamlega komið tímanlega með munina
til að gefa okkur góðan tíma til að
verðleggja.
frA förunautum
Á þessu ári eiga Förunautar 20 ára
áfmæli. Margar mjög góðar og
skemmtilegar ferðir hafa verið farnar á
undanförnum árum.
Sumarið er nú senn á enda og hér
sunnanlands hefur sólin skartað sínu
fegursta í sumar og því góður tími til
útiveru. Vestmannaeyjafélagið og
Förunautar sameinuðust í f erð til
Vestmannaeyja í vor. Og veðrið algjört
heimsmet því það var logn í Eyjum. Á
föstudagskvöldinu var gengið á Eldfellið
undir forystu Ella Stebba þar sem við
lögðum nokkur dagblöð á fjallið sem
fuðruðu upp við hitann frá fjallinu. Á
hvíldardeginum áttum við saman yndælis
stund í kirkjunni okkar við Breakastíg.
Eftir hádegið söfnuðumst við saman í
Fagrahvammi sem eitt sinn var eign
Ungmennafélags S.D.A. í Vestmannaeyjum.
Þar dvöldum við saman góða stund og
sungum saman nokkra sálma. Síðan var
haldið í Kaplagjótu og þaðan var svo
haldið upp á Klif. Um kvöldið var svo
farið í 3. klst siglingu og þegar sólin
hneig til viðar vorum við stödd í
svonefndum Fjósum þar sem Eric flutti
sólarlagsbæn og við sungum saman. Þetta
var stórkostleg stund sem vart er hægt
að túlka með orðum. Á slíkum stundum er
gott að minnast sköpunarverks Guðs í
kyrrðinni hvort heldur er við sjávarnið,
í faðmi fjalla, eða hlustað á lækinn
hjala, bara að við stöldrum við þá
heyrum við rödd Guðs tala í þessu mikla
verki. Við eigum oft og tíðum allt of
fáar slíkar stundir en í ferðum Föru-
nauta gefst oft svo góður tími til þess
að endurnærast í stórkostleik íslenskrar
náttúru sem er gjöf Guðs til þín og mín.
Þessi 17 manna hópur kvaddi Eyjarnar
á sunnudegi með minningar um góða
friðsæla helgi.
Það var góður hópur af okkar eldra
fólki sem fór um Suðurnes og skoðaði
hitaveituna. Ekið var að Reykjanesvita
og áður en heim var haldið þáðum við
góðgerðir í Safnaðarheimi1inu okkar í
Keflavík. Og skal systrunum þar færðar
þakkir fyrir þessa ánægjulegu stund sem
við áttum þar. Helgarferð á syðri
Fjallabaksleið var farin í sumar. í
þessum hópi voru 27 hressir félagar.
Veðrið var mjög gott og gistum við í
skála Ferðafélags íslands við Álftavatn
í tvær nætur. Mikið var sungið í þessari
ferð. ída með gítarinn í öllum ferðum og
Dói oft með nikkuna og Smári við
stjórnvölinn og ákjósanlegra getur það
ekki verið en samt getur þú félagið
góður setið heima. Eigum við nú ekki
góðir félagar að snúa við blaðinu og
setja ferðir Förunauta ofar á blaðið
þannig tengjumst við betur og ég held að
okkur veiti ekkert af því. Þórsmerkur-
ferð er nú á döfinni og svo afmælishátíð
í Ölfusborgum í Nóvember. Okkur langar
til þess að eiga þar saman góða helgi en
það er undir þér komið félagi góður
hvort úr slíkri ferð getur orðið. Öll
eigum við margar góðar minningar frá
mörgum ferðalögum. Nú áætlum við
aðalfund í Október og vonumst við til
þess að sjá ykkur sem allra flest. Við
þökkum ykkur öllum þátttökuna í ferðum
Förunauta á liðnum árum og vonumst til
að áhuginn vaxi á komandi mánuðum. Mætti
Guð fylgja ykkur er vetur gengur í garð.
Með bestu óskum.
Karl Vignir, formaður Förunauta.
14