Símablaðið - 01.01.1980, Blaðsíða 19

notkun árið 1987, en mörg ljón eru á vegin-
um. Nordsat gerir ráð fyrir einni sendistöð
hjá hverju Norðurlandanna og einni stjórn-
stöð fyrir gervitunglin (það sem er í notkun
og varatungl). Kostnaður við Nordsat verður
mikill. Sé reiknað með gervitungli með 7
sjónvarpsrásum fyrir Skandinavíu og 2 sjón-
varpsrásum fyrir Færeyjar, ísland og Græn-
land og líftíma 7 ár, er áætlaði kostnaðurinn
miðað við verðgildi des. 1977 150 millj. Skr/
ár fyrir búnað + 220 millj. Skr/ár fyrir
rekstur. Einkaviðtökustöð með parabólu
sem er ca. 1 m. að þvermáli ásamt breyti fyrir
sjónvarpsviðtæki er áætlað að kosti miðað
við verðgildi í des. 1977 ca. Skr. 2.000 og
uppsetningarkostnaðurinn sé 1000-2000 skr.
Önnur áætlun var gerð miðuð við þá tíðni-
úthlutun, sem Norðurlöndin hafa fengið
fyrir þennan rekstur, sem er 8 sjónvarpsrásir
fyrir Skandinavíu og 5 sjónvarpsrásir fyrir
Færeyjar, ísland og Grænland. Framkvæmd
þeirrar áætlunar er það miklu dýrari að ólík-
legt er talið að hún verði lögð til grundvallar
fyrir fyrstu kerfin (gervitunglin).
1.5 Sambönd við útlönd
Núverandi sambönd íslands við útlönd eru
sæstrengirnir Scotice og Icecan, en snemma á
þessu ári verður tekin í notkun jarðstöð fyrir
gervihnattasamband um Intelsat gervitungl.
í sambandi við þessa aukningu sambanda við
útlönd verður opnuð ný tölvustýrð símstöð
fyrir sjálfvirkt notendaval milli íslands og
útlanda. Um jarðstöðina verður hægt að
senda alla venjulega símaþjónustu ásamt
sjónvarpsefni til íslenska sjónvarpsins.
Möguleikar á fjölgun sambanda um jarð-
stöðina eru geysilega miklir og er hún því
lausn á fjarskiptasamböndum milli íslands
og útlanda um langa framtíð. Jarðstöðin er
byggð við Úlfarsfell í Mosfellssveit, en sjálf-
virka útlandasímstöðin í Múla (áður kallað
Grensás) Suðurlandsbraut 28.
1.6 Strengjasjónvarp (Kabel TV)
Norræn vinnunefnd um strengjasjónvarp
lauk störfum fyrir 3—4 árum síðan. Frá
þeim tíma hefur orðið veruleg aukning þess-
arar þjónustu í Skandinavíu, en á íslandi er
þessi þjónusta enn ekki byrjuð. Strengja-
sjónvarp er með móðurstöð, sem sendir
nokkrar sjónvarps- og útvarpsrásir út ídreifi-
net koaxialstrengja til mikils fjölda notenda
stórhýsa eða bæjarhverfa. Búast má við því
að þegar Nordsatkerfið (sjá 1.4) verður tekið
í notkun verði strengjasjónvörp byggð upp
út frá vönduðum gervitunglsviðtökustöðvun
til þess að spara hinn mikla kostnað sem er
því samfara að setja upp sérstakan vðtöku-
búnað hjá hverjum notanda.
1.7 Sambönd við skip og bíla
Radíóstöðvar Póst og síma halda uppi tal-
og skeytaþjónustu við skip og bíla allan sól-
arhringinn. Á síðustu árum hefur reglubund-
inni tilkynningarskyldu skipa í gegnum
radíóstöðvar til Slysavarnafélagsins verið
bætt við þessa þjónustu. Þessi þjónusta mun
væntanlega halda áfram í svipuðu formi og
nú.
1.8 Flugöryggisþjónustan
Á vegum ICAO er rekin á íslandi eftirlits-
stöð með flugi á Norður-Atlantshafi. Fjar-
skiptastöð Pósts og síma í Gufunesi er mið-
stöð dreifikerfis fjarskiptasambanda og
skeyta fyrir þessa þjónustu og eru bein sam-
bönd frá Gufunesi til flugeftirlitsins á Kefla-
víkur- og Reykjavíkurflugvelli til Veðurstofu
í Reykjavík, Keflavík og Grænlandi til eftir-
litsstöðvanna i Shannon, Prestwick og Gand-
er. Auk þess er stöðugt radíósamband frá
Gufunesi við þær flugvélar, sem eru á flugi á
íslenska eftirlitssvæðinu. Nú hefur nýlega
17
SIMABLAÐIÐ