Freyr - 15.01.1962, Blaðsíða 35
FRE YR
47
bæði hinna eldri og yngri. Hana ættu sem
flestir að lesa, hún gefur margt tilefnið til
eftirþanka og hún kostar hér um bil ekkert,
aðeins 25 krónur fyrir bók, sem er 160 síður.
G.
03
Kvæði frá Holti
Hann Sigurður Einarsson í Holti er ekki
bara prestur, hann er merkisprestur og merk-
ismaður, en þó fremur flestu sérstakur hag-
leiksmaður í því að koma andríkum hugsun-
um sínum á pappír i því formi, sem kallað er
bundið mál. Maðurinn er mikið skáld.
Þetta er svo sem ekki neitt nýtt, en að hér
gefst tækifæri til að undirstrika það er á þeim
viðburði byggt, að skáldið í Holti hefur sent
Frey KVÆÐI FRÁ HOLTI, laglega ljóðabók,
100 síður innan kápu, en hvað segir síðufjöldi
þegar um ljóðabók er að ræða? Sáralítið. Efni
svona bókar er raunar miklu meira og fjöl-
breyttara en stórra doðranta, sem af mærð
og mikilli mælgi eru oft skráðir um miklu lít-
ilfjörlegri efni, og af aðeins broti úr andagift
miðað við það, sem Kvæði frá Holti geyma
á bak við rímið.
Sem sýnishorn úr bókinni prestsins þeirra,
þarna undir Fjöllunum, er kvæðið „Vér bænd-
ur“, sem birt er á þriðju síðu síðasta heftir
Freys, ekki af því að það beri svo mjög af öðr-
um kvæðum í bókinni, heldur af því, að það
er næst að efni þeim hugarheimi, sem Freyr
vill ferðast í og dvelja við.
Fjölbreytni mynda þeirra, sem brugðið er
upp í erindum og verslínum kvæðanna frá
Holti, er það mikil, að hér gefst ekki rúm til
að rekja slíkt, en ekki skal því leynt, að margt
er hugnæmt það, sem túlkað er í Suðurfarar-
vísunum, magnþrungin eru „Heilög vé“, ljúfl-
ingsrödd ómar í „Þorsteinsminni" og fjölbreytt
er „Við farinn veg“, flest eru kvæðin alþýðleg,
ýmist góð eða yndisleg, önnur mögnuð, það
held ég.
Handbók bænda
Handbók bænda 1962 er komin út. Þetta er
12. árgangur Handbókarinnar. Búnaðarfélag
íslands gefur hana út að vanda en ritstjóri er
Agnar Guðnason.
Ýmsir hafa álitið að undanförnu, að svo mik-
ið efni væri endurtekið árlega, að ekki þyrfti
að kaupa hana nema annaðhvort ár. Þetta er
misskilningur. Það er rétt, að á ýmiss atriði er
drepið á hverju ári en alltaf er það eitthvað
nýtt, sem fram kemur og í þetta sinn er meg-
inmagn Handbókarinnar alveg nýtt, en auð-
vitað er hvergi hægt að hafa frásögn tæmanid
svo að þótt um þau verði f 'allað á næsta ári,
verður einnig þá nokkuð nýtt um þau að segja.
Handbók á að vera og er alltaf minnisbók,
en ekki alfræðibók. I þetta sinn eru ýmiss efni
utan við hin búskaparlegu sýslan svo sem þátt-
ur fyrir húsmæður, um tryggingamál, um veiði-
skap . . . já, það er bara ekki hægt að telja hér
hin ýmsu atriði, sem á er drepið og öll eru
gildisaukandi fyrir bókina sem handbók
bænda og húsmæðra. Að venju er almanakið
með, ýmissar hagnýtar skýrslur, eyðublöð aft-
ast fyrir skýrslur og til minnis, og svo er skylt
og sjálfsagt að geta hinna fjölmörgu vígnetta,
sem prýða bókina stórlega og raunar segja
miklu meira en langt lesmál. Að þessu leyti
mun Handbókin varla eiga sinn líka í innlend-
um bókmenntum. Handbókin er í þægilegu
broti og í þjálli plastkápu.
Hún selzt vonandi á fáum vikum, enda kostar
hún aðeins 75 krónur. Þetta er bók, sem er
bæði útgefanda og öllum aðstandendum til
sóma og verður kaupendum vonandi að góðu
gagni. G.
G.