Freyr - 15.09.1962, Blaðsíða 16

304
FRE YR
búnaðarins, og telur lögin um Stofnlánasjóði land-
búnaðarins spor í rétta átt.
Hins vegar telur fundurinn hina sérstöku skatt-
lagningu á bændur rangláta og óviðunandi og
ósambærilega við uppbyggingu lánasjóða annarra
atvinnugreina. Því skorar fundurinn á stjórn
Stéttarsambandsins, að hlutast til um, að skatt-
heimtu þessari verði aflétt, og fjár aflað, þess í
stað, af almannafé.
Þá lýsir fundurinn stuðningi við þá hugmynd,
að stofnaður verði lífeyrissjóður bænda, sem ávaxt
aöur verði Stofnlánadeild landbúnaðarins en telur
sjálfsagt, að fuilt samstarf verði haft við stéttar-
samtök bænda við alla meðferð málsins.
Framsögumaður gat þess, að einn nefndar-
mannanna væri andvígur þessari afgreiðslu.
Að lokinni framsögu Teits Björnssonar, tók
Guðjón Hallgrímsson til máls. Lagði hann frarn
þessa dagskrártillögu og mælti fyrir henni, en
hann var sá nefndarmanna, er ekki fylgdi til-
lögu nefndarinnar.
„Með því, að fullyrða má, að lög um Stofnlána-
deild landbúnaðarins, er samþykkt voru á síð-
asta þingi, leysi lánaþörf bænda að öðru leyti
en til jarðakaupa, og landbúnaðarráðherra hefur
skipað nefnd til þess að gera tillögur um stofn-
un Lífeyrissjóðs bænda, sem grundvallast á því
framlagi, sem framleiðendum er gert að greiða
sem framlag til Stofnlánasjóðs landbúnaðarins,
sér fundurinn ekki ástæðu að svo stöddu, að bera
fram ákveðna tillögu í málinu og tekur því fyrir
næsta mál á dagskrá."
Páll Metúsalemsson kvaðst vera andvígur
því að fella niður gjald af söluvörum bænda
til Stofnlánadeildar.
Einar Olafsson og Olafur Bjarnason mæltu
einnig gegn því atriði í tillögu nefndarinnar.
Sveinn Tryggvason gerði grein fyrir því,
hvernig greiðsla þessa gjalds hefði komið til
framkvæmda.
Páll Diðriksson taldi tilögu nefndarinnar
eðlilega, og mælti með henni.
Guðjón Hallgrímsson talaði aftur fyrir dag-
skrártillögu sinni.
Síðan mæltu þessir með tillögu nefndar-
innar: :Sigurður Lárusson, Ásgeir Bjarnason,
Helgi Símonarson og Guðmundur Ingi, en með
dagskrártillögu Guðjóns mæltu þeir Ólafur
Bjarnason og Einar Olafsson.
Síðan fór fram atkvæðagreiðsla. Kom fyrst
til atkvæða dagskrártillaga Guðjóns Hallgríms-
sonar, og var óskað nafnakalls.
Atkvæði féllu þannig:
Já sögðu: Einar Halldórsson, Olafur Bjarna-
son, Einar Olafsson, Garðar Halldórsson. Þórð-
ur Halldórsson, Guðjón Hallgrímsson, Jón
Jónsson, Guðjón á Tunguhálsi, Sigurgr. Jóns-
son, Sigurjón Sigurðsson = 10.
Nei sögðu: Eyjólfur Sigurðsson, Þórir Stein-
þórsson, Sigurður Snorrason, Sverrir Gíslason,
Gunnar Guðbjartsson, Ásgeir Bjarnason, Þór-
ólfur Guðjónsson, Grímur Arnórsson, Karl
Sveinsson, Ossur Guðbjartsson, Jóhannes Dav-
íðsson, Guðmundur Ingi Kristjánsson, Guðm.
Magnússon, Ben. Grímsson, Sæmundur Guð-
jónsson, Benedikt H. Líndal, Sigurður Lín-
dal, Lárus Sigurðsson, Helgi Símonarson, Ket-
ill Guðjónsson, Þrándur Indriðason, Teitur
Björnsson, Sigurður Jónsson, Grímur Jónsson,
Ingvar Guðjónsson, Friðrik Sigurðsson, Stefán
B. Björnsson, Sigurður Lárusson, Steinþór
Þórðarson, Sigurjón Einarsson, Sveinn Ein-
arsson, Jón Helgason, Erlendur Árnason, Páll
Diðriksson, Guðjón Jónsson, Dölum = 35.
Atkvæði greiddu ekki Erlendur Magnússon
og Karl Magnússon. Dagskrártillagan var
þannig felld með 35:10 atkvæðum.
Þá kom fram til atkvæða tillaga allsherjar-
nefndar. Bar fundarstjóri hana upp í þrennu
lagi, en ósk hafði komið fram um það.
1. málsgrein var samþykkt samhljóða.
2. málsgrein var samþykkt með 32:8 atkv.
3. málsgrein var samþykkt samhljóða.
X. Grímur Jónsson lagði fram tillögu alls-
herjarnefndar um gjald til Búnaðarbygging-
arinnar af söluvörum bænda.
Var það óbreytt tillaga sú, er barst á fund-
inn frá byggingarnefnd hússins. Hún var svo:
Aðalfundur Stéttarsambands bænda, haldinn
að Bifröst 4. og 5. september 1962, felur stjórn
Stéttarsambandsins, að vinna að því, að Alþingi
framlengi um 4 ár frá 1962—1965, að báðum árum
meðtöldum, bráðabirgðaákvæði laga nr. 10. 17.
marz 1959, um breytingu á lögum nr. 38, 15.
febr. 1945, um stofnun Búnaðarmálasjóðs.