Freyr - 01.09.1969, Blaðsíða 41

BÚLKFLUTNINGUR FÓÐURVÖRU
Það var í júlíbyrjun 1959 er eg var í fyrsta
sinn staddur þar sem kraftfóður var flutt
í búlkvagni heim til bænda. Þetta var á
Heiðmörk í Noregi, og dvaldi ég um viku
tíma við fóðurblöndunarstöðina á Stange
eftir tilvísun dr. Spildo, forstjóra Kaup-
félagsins í Osló. Umræddur búlkbíll var
sá fyrsti, sem kaupfélagið notaði, en þá
var ekki farið að selja vögglað fóður þar í
landi, það var mjölblanda, sem soguð var
inn í geyminn á bílnum og úr honum dælt
í frumstæða kassa á loftum peningshúsa á
bændabýlunum. Þetta gekk allt skikkan-
lega, en þó bar á því, að kraftfóðrið vildi
flokkast þannig, að hið grófasta hossaðist
að útjöðrum geymanna og svo er ekki því
að leyna, að fínasta mjölið vildi mynda
skelfilegan þyril og nokkuð af því leitaði
út um smugur og rifur, ef einhverjar voru
á geymum þeim, sem bændur höfðu út-
búið á loftunum yfir fjósum og svínahús-
um.
Síðan þetta skeði hefur heilmikið vatn
runnið til sjávar, mikið kraftfóður verið
notað og stórfelldar breytingar orðið í
tæknibúnaði og meðferð allri við fram-
leiðslu, flutninga og varðveizlu fóðurvöru.
Hvað eftir annað hefur Freyr flutt grein-
ar um nauðsyn þess að koma á nýju sniði
með innflutningi fóðurvöru í búlk. Þeirri
flutningaaðferð kynntist ég fyrst fyrir um
það bil 30 árum er ég starfaði við korn-
birgðastofnun danska ríkisins. Síðan hef
ég hvað eftir annað heimsótt fóðurbirgða-
stöðvar og blöndunarstöðvar erlendis og á
árunum 1949—51 lagði ég talsverða vinnu
í að kanna viðhorfin til nýtízku fóður-
vinnslu hér á landi, og dvaldi þá nokkrar
vikur erlendis í því skyni, fyrir tilmæli
Vilhjálms Þór, er þá var forstjóri SIS og
vildi kanna hvort tímabært væri fyrir
okkur að viðhafa nýtízku háttu á þessu
F R E Y R
355