Freyr - 01.03.1971, Page 26

dráttarvéla, sem henta til umferða-
vinnslu.
Með góðum tækjum við heimiílisdráttar-
vél tekur endurvinnsla lands, sáning og
frágangur á grænfóðurflögum, varla meira
en 5—7 klst. við hvern hektara, og er þá
svipað hvort þarf að endurvinna tún eða
land eftir grænfóður. Ef um frumvinnslu
er að ræða, gegnir auðvitað öðru máli.
Pantið fræið tímanlega
Við erfið skilyrði er bygg öruggasta græn-
fóðrið, það er fljótvaxið og ekki sérlega
viðkvæmt fyrir jarðvegi eða annarri að-
búð. Mörgum, sem ekki telja sig hafa að-
stæður til votheysverkunar, mun þykja
það kostur, að hægt er að þurrka bygg með
viðunandi árangri. Það hefur valdið viss-
um erfiðleikurn að fá 6-raða bygg til út-
sæðis vegna þess að minna og minna er
ræktað af því erlendis.
Menn ættu ekki að draga það nú að
panta útsæði til grænfóðurræktar, svo að
ekki þurfi að horfa til vandræða með fræ-
kost á komandi vori.
Aukið framlag á grænfóðurræktun
Undanfarandi ár hefur leiðbeiningaþjón-
ustan mjög hvatt til aukinnar grænfóður-
ræktunar. Tillögur hafa komið fram
að ríkisframlag til grænfóðurræktunar
yrði aukið. Búnaðarþing hefur ályktað um
málið og beint áskorunum til stjórnar-
valda um hækkað framlag til grænfóður-
ræktiunar. (Nú liggur frumvarp um sama
efni fyrir Alþingi, og er vonandi að það
verði samþykkt. Leiða má að því rök, að
þeim fjármunum væri mjög vel varið, sem
til slíks gengju. Auðsætt ætti að vera, að
öllum er hagur að því, að innlend fóður-
öflun aukizt, og að sama skapi dragi úr
innflutningi kjarnfóðurs. Einhverjum
kynni þó að detta í hug, að ekki sé svo rík
ástæða til að hvetja til aukinnar fóðuröfl-
unar á meðan of mikið er framleitt af
sumum vörum og selja verður mjólkur-
114
vörur úr landi fyrir lágt verð. En reynsla
undangenginna ára sýnir einmitt, að það
er miklu fremur notkun á innfluttu kjiarn-
fóðri, sem ræður einna mestu um það hver
mjólkurframleiðslan verður, en ekki svo
mikið magn af heimaöffliuðu fóðri. Árið,
sem einna minnst var af heimaöffluðu
fóðri á Suður- og Vesturlandi, en kjarnfóð-
ur var ódýrt miðað við venju, var mjólk-
urframleiðsla meiri en nokkur átti von á.
Engum ætti því að blandast hugur um,
að það er þjóðþrifaráð að hvetja til þeirr-
ar fóðuröflunar sem líklegust er ti'l að
bæta afkomu bænda og tryggja þá gegn
stóráföllum af völdum kaldrar veðráttu.
Lokaorð
Að lokum þetta: Hið kalda árferði með
kali hefur sorfið svo að allri fóðuröflun
af fjölærum jurtum, að merkilegt má telja
hve vel bændur hafa staðizt þau áföll og
þann mikla kostnaðarauka, sem þeim er
samfara. Kuldinn hefur og dregið úr
sprettu a>lls úthaga og afréttarlanda. í
slíku árferði þarf að ætla hverri búfjár-
einingu meira fóður, meira land til fóður-
öflunar og beitar, bæði ræktað land og út-
haga. Jafnvel hin köldustu sumur, sem
komið hafa, virðast gefa nægilegt varma-
magn yfir vaxtartímann, til að fljótvaxn-
ar grænfóðurtegundir nái viðunandi vexti.
Þá borgar grænfóðrið betur fyrir áburð-
in en tún með spilltum gróðri, eða meira
og minna kalin tún.
Grænfóðurrækt er því raunhæft svar
við erfiðleikum harðærisins, en hana verð-
ur að gera að föstum þætti í búskapnum.
Það er þjóðhagslega rétt og hagkvæmt að
stuðla að aukinni grænfóðurræktun með
auknu framlagi. Það yrði hvatning til
manna að hefja hana álmennt og hjálp
til að komast yfir byrjunarörðugleika og
nokkurn aukakostnað, sem fylgir slíkri
breytingu á búskaparháttum.
F R E Y R