Freyr - 15.04.1986, Side 21

þess að þegar verð hækkar, eykst
framleiðslan þangað til markaður-
inn er mettaður. Þá fer verðið að
lækka. Sala á loðskinnum virðist
vera nokkuð trygg, nema á styrj-
aldartímum, en verð á loðskinnum
er breytilegt eftir efnahagsástandi.
Þjóðverjar voru á árum áður
mestu kaupendur loðvöru en nú
er besti markaðurinn í Austur-
Asíu og Bandaríkjunum.
Undanfarin ár hafa loðdýra-
bændur á Norðurlöndunum unnið
skipulega að sölumálum og aflað
nýrra markaða. Norrænir loðdýra-
bændur verja 1% af söluverðmæti
framleiðslunnar til markaðs-
könnunar og sölustarfsemi og
það hefur skilað undraverðum ár-
angri. Þeir hafa fundið nýja mark-
aði þegar aðrir drógu saman
seglin.
Saga Fox og saga
Mink
SAGA FURS OF SCANDINA-
VIA, sölusamtök norrænna loð-
dýrabænda eru rekin með sam-
vinnusniði. Þau eru eins og áður
sagði stærstu og best skipulögðu
samtök í sinni grein í heiminum.
Þau eru einn af þeim þáttum í
norrænu samstarfi sem skilar hvað
mestum árangri.
Starfsemi íslensku loðdýrasam-
takanna hefur vaxið með aukinni
loðdýrarækt, en við þurfum að
gera betur til að standa jafnfætis
nágrannaþjóðunum.
Við höfum nú á að skipa góðu
og duglegu starfsfólki, og við von-
um að í samvinnu við leiðbein-
ingaþjónustu og aðra aðila sem
tengdir eru loðdýrarækt takist að
sjá bændum fyrir nauðsynlegum
leiðbeiningum og hagfelldum við-
skiptakjörum svo að þeir beri sem
mest út býtum.
Hvaða starfsliði hefur SÍL nú á
að skipa?
Einn maður er í þjónustu fóð-
urstöðva, einn sér um innkaup og
sölu á rekstrar- og fjárfestingar-
vörum, einn ráðunautur (Alfhild-
ur Ólafsdóttir) leiðbeinir um mál
sem varða skinngæði, einn maður
sér um bókhald og afurðauppgjör,
ein stúlka er við símavörslu o.fl.
og sjálfur er ég framkvæmdastjóri
samtakanna.
Um mánaðamótin janúar —
febrúar sl. flutti SIL starfsemi sína
í annað og rýmra húsnæði í Síðu-
múla 34, gamla Grænmetishúsið.
Þar eru betri aðstæður til að veita
félagsmönnum og viðskiptavinum
SÍL góða þjónustu, sagði Jón
Ragnar Björnsson.
J.J.D.
Vaxtarbroddur í íslenskum landbúnaði.
Frh. afbls. 287.
rækt hér á landi. Sæðingar á refalæðum fóru
fram í fyrsta sinn á þessu ári. Þremur högna-
stöðvum hefur verið komið á fót; á Glæsibæ í
Eyjafirði, Hólum í Hjaltadal og Þórustöðum í
Ölfusi. Þessar stöðvar eru allar með högna,
bæði af silfurref og bláref. Verið er að huga
að því að nota íslenska villirefi til kynblöndun-
ar við aðra refastofna, aðallega silfurref og
verið er að leita að sérstæðum litaafbrigðum á
íslenska refnum. í því skyni hefur verið safnað
saman íslenskum refum á Möðruvöllum í
Hörgárdal.
Nauðsynlegt er að flytja áfram inn valin
loðdýr frá útlöndum með allri aðgát þó, þ.á
m. sóttkví fyrir dýrin, til þess að kynbæta
þann loðdýrastofn sem nú er í landinu. Þetta
er brýnt ef við eigum að geta staðið nágranna-
þjóðum okkar á sporði í þessari búgrein.
J.J.D.
Freyr 301