Freyr - 15.02.1992, Blaðsíða 7

4.’92
FREYR 135
RITSTJÓRNARGREIN-------
Landbúnaður1991,
sfðari hluti
Hér verður tekinn upp þráðurinn frá
síðasta blaði og haldið áfram að gefa yfirlit
um landbúnaðinn á liðnu ári og stöðu hans
um áramót.
Svínarækt var í góðu jafnvægi á árinu.
Sala á svínakjöti var um 2.592 tonn sem
var aukning um 2,3% frá árinu áður.
Engar teljandi birgðir voru um áramót.
Verð á svínaafurðum hélst stöðugt og unn-
ið er að hagræðingu í búgreininni. Á árinu
var ráðinn sérstakur dýralæknir, Konráð
Konráðsson, með aðsetri á Keldum, til að
sinna svínasjúkdómum og heilbrigðiseftir-
liti með svínum. Stefnt er að kynbótum
íslenska svínastofnsins með erlendum úr-
valskynjum, en innflutningur á svínum eða
erfðaefniviði þeirra hefur ekki verið leyfð-
ur um langan aldur. Framtíð svínaræktar,
sem háð er innfluttu fóðri, veltur mjög á
þróun alþjóðaviðskipta og samningum þar
um, en svínarækt hefur notið bæði inn-
flutningsverndar á afurðum og niður-
greidds innflutts fóðurs.
Alifuglarækt gekk misjafnlega á árinu,
þ.e. að eggjaframleiðsla var í góðu jafn-
vægi en í holdafuglarækt var verðstríð og
rekstrarerfiðleikar. Sala alifuglakjöts var
um 1570 tonn á árinu og jókst um 12,9%
frá árinu á undan. Birgðir í árslok voru um
214 tonn. Þó að þær væru þá 6,2% minni
en ári áður þá íþyngja þær búgreininni og
eru til marks um það ójafnvægi sem hún
býr við.
Eggjasala nam um 2.341 tonni á árinu
sem var rúmlega einum af hundraði minni
sala en árið áður. Þar voru birgðir í lág-
marki, eða um 17 tonn, en höfðu verið um
76 tonn árinu áður. Hafinn er innflutning-
ur kynbættra stofna, bæði til eggja- og
kjötframleiðslu, á vegum samtaka bænda í
greininni, en sérhannað húsnæði var fyrir
hendi til þeirrar starfsemi á Hvanneyri.
Um framtíð alifuglaræktar gildir margt
hið sama og framtíð svínaræktar, en staða
þessara greina er mjög háð niðurstöðum
alþjóðasamninga um viðskipti með bú-
vöru.
Hrossarækt hér á landi er á uppleið þó
að á sumum sviðum sé erfitt að koma
tölum yfir þá aukningu. Eigendur hrossa
eru fleiri en eigendur nokkurrar annarrar
búfjártegundar og fer sífellt fjölgandi eftir
því sem fólki fjölgar í þéttbýli og þörf þess
fyrir útivist og snertingu við náttúruna
vex. Innanlandssala reiðhesta er veruleg
en óþekkt stærð, en hrossaútflutningur
nam 1834 hrossum og jókst um 203 hross
frá árinu áður. Á árinu voru stofnuð Sölu-
samtök íslenskrar hrossabænda, (Edda-
hestar), og meðal verkefna þeirra var að
taka á leigu búgarð í Þýskalandi til að
kynna íslenska hestinn.
Sala á hrossakjöti innanlands á árinu var
um 647 tonn og dróst saman um 2,8% frá
árinu áður. Útflutningur hrossakjöts á ár-
inu nam 126 tonnum og jókst um 95% frá
árinu áður. Útflutningur var allur til Japan
sem ófryst kjöt af afturpörtum, pístólum
eða úrbeinuðu kjöti, og flutt með flugi.
Þessi útflutningur nýtur ekki útflutnings-
bóta en er verðjafnaður með kr. 4 á kg af
innanlandssölu. Að lokum ber að geta
þess að öflug kynbótastarfsemi á sér nú
stað í hrossarækt og hefur samstaða um
hana verið að aukast.
Árið 1991 var gott uppskeruár í garð-