Sameiningin - 01.06.1928, Qupperneq 8

breyta eftir Kristi. Og þegar eg hugsa um kirkjuþingin á liðn-
um áratugum, þá hryggir það mig nú orSiÖ, að hugsa til þess, hve
miklurn tima vér höfum variö í þref og þrætur, veraldlegt um-
stang og skemtanir, en litlu orkað í þá átt, að gera okkur, sem
kirkjuþingin höfum setið, líka Jesú Kristi.
Á kvöldmáltíðar-horði kirkjunnar hafa bikarar þeir, sem at-
hygli hafa dregið frá Kristi, oft veriÖ menn, ekki síður en kenn-
ingar eÖur félagsskapur, og það góðir menn og mikilhæfir. Þetta
byrjaöi snemma á dögum kirkjunnar. Það átti sér þegar staÖ í
söfnuðinum í Korinþuboi'g. Þar skiftust menn í flokka og sumir
kendu sig við Pál, aðrir við Apollos og enn aðrir við Kefas. Þá
greip Páll penna sinn og hratt með honum þessum mannlegu
“bikurum” niður af borðinu. Hann ritaði söfnuðinum bréf og
sagði: Þið farið allir vilt. Það tilheyrir enginn ykkar Páli, eng-
inn Apollos, enginn Kefasi. Þið tilheyrið engum nema Kristi.
Snúið aftur til hans.
Betur að Páll væri kominn til þess nú að taka burt af borð-
inu bikarana: mannafylgið, flokks-kappið, kirkjudeilda-sundr-
ungina, og gera kristni nútímans það ljóst, að Kristur er alt.
Plann er hjartað og frá honum einum berst blóðrás lífsins út í
limi líkamans.
Vér íslenzkir menn, bæði á ættjörðinni heima og vestur hér
í Ameríku, höfum ekki farið varhluta af böli því, sein stafar af
sundurlyndi. Bæði í kirkju og i öðrum félagsskap kemur leiðtog-
um mjög oft illa saman. Stafar það mest af því, að hver lítill
leiðtogi finnur mikið til sjálfs sín. Eg veit ekki hvort við erum
að þessu leyti verri menn en aðrir, en í smæðinni okkar ber svo
mikið á því. Eg veit eigi lækning við ]iví meini aSra en þá, að
Kristur verði okkur öllum alt. Komi sá bless'aði dagur að ís-
lendingar geri Krist að leiðtoga sínum og breyti eftir honum, þá
hverfur þann dag sundrungin og öfundin, og friður verður á ís-
lenzkri jörðu.
Oft er það, að menn áræða ekki að gera Krist aS leiðtoga
sínum vegna þess, að þeir óttast kos'tnaðinn, er þvi sé samfara að
fylgja honum. Að vísu leyti er það sa,tt, að það kostar mikið að
vera kristinn maður og líkur Jesú. Og fyrir þeirn kostnaSi skyldu
menn gera sér fulla grein. Á þes'su ári er haldið þriggja alda af-
mæli guðsmannsins enska, John Bunyan’s. Þeim manni varð
Kristur alt, eins og kunnugt er. Hann gerði sér grein fyrir kostn-
aðinum. Honum var bannað að prédika. Honum var tilkynt, að
það kyöld yrði hann tekinn fastur, ef hann prédikaði á torginu
eins og ákveðið var. Hann lýsir því sjálfur, hvernig hann virti
kostnaðinn fyrir sér. Hann setti sér fyrir sjónir dýflissuna, sem