Litli Bergþór - 01.04.1996, Blaðsíða 4

Frá Ungmennafélaginu
Formannsspjall.
Jóhann Pétur, Ragnheiður og Fríða í maraþoninu.
Gleðilegt ár lesendur góðir. Hvernig ætli árið 1996
verði? Verður gott veður? Verður mikið um barneignir í
sveitinni? Verður Ungmennafélagið öflugra en í fyrra?
Verður byrjað á byggingu íþróttahúss? Það væri nú
gaman ef við gætum svarað þessu játandi strax í dag. En
við hjá Ungmennafélaginu getum bara sagt nú í dag að
við reynum okkar besta.
Laugardaginn 25. feb. var haldið 74. héraðsþing
Skarphéðins í félagsheimilinu á Þingborg. Mæting þar
var þokkaleg en ekki meir en það. Umf. Bisk. átti þrjá
fulltrúa á þinginu og voru það Olafur Bjarni Loftsson,
Magnús Asbjörnsson og undirrituð. Einnig sátu þingið
tveir aðrir félagar okkar þeir Bjöm Bj. Jónsson sem
varaformaður U.M.F.I. og Jens Pétur Jóhannsson sem
meðstjórnandi H.S.K., en hann gaf ekki kost á sér í stjórn
aftur. Hin ýmsu mál voru rædd á þessu þingi og
margar tillögur fluttar. A þinginu kom fram tillaga um
mikilvægi öflugs forvarnastarfs gegn hverskyns
vímuefnum meðal barna og unglinga til að styrkja þau í
sjálfstæðari ákörðunartöku gegn þeim, og hvatti þingið
aðildarfélög innan HSK til að íhuga hlutverk sitt í
bráttunni gegn vímuefnavandanum. Við hjá
Ungmennafélaginu viljum ekki skorast undan þessu og
væri tilvalið að fleiri félög styddu okkur í því, þetta
kemur okkur öllum við. Fram kom á þinginu að vinir og
nemendur Sigurðar Greipssonar stefna að útgáfu bókar
um hann og Haukadalsskóla á 100 ára árstíð Sigurðar
1997. Tillaga um breytingu á lottógreiðslum til
félaganna var samþykkt þannig að nú fer stærra hlutfall
til félaganna en þar á móti þurfa félögin að taka á sig
þann kostnað að koma keppnisfólki á íþróttainót og halda
þeim uppi. Þetta kemur misvel eða illa fyrir félögin. Við
hér í okkar félagi förum ekki illa útúr þessu að mér
sýnist. Við fáum samsvarandi aukningu úr lottóinu og
það kostar okkur að senda krakka á mót og hér í okkar
félagi hafa krakkarnir greitt fyrir sig sjálf ýmsan kostnað.
A þinginu var skorað á ungmennafélögin að huga meira
að endurheimt fyrri landgæða íslands, meðal annars með
aukinni skógrækt. Hin mikila losun koltvíoxið í
andrúmsloftið getur leitt til alvarlegrar
umhverfismengunar. Héraðsþingið vill jafnframt minna
félagsmenn á þá ráðgjafarþjónustu sem Skógrækt ríkisins
og Landgræðsla ríkisins veita í skógrækt og
landgræðslu.
Héraðssambandið Skarphéðinn þakkar sveitarstjórnum
og héraðsnefndum á sambandssvæðinu fyrir
mikilsverðan stuðning á árinu. Þingið vekur athygli á
því mikilvæga íþrótta og æskulýðsstarfi sem unnið er hjá
Héraðssambandinu og aðildarfélögum þess. Ekki er
hægt að tína allt til sem fer fram á dags þingi svo ég læt
þetta duga.
Þessa dagana er starfsemin svo mikil í sveitinni að
félagsheimilið Aratunga er vel nýtt þessa dagana og
salurinn í Bergholti hefur bjargað heilmiklu. Æfingar á
leikritinu Fermingabamamótið eru nú í hámarki.
Bókasafnið er flutt í skólann og bókasöfnin hafa
sameinast, en ekki er búið að skrifa undir samninga þegar
þetta er sett á blað. Aðstaðan er mjög góð í skólanum og
er safnið opið þriðjudagskvöld og fimmtudagskvöld. Það
eru þær mæðgur Halla og Inga Birna á Vatnsleysu sem
standa þar vörð. Er vonandi að íbúar sveitarinnar nýti sér
þessa þjónustu. Aðalfundur félagsins verður um
mánaðamót mars og apríl svona heldur í seinna lagi
vegna þess að formaðurinn er á kafi í leikritinu en
vonandi kemur það ekki að sök.
Kæru félagar ég vil þakka ykkur fyrir alla þá vinnu
sem þið hafið lagt á ykkur til að halda uppi þessari
starfsemi í Ungmennafélaginu.
Góðar kveðjur frá formanni Umf. Bisk.
Margrét Sverrisdóttir.
r Raflagnir - > Viðgerðir
Tek að mér nýlagnir, hönnun raflagna og alla Sumarbústaðaeigendur athugið að ég sæki
almenna rafvirkjavinnu ásamt tækjaviðgerðum. um öll leyfi fyrir heimtaug að
Efnissala og varahlutaþjónusta. sumarhúsum og lagningu raflagna.
Fljót og góð vinna.
Jens Pétur Jóhannsson Heimasími 486-8845 SqibE —r Verkstæði sími 486-8984 LOGGILTUR RAFVERKTAKI Bílasími 853-7101
Litli - Bergþór 4