blaðið - 24.05.2005, Qupperneq 6

6 innlent
T,afc—
þriðjudagur, 24. maí 2005 ! blaðið
Styst allra
Lengst allra
Minnst ráðherra
Sjaldnast allra
Mest allra
Mest ráðherra
Hverjir töluðu mest - og hverjir töluðu minnst?
Úttekt á orðagjálfri þingmanna
Það eru fáar stéttir sem vinna við
að tala - en þingmenn eru klárlega
ein þeirra. Það má því segja að það
hversu oft og hversu mikið hver þing-
maður talar gefi örlitla vísbendingu
um hversu ötull og vinnusamur við-
komandi þingmaður er. Blaðið gerði
óformlega úttekt á ræðuíjölda og
ræðulengd þingmanna á nýafstöðnu
þingi. Það skal sérstaklega tekið fram
að engin leið er að meta innihald orða
þingmanna eða hversu mikið vit er í
því hvað þeir segja - þetta er aðeins
grófur mælikvarði á orðaíjölda.
Töluðu minnst
Guðrún Ögmundsdóttir, Samfylking-
unni, fær þann vafasama heiður að
hafa talað allra þingmanna minnst á
131. löggjafaþingi. Hún steig aðeins
11 sinnum í pontu og talaði í samtals
52 mínútur. Einar Oddur Kristjáns-
son, Sjálfstæðisflokki, steig jafn„oft“
í pontu, en þar sem hann talaði yf-
irleitt mun lengur er hann nr. tvö í
röðinni, talaði í samtals 122 mínútur.
Númer þrjú kemur síðan Bryndís
Hlöðversdóttir, Samfylkingunni, 23
skipti, og nr. fjögur Guðjón Hjörleifs-
son, Sjálfstæðisflokki, 24 skipti.
Þeir töluðu mest
Það kemur líklega ekki á óvart að
Steingrímur J. Sigfússon, Vinstri
grænum, var allra manna dugleg-
astur að fara í pontu Alþingis á ný-
yfirstöðnu þingi. Þann ágæta stað
heimsótti hann 189 sinnum og talaði
samtals í tæpar 25 klst. Jón Bjarna-
son, flokksbróðir Steingríms J., fór
174 sinnum í pontu og talaði í sam-
tals tæpar 24,5 klst.
Töluðu styst - og lengst
Bjarna Benediktssyni, Sjálfstæðis-
flokki, lá minnst á hjarta er hann fór
í pontu en þar dvaldi hann að meðal-
tali aðeins í 1,3 mínútur í hvert sinn.
Halldór Blöndal, forseti Alþingis, var
einnig skammorður en hann talaði
næststyst, í tvær mínútur að meðal-
tali.
Einari Má Sigurðarsyni, Samfylk-
ingunni, lá greinilega mikið á hjarta
í hvert sinn er hann fór í pontu því
hann dvaldi þar í tæpar 14 mínútur
að meðaltali í hvert þeirra 33ja skipta
sem hann talaði. Sigurður Kári Krist-
jánsson, Sjálfstæðisflokki, kom þar
næstur í röðinni en hann eyddi að
meðaltali 12 mínútum í pontu í þau
31 skipti sem hann tók til máls.
Ráðherrar
Ef bara ráðherrar eru skoðaðir kem-
ur í ljós að Valgerður Sverrisdóttir
iðnaðarráðherra talaði allra ráðherra
mest. Hún fór 124 sinnum í pontu og
talaði samtals í rúmar átta klukku-
stundir. Minnst talaði Guðni Ágústs-
son landbúnaðarráðherra en hann
fór aðeins 47 sinnum í pontu og talaði
samtals í rúmar þrjár klst. Líklega
þarf að eyða meiri orku í að kynna all-
ar fyrirhugaðar stóriðjuframkvæmdir
fyrir þingheimi en SS-pylsur og aðrar
landbúnaðarafurðir.
Nýr forstjóri Heklu
Knútur G. Hauksson, núverandi for-
stjóri Samskipa, kemur inn í eigenda-
hóp Heklu um næstu mánaðamót
og tekur um leið við forstjórastöðu
af Tryggva Jónssyni, sem þó verður
áfram starfandi stjórnarformaður.
Knútur G. Hauksson
í fréttatilkynningu frá Heklu seg-
ir Knútur meðal annars: „Hekla er
virkilega spennandi fyrirtæki með
gott starfsfólk og öflug umboð sem
gefa mikla möguleika. Þá líst mér vel
á þann eigendahóp sem ég kem inn í.
Þetta hafa verið frábær fjögur ár hjá
Samskipum og ég hef verið lánsam-
ur að fá að taka þátt í þeirri miklu
uppbyggingu sem þar fer fram. Nú
er komið að tímamótum sem eru afar
spennandi fyrir mig.“
Vanur maður
Tryggvi Jónsson, fráfarandi forstjóri,
segir í fréttatilkynningunni að mikið
breytingarferli hafi átt sér stað inn-
an Heklu að undanfórnu og er það
að komast á lokastig. .Árangurinn
hefur verið góður og reksturinn tekið
stakkaskiptum. Með því að fá Knút
inn í hópinn erum við að styrkja okk-
ur enn frekar. Hann hefur mikla
reynslu og hefur náð góðum árangri
í fyrri störfum."
Knútur G. Hauksson hefur starf-
að sem annar tveggja forstjóra Sam-
skipa undanfarin tvö ár og þar áður
sem aðstoðarforstjóri í rúm tvö ár.
Þar á undan var hann framkvæmda-
stjóri Olíudreifingar og einnig hefur
hann unnið m.a. hjá Olíufélaginu,
Eimskip, Álafoss og Slippfélaginu.
Öðruvísi myndlistarsýning
Skartgripir fjallkonunnar
Er Guðni Ágústsson?
Enginn má missa af þessu
Café Presto
Hlíðarsmara 15, Kóp
Bjór og pítsur að launum fyrir atkvæðin
Foreldrar höfðu samband við Blaðið í
kjölfar frétta þess í gær af óvenjulegri
meðferð kjörgagna á landsfundi Sam-
fylkingarinnar um helgina. Kváðu
þeir smölun hafa átt sér stað í fram-
haldsskólum með símhringingum og
SMS-skilaboðum, þar sem bjór og
pítsum var heitið að launum fyrir lið-
veislu við Ágúst Ólaf í varaformanns-
kjörinu á laugardag.
Enn hefur ekki tekist að fá botn í
ásakanir þess efnis að maðkur hafi
verið í mysunni í varaformannskosn-
ingu Samfylkingarinnar á laugar-
dag. Fjölmargir landsfundarfulltrúar
og áhrifamenn í flokknum hafa bor-
ið að ungir jafnaðarmenn á vegum
Ágústs Ólafs Ágústssonar hafi skráð
fjölda fulltrúa á fundinn, greitt fyrir
á fundargjöld og leyst út kjörgögn.
einhveijum tilvikum hafi menn svo
kosið fyrir fjarstadda fulltrúa en slík
vinnubrögð eru vitaskuld með öllu
óheimil samkvæmt reglum flokksins.
Skrifstofa Samfylkingarinnar var
lokuð í gær en starfsmenn fengu þá
hvíldardag eftir annasama helgi á
landsfundi. Því reyndist ekki unnt
að fá staðfest með hvaða hætti skrán-
ingu og greiðslu fulltrúa ungra jafnað-
armanna var háttað.
Ekki hefur enn náðst í Ágúst Ólaf
Ágústsson, nýkjörinn varaformann
Samfylkingarinnar, þrátt fyrir ítrek-
aðar tilraunir og skilaboð á skrifstofu
hans.
Stóriðjuframkvæmdir að lækka laun?
Launastefna stærstu fyrirtækjanna
við stórframkvæmdir á Austurlandi
gæti orðið til þess að lækka laun á
íslenskum vinnumarkaði. Þetta segir
Skúli Thoroddsen, framkvæmdastjóri
Starfsgreinasambands íslands.
„Það liggur fyrir að tvö stærstu fyr-
irtækin við stóriðjuframkvæmdir á
Austurlandi eru að greiða taxtalaun
í stað markaðslauna.“
Þau tvö fyrirtæki sem um ræðir
er annars vegar Bechtel, sem bygg-
ir álver á Reyðarfirði, og hins vegar
Impregilo, sem er aðalverktaki við
Kárahnjúkavirkjun. Rótgróið heið-
ursmannasamkomulag hefur ríkt á
íslandi undanfarin ár, en það byggist
á að samið hefur verið um lágmarks-
taxta sem oft eru nokkuð lágir. Með-
allaun í ákveðnum geirum, m.a. bygg-
ingageiranum, hafa verið mun hærri
en laun á umræddum lágmarkstaxta
vegna aðstæðna á markaði. Ástæðan
er að vegna lítils atvinnuleysis hafa
einstaka starfsmenn verið í góðri
stöðu til að semja um hærri laun en
lágmarkstaxtar segja til um.
„Þessi fyrirtæki, þ.e. Bechtel og
Impregilo, flytja inn erlent vinnuafl í
stað þess að hækka laun til að lokka
til sín innlenda starfsmenn. Slíkt
breytir aðstæðum á vinnumarkaðn-
um.“
Með því má segja að búið sé að
brjóta heiðursmannasamkomulagið
sem ríkt hefur á íslenskum vinnu-
markaði.
ÚLFLJÓTSVATNI
Upplýsingar og skráning á netinu:
www.ulfljotsvatn.is
Spark leikir - Frumbyggjastörf - Ædol - Útilíf - Kassabílaakstur - Sund
_ ------ - ■ - j (^12 ~ ~ |
Einstök krakkanámskeið ára Almenn námskeið
Útilíf 09 œvintýri! | j Vinir, fjör 09 hépefli! [
INNRITUN ER HAFIN - Opið virka daga kl. 10-16 - sími 550 9800 - sumarbudir@ulfljotsvatn.is (