blaðið - 04.10.2005, Page 26

26 I BÖRN OG UPPELDI
ÞRIÐJUDAGUR 4. OKTÓBER 2005 blaöiö
Leiksvœði og skólalóðir í Breiðholti til skammar
Þrjátíu ára gömul leik-
svæöi meö litlu sem
engu viðhaldi
Af þessari mynd má sjá að viðhaldi við leiksvæði í Breiðholti er verulega ábótavant.
Sjálfstæðismenn í borgarstjórn
hafa vakið athygli á lélegu
viðhaldi við skólasvæði og opin
leiksvæði í Reykjavík. Ólafur
Gylfason, íbúi í Seljahverfi í Breið-
holti og varaformaður ÍR, hefur
ekki farið varhluta af þessum
vanda. Hann eyddi því sumrinu
í það að hjóla á milli svæða í
Breiðholti og myndaði svæðin
sem vægast sagt voru til skamm-
ar, sérstaklega í samanburði
við önnur sveitarfélög og nefnir
Ólafur Garðabæ í þessu samhengi.
Anna Kristinsdóttir, borgarfull-
trúi R-lista í borgarstjórn og
formaður framkvæmdastjórnar
Reykjavíkurborgar, segir að allur
samanburður við önnur sveitar-
félög sé langsóttur en ljóst sé að
gera þurfi bragarbót á.
Ólafur tók fyrst eftir þessum vanda
þegar hann hélt upp á afmæli sonar
síns í sumar. „Það var afmæli hjá
stráknum mínum í júlí og í því var
strákur úr Garðabæ. Þeir fóru út
í fótbolta og strákurinn segir að
aðstæðan sé svo léleg miðað við
Garðabæinn. Það endaði með því að
ég hjólaði um allt Breiðholt og tók
myndir. Ég kíkti líka á aðstöðuna
í Garðabæ og sá hvað drengurinn
átti við því þar er börnum boðið
upp á mun nýtískulegri svæði og
betri aðbúnað.“ Ólafur segir að það
mætti halda að enginn sinni þessu
almenna viðhaldi enda séu svæðin
nákvæmlega eins og þau voru þegar
þau voru gerð utan þess að þau
eru þrjátíu árum eldri og í verra
ásigkomulagi. „Oftast er þetta bara
viðhaldsmál. Það er eins og hlutirn-
ir séu bara settir upp og svo hugsi
enginn um það fyrr en þeir eru
orðnir ónýtir.“ Anna Kristinsdóttir
segir að eftirlit með svæðunum sé
ekkert, að minnsta kosti ekki af
þeirra vegum en ef athugasemdir
frá íbúum berast þá sé reynt að
sinna því eftir fremsta megni.
Skil ekki af hverju við
eigum að búa við þetta
Aðspurður að því hvort Ólafur hafi
skýringu á því hvers vegna aðbúnað-
ur sé miklu betri í Garðabæ en Breið-
holti segist Ólafur ekki vita það.
„Við borgum hærra útsvar en þeir.
Ég get ekki skilið af hverju við eig-
um að búa við þetta. Okkar pening-
ar eru væntanlega að fara í eitthvað
allt annað en aðbúnað fyrir börnin
okkar. Mér finnst þetta dapurlegt
ástand.“ Anna segir að það sé ekki
hægt að bera saman þessi tvö sveitar-
félög. „Við höfum miklu fleiri verk-
efni hér í Reykjavík og slíkur saman-
burður er því eins og að bera saman
epli og appelsínur. Ég hugsa að ef þú
tekur saman hve margir íbúar nota
félagsþjónustu eða eru í íbúðum á
vegum bæjarfélagsins þá er mikill
munur á Reykjavík og Garðabæ.
Svona samanburður er því heldur
langsóttur. Það er alveg ljóst að það
þarf að gera bragarbót hér á og það
ætlum við okkur að gera.“
Gott að íbúar finni hjá sér
þörf tii að lagfæra lóðir
Aðspurð að því hvað Önnu finnist
um framtak Ragnars Ragnarssonar
í viðhaldi leiksvæða segir hún að það
sé gott að íbúar finni hjá sér þörf til
að lagfæra lóðirnar. „Én Ragnar er
vitanlega í kosningabaráttu og þetta
stimplast inn á það.“ Anna segir að
unnið sé í því að leggja meiri pening
í viðhald á leiksvæðin og skólalóðir.
Við höfum verið að fara yfir þetta
og erum að vinna núna í úttekt á
skólasvæðunum til að athuga hvort
við getum farið í ódýrari lausnir.
Við erum með 44 grunnskóla í borg-
inni og það hafa verið 30 milljónir á
fjárhagsáætlun á hverju ári sem eru
eyrnamerktar skólalóðum. Við sjá-
um að það þarf að gera skurk í þessu
og við höfum lagt fram tillögu um
að taka 130 milljónir á næsta ári til
að koma þessu hraðar frá okkur.“
Þurfum að forgangsraða
Ólafur segir að foreldrar velti fyrir
sér af hverju börn fari ekki út að
leika en skoðun hans sýni að leik-
svæðin hafi einfaldlega ekki fylgt tíð-
arandanum. „Það sem er boðið upp
á í dag er að verða fertugt.“ Anna
tekur undir að kröfurnar eru meiri í
dag. „Almenningur vill að það sé vel
gengið um skólalóðir og að þær séu
góðar. Þessi umræða um hreyfingar-
leysi barna og offitu hefur verið svo
ráðandi að við tókum þá ákvörðun
að það verði verulega bætt við þenn-
an lið í fjárhagsáætlun. En um leið
og við gerum bragarbót á skólalóð-
um þá munum við fara í þessi opnu
svæði. Það er ekki vanþörf á en við
gerum okkur grein fyrir því að við
getum aldrei klárað öll svæðin á
einu bretti, við þurfum að forgangsr-
aða og skoða hvar þörfin er mest.“
Aðspurð hvort það ætti ekki að
vera forgangsatriði að fara yfir öll
þessi svæði og gera þau hættulaus
segir Anna að það muni vera gert.
„Það þarf alltaf að vera vakandi yfir
öryggi á leiksvæðum en það geta
alltaf orðið slys, hvort sem það er
á leiksvæði eða almennum svæð-
um í borginni. Nú förum við í að
reyna að skoða þetta heildstætt og
koma þessu í einhvern farveg, það
er óhæft að hafa þetta svona. Ég tek
alveg undir það.“
svanhvit@vbl.is
Tók málin í sínar hendur
Lagaði
leiksvœði
Ragnar Sær og Gunnar Freyr i kastala sem má muna sinn fífil fegurri.
Eftir að hafa skoðað skýrslu Ól-
afs Gylfasonar ákvað Ragnar
Sær Ragnarsson að taka málin
í sínar hendur. Ragnar Sær er
menntaður leikskólakennari og
er í 5. sæti á framboðslista í próf-
kjöri sjálfstæðismanna í nóv-
ember. „Mér fannst skýrslan og
könnunin sem ég sá svo sláandi
og ég vissi ekki nákvæmlega
með hvaða hætti væri best að
benda á þetta nema bara með
þvi að sýna hvað er hægt að
gera og lagfæra." Ragnar fékk
gefins timbur, fór á opin svæði
síðastliðinn laugardag og tók
til hendinni með aðstoð góðra
manna. „Ég var að vinna í
þessu frá klukkan 11-17 á laugar-
daginn ásamt nokkrum mönn-
um. Það komu líka íbúar sem
aðstoðuðu okkur." Ragnar segir
að það verði forvitnilegt að fylgj-
ast með hvort borgaryfirvöld
taki við sér í þessu máli.
Hér má sjá einn kastala eftir að búið var að gera við hann.
Skráning: www.hreyfiland.is | mottaka@hreyfiland.is
sfmi: 577 2555 og 899 7255
110 Reykjavik | Stangarhylur 7
Ungbarna- og^-------------
fjölskylduvæna líkamsræktarstöðin
HREYFILAND býður upp á 8 vikna íþróttanámskeið fyrir foreldra
og börn þeirra. Skipt er í hópa:
• Foreldrar og börn, 3ja mánada til 2ja ára
• Börn, 3ja, 4ra og 5 ára
Lóð Seljaskóla hreinasta hörmung
Peningum forgangsraðað
og lóðirmæta afgangi
Þórður Kristjánsson er skóla-
stjóri Seljaskóla í Breiðholti og
hann segir að skólalóð Seljaskóla
sé hreinasta hörmung. „Þetta er
mjög stór lóð og það hefur lítið
verið gert á henni. Sjálf lóðin og
aðbúnaður fyrir börnin er alveg
í lágmarki. Við reynum alltaf að
fara yfir öll öryggismál en það er
í sjálfu sér ekki aðalatriðið heldur
hvað er lítið fyrir börnin að vera.
Lóðin er svo stór og eýðilögð og
það hefur verið erfitt að fá henni
viðhaldið á eðlilegan hátt.“
Oft beðið um viðhald en erfitt að fá
það í gegn
Þórður segist oft hafa beðið um við-
hald en það sé erfitt að fá það í gegn
og það fari í taugarnar á honum. „Eg
veit að borgin er með ákveðið plan
varðandi skólalóðir en það er ekkert
á dagskrá strax. Peningum hefur
verið forgangsraðað þannig að það
eru skólabyggingar sem ganga fyrir,
mötuneyti og eldhús og svo koma
lóðirnar. Eldri skólarnir standa verr
að vígi en þessir nýrri en það eru
ákveðin atriði, girðingar, net í fót-
boltamörk, körfuboltaspjöld og slík
lágmarksatriði sem þurfa að vera í
laei.“
Lóö Seljaskóla er Iftið sem ekkert viö-
haldið