blaðið - 02.11.2005, Page 16

HMXLI
MIÐVIKUDAGUR 2.
Málningartíska
Ljóst, grátt og stakir veggir
Haustið er tími breytinga hjá
mörgum. Þá falla laufin af trján-
um og ákveðin endurnýjun á sér
stað í umhverfinu sem virðist
smita út frá sér. Auðveldasta leið-
in til að gera róttækar breytingar
á sínu nánasta umhverfi er líkleg-
ast að mála húsakynni sín. Til að
aðstoða fólk í þeim hugleiðingum
fór Blaðið á stúfana og kynnti
sér hvað væri heitast í málningar-
heiminum um þessar mundir hjá
öllum helstu málningarframleið-
endum landsins og hver sérstaða
hvers og eins þeirra væri.
Jjilli
SEIT!
diASTlG 10
> ^Sswssif
Slippfélagið — hluti af veggnum
rammaður inn
„Það hefur ekki verið jafn mikið um
„effect-málningu“ núna líkt og er
vanalega á haustin, en sala á henni
er sveiflukennd milli ára. Yfirleitt er
það mjög algengt á haustin að fólk
fari yfir í „effect-málningu" en ég
finn það núna að það er minna en
oft áður. Sölutölur sýna reyndar að
það seljist helmingi minna af slíkri
málningu en í fyrra,“ segir Valdi-
mar Sigurðsson, sölumaður og ráð-
gjafi hjá Slippfélaginu, þegar hann
var spurður hvað væri athyglisvert
að gerast á málningamarkaðnum í
dag. 1 litum hefur Slippfélagið ver-
ið í miklu samstarfi við Völu Matt
til margra ára. Valdimar segir að
skemmtilegir litir séu mjög heitir í
dag og þá sé helst um að ræða ljósa
liti. „I dökkum litum erum við þó
með liti eins og moldvörpu, teit,
cappucino og malbik.“ Valdimar
segir að fólk sé í síauknum mæli að
mála hluta af veggjum í stað þess að
mála þá í heilu lagi. „í svefnherbergj-
um er til dæmis oft verið að setja
bara málningu þar sem höfuðgafl-
inn á rúminu ætti að vera. Þá er ekki
verið að mála allan vegginn heldur
einungis breiddina á rúminu,“ segir
Valdimar. Hann segir Slippfélagið
bjóða upp á afar persónulega þjón-
ustu og stundum færu ráðgjafar
meira að segja heim til fólks til að
leggja því lið. „Þá reynum við að
starfa mikið með fagaðilum í vali á
litum,“ segir Valdimar að lokum.
Málning hf. - umhverfis-
vænirog lyktarlausir
Hjá Málningu hf. fengust þau svör
að ljósir litir væru mikið inn í dag.
Þórður Davíðsson, sölustjóri, segir
að reyndar sé líka eitthvað um gráa
eða grábrúna liti og væru þeir þá
helst notaðir til að brjóta upp einn
og einn vegg. „Þetta eru svona hlýir
litir,“ segir Þórður. Þá séu vanalega
teknir mattir litir á loftin. Þegar
Þórður var spurður um hvort það
sé einhver sérstök tíska i litavali
hjá fólki þá segir hann fólk oft mála
staka veggi í öðrum litum. „Það er
þá verið að skipta upp rými með
því að mála vegg sem skiptir upp
eldhúsi og stofunni eða annað slíkt.
Þá er sá veggur venjulega í dekkri lit-
um og hinir í ljósum.“ Þórður segir
að sérstaða Málningar hf. sé fyrst og
fremst sú að þeir bjóði upp á, og hafi
gert um árabil, umhverfisvæna og
lyktarlausa málningu sem þeir eru
mikið að auglýsa um þessar mund-
ir.
Flugger litir - alþjóðleg-
ar og íslenskar vörur
Vigfús Gíslason, sölustjóri Fliigger-
lita á Islandi, varð fyrir svörum hjá
því fyrirtæki, en fyrir þá sem ekki
vita þá er Flugger-litir nýtt heiti á
Hörpu-Sjöfnmálningarframleiðand-
anum. Vigfús segir að gráir og ljósir
litir séu afar heitir um þessar mund-
ir. „Ljóst er náttúrulega vinsælast og
heldur alltaf velli. Þetta hefur verið
að aukast að fólk fari úr brúnum og
drapplituðum tónum yfir í grátt og
gráa tóna,“ segir Vigfús.
Hann segist ekki verða var við
að það sé vinsælt að mála staka
veggi um þessar mundir, það fari
þó kannski vaxandi en hann er
ekkert alveg viss um slíkt. „Þetta
er alla vega ekki háannatími í stök-
um veggjum eins og stundum var.
Þegar maður selur til dæmis máln-
ingu í eitt barnaherbergi í íbúð þá
er algengast að fólk máli bara í sama
litnum. Loftið er þó oftast haft öðru-
vísi og þá oftast í hvítu,“ segir Vigfús
ennfremur.
Flúgger býður upp á mikið úrval
af bæði íslenskum og erlendum
vörum og er að sögn Vigfúsar með
mjög breiða línu. Hann segir að
þar sem þeir séu núna hluti af mjög
stórri alþjóðlegri málningarkeðju
þá auki það á vöruúrvalið því auk
þess að bjóða upp á Flúgger-vörurn-
ar þá séu þær íslensku vörur sem
Harpa-Sjöfn framleiddi áður ennþá
á boðstólnum.
Húsasmiðjan - mikið af gráu
Einar Ragnarsson, vörustjóri hjá
Húsasmiðjunni, segir að í litum
sé mjög mikið farið út í gráa tóna
í dag. Einnig er mikið um jarðliti,
terrakotta-liti og aðra leirliti. „Þá er
verið að taka mikið af veggjum í ljós-
um litum og síðan eru teknir þessir
gráu eða terrakot-litir á staka veggi,“
segir Einar ennfremur.
Einar segir Húsasmiðjuna bjóða
upp á mikið úrval af „effect-máln-
ingu“ sem er vatnsþynnanleg. Fólk
notar hana til að leika sér með, til
dæmis svampa til að skapa „effecta“
á grunn, m.a. með því að búa til
rósir og annað í þeim dúr. Þá selur
Húsasmiðjan olíumálningu án ter-
pentínu sem gefur að sögn Einars
sömu fáguðu útkomu og hefðbund-
in olíumálning, en þessi málning er
ný á markaði hér á landi.
Byko - tískan fer í hringi
Hjá Byko varð Steindór Elísson,
deildarstjóri málningardeildar í

S/
^ - j vægnwjing
Breiddinni, fyrir svörum. Hann
segir, líkt og flest allir aðrir, að fólk
kaupi mest af ljósum litum. Svo
sé fólk mikið að taka einn og einn
vegg í dökku og þá helst í gráum
og brúnum litum. „Það er yfirleitt
þannig að þegar herbergi eru málið
þá eru teknir þrír litir í ljósu og einn
í dökku.“ Steindór segir ennfremur
að tískan í litavali hafi tilhneigingu
til að endurtaka sig. „Það er verið
að taka ljósa liti eitt árið, svo verða
þetta ljósir litir og einn dökkur, svo
fer þetta aftur meira út í eitt og
eitt herbergi í dekkri lit. Þetta fer í
hringi á nokkrum árum.“ Steindór
segir Byko ekki leggja áherslu á að
vera með sérstöðu í einhverjum
ákveðnum vöruflokkum heldur sé
fyrst og fremst stefnt að því að bjóða
upp á góða málningu á góðu verði.
t.juliusson@vbl.is