blaðið - 20.03.2006, Page 4

4 I INNLENDAR FRÉTTIR
MÁNUDAGUR 20. MARS 2006 blaðið
Lögmenn ekki á einu máli um
dóm héraðsdóms i Baugsmáli
Telja áfrýjun nauðsynlega, en ekki á einu máli umforsendur eða dómsorðið. „Illur hugur“
vitnis ekki talinn ómerkja framburðinn sjálfkrafa sé hann studdur öðrum gögnum.
Y04.IH
Eltak sérhæfir sig í sölu
og þjónustu á vogum
Atli Gíslason, lögmaður, lýsti þeirri
skoðun sinni í Silfri Egils í gær að
dómur héraðsdóms í Baugsmál-
inu hafi verið ákæruvaldinu áfall,
enda afdráttarlaus. Komst hann
svo að orði að Jón Gerald Sullen-
berger hafi verið „skemmt epli“ í
málinu, þungur hugur hans í garð
sakborninga hafi í raun ónýtt mál-
flutning ákæruvaldsins, eins og
héraðsdómur hafi raunar tíundað í
forsendum dómsins. Um leið taldi
hann hina þröngu skýringu dóms-
ins á því hvað væri lán og hvað ekki
kallaði á umfjöllum hæstaréttar.
Blaðið hafði af þessu tilefni sam-
band við nokkra reynda lögmenn og
bar dóminn undir þá. Sveinn Andri
Sveinsson, hæstaréttarlögmaður,
sagði að dómurinn væri um margt
undarlegur, en vildi taka fram að
hann hefði vitaskuld ekki hlýtt á
vitnaleiðslur eða lesið málsskjöl.
,En þegar maður les forsendurnar,
t.d. í þessum bílainnflutningi, sýn-
ist manni að þær leiði allar að sakfell-
ingu, sem síðan kemur aldrei, heldur
þvert á móti er sýknað, að því manni
virðist ekki í miklu samhengi við
það, sem á undan fer.“ Annar lög-
maður, sem ekki vildi láta nafns síns
getið, tók í sama streng. „Það ber
allt að sama brunni, en síðan er því
allt í einu þvælt inn í málið að fram-
burður Jóns Geralds hafi verið ótrú-
verðugur vegna þess að hann beri
þungan hug til eins sakborninga.
Það skiptir nákvæmlega engu máli,
nema ekki sé neinum sönnunum
eða gögnum til að dreifa. Að málið
snúist aðeins um framburð þar sem
orð er á móti orði. Það á ekkert við í
þessu máli.“
Þá höfðu menn á orði að nýmæli
væri í dómnum að víkja að fram-
lögðum skjal-
legum gögnum
með þeim hætti,
sem þar væri
gert. „Iefnahags-
brotamálum er
altítt að verið sé
að leggja fram
ljósrit og velkta
bleðla án þess
að það hafi veiki
nokkuð sönnun-
argildi þeirra.
En vilji menn frumrit geta verjendur
eða dómarar kallað eftir þeim.“
Þeir lögmenn, sem Blaðið ræddi
við, voru á einu máli um að dómur-
inn hefði teygt sig mjög langt í átt
til sýknu. „Auðvitað ber dómara að
láta sakborninga að njóta vafa eins
og hægt er og það er almennt raunin.
En í þessu máli teygir dómurinn sig
miklu lengra en maður þekkir dæmi
um,“ segir Sveinn Andri.
Hvað lagatúlkanir á því hvað teld-
ust lán í skilningi laganna voru skoð-
anir skiptari meðal þeirra lögmanna,
sem Blaðið ræddi við. Um væri að
ræða flókið lagatæknilegt mál, sem
þyrfti skýringu hæstaréttar á. „Dóm-
stólar hafa áður beitt rýmri skýr-
ingum um lán og þessi dómur kallar
á afdráttarlausa afstöðu hæstaréttar,"
segir Sveinn Andri.
Atli Gíslason gekk hins vegar
lengra óg sagði ljóst að um fjármuna-
flutninga inn á reikninga stjórnenda
og hluthafa í almenningshlutafélagi.
Ef það væru ekki lán yrði að greina
frá því um hvað hefði verið að ræða,
dómurinn gæti ekki skilið það eftir
í lausu lofti.
Sveinn Andri
Sveinsson
Bjóðum mesta úrvai
á íslandi af smáum
og stórum vogum
Hafðu sumbund
ELTAK, ,
Sfðumúla 13, sími 588 2122
www.eltak.is
Hammer
sambyggðar trésmíðavélar
Ásborg
Smiðjuveqi 11,sfmi 5641212
Netverð á mann með 10.000 kr.
afslætti, m.v. hjón með 3 börn,
2-11 ára, vikuferð 18. eóa 25. mai
Castle Beach ibúðahótelið.
Heimsferðir
Margar brottfarir í júní og
ágúst að seljast upp
Skógarhlíð 18 • 105 Reykjavík • Sími 595 1000 • Fax 595 1001
Akureyri simi: 461 1099 • Hafnarfjörður simi: 510 9500
Blalil/Frikki
Bíll valt á Kringlumýrarbraut
Bílvelta varð á Kringlumýrarbrautinni á fjórða tímanum í gær. Slysið átti sér stað undir göngubrúnni skammt frá Skógræktinni og var
ökumaðurinn á leið úr Kópavoginum. Beita þurfti klippum til þess að ná ökumanninum út en bílstjórinn virðist hafa misst stjórn á bíl
sínum með þeim afleiðingum að bíllinn hafnaði á brúarstólpa brúarinnar. Bílstjórinn var karlmaður um tvítugt og gekkst hann undir
aðgerð í gær vegna brjóstholsáverka. Hann mun ennfremur þurfa að gangast undir aðgerð vegna tveggja brotinna hryggjarliða en er
ekki f iífshættu. Annar maður á tvítugsaldri var farþegi í bílnum og slapp hann með minniháttar meiðsli.
Jón Baldvin fer fyrir hópi sem
móta á öryggis- og varnarstefnu
Samfylkingin hefur kynnt tillögur
sínar um sjálfstæða utanríkisstefnu.
1 tillögunum felst meðal annars
að stofnaður verði þverpólitískur
vinnuhópur sem hafi það hlutverk
að móta tillögur um nýja öryggis-
og varnarstefnu Islands. Jóni Bald-
vini Hannibalssyni hefur verið falið
það hlutverk að leiða þá vinnu. Um
þetta var tilkynnt á fundi í Þjóð-
menningarhúsinu í gær. Þar kom
einnig fram að Ingibjörg Sólrún
Gísladóttir, formaður Samfylkingar-
innar, mun þegar í næstu viku taka
upp viðræður við utanríkisráðherra
Svíþjóðar og Noregs á vettvangi
norrænu jafnaðarmannaflokkanna.
Einnig mun Össur Skarphéðinsson
taka varnarmál Islands upp á fundi
NATO um aðra helgi.
Markar tímamót
í tilkynningu frá Samfylkingunni
segir að einhliða brot Bandaríkja-
stjórnar á varnarsamningnum við
Jón Baldvin Hannibalsson
ísland marki tímamót í öryggis- og
varnarmálum landsins. „Við þessar
aðstæður er brýnt að íslendingar
taki sjálfir frumkvæðið að mótun ör-
yggis- og varnarstefnu þjóðarinnar."
Þá telja samfylkingarmenn það
nauðsynlegt að meta með opnum
huga alla kosti í stöðunni og þar
komi til greina aukið samstarf við
bandalagsþjóðir innan NATO, sam-
starfvið norrænar þjóðir auk varnar-
samstarfsins við Bandaríkin.
Þarf að skilgreina varnarþörf
Einkum þarf að líta til þriggja þátta
í þeirri stefnumótunarvinnu sem
framundan er, segir í yfirlýsingunni
sem send var út í gær. Þessir þættir
eru skilgreining á öryggis- og varn-
arþörf Islands, ráðstafanir vegna
atvinnumála á Suðurnesjum og til-
lögur er lúti að öryggi á hafinu um-
hverfis ísland.