blaðið - 27.06.2006, Side 6

6 I FRÉTTIR
ÞRIÐJUDAGUR 27. JÚNÍ 2006 blaðið
Yfir 20 þúsund
undirskriftir
Rúmlega 20 þúsund undir-
skriftir hafa safnast í und-
irskiftasöfnun Blátt áfram þar
sem alþingismenn eru hvattir
til að samþykkja lagafrum-
varp Ágústs Ólafs Ágústssonar,
þingmanns Samfylkingar, um
afnám fyrningarfresta í kyn-
ferðisafbrotum gegn börnum.
Samtökin hafa staðið fyrir und-
irskriftasöfnun allt frá því að
samtökin voru stofnuð í apríl
2004, en lagafrumvarpið var
lagt fram á haustmánuðum
2004.
Aukin greiðslu-
kortavelta
innanlands
mbl.is | Samkvæmt nýjum
tölum frá Seðlabanka Islands
nam greiðslukortavelta í maí
58.387 milljónum króna og
hefur því aukist um 12,6% frá
fyrra mánuði að raunvirði.
Aukninguna má að mestu leyti
rekja til vaxtar í innlendri veltu.
Greiðslukortavelta innanlands
í maí nam 53.949 milljónum
króna og hefur því aukist um
nær 14% frá fyrra mánuði að
raunvirði. Efveltan innanlands
er hins vegar borin saman við
maí í fyrra hefur hún dregist
saman um 0,7%.
Saddam kveðst reiðubúinn
að aðstoða Bandaríkjamenn
Saddam Hussein, fyrrum forseti ír-
aks, telur að Bandaríkjamenn muni
þurfa að leita aðstoðar hans til að
unnt verði að kveða niður óöldina
í landinu og þannig greiða fyrir því
að herliðið verði kallað heim. Þetta
er mat helsta lögmanns forsetans
fyrrverandi.
Khalil al-Dulaimi, aðalverjandi
Saddams, sagði í viðtali við Associ-
ated Press-fréttastofuna að stöðug-
leika verði ekki komið á i Irak án
íhlutunar Saddams. „Hann er síð-
asta úrræði þeirra. Þeir munu að
lokum leita til hans. Hann er eini
maðurinn sem getur stöðvað and-
spyrnuna gegn bandaríska herlið-
inu,” sagði lögmaðurinn.
Ekkert bendir til þess að Banda-
ríkjamenn hafi leitað eftir aðstoð
forsetans fyrrverandi. Súnnítar
sem voru allsráðandi í írak í valda-
tíð forsetans eru einkum taldir fara
fyrir uppreisnarhópunum í landinu
en ljóst þykir að sjítar og Kúrdar
sem sættu ofsóknum í tíð Saddams
myndu aldrei samþykkja aðkomu
forsetans fyrrverandi að málefnum
Iraks.
Al-Dulaimi segir í viðtalinu að
Saddam hafi nefnt þetta á fundi með
lögmanninum á þriðjudag í liðinni
viku og að hann hafi gefið til kynna
að hann væri tilbúinn að koma
Bandaríkjamönnum til hjálpar.
Þetta hefði hann sagst vera tilbúinn
að gera í nafni „þjóðanna tveggja
- Bandaríkjamanna og íraka”.
Lögmaðurinn hafði eftir Saddam
að Bandaríkjamenn hefðu leitt
strengjabrúður til valda í írak sem
fengju með engu móti ráðið við
ástandið. „Þeir geta hvorki varið
sjálfa sig né írösku þjóðina. Banda-
ríkjamenn munu áreiðanlega leita
til mín, og sækjast eftir þeirri lög-
mætu stjórn sem Saddam Hussein
getur veitt til að bjarga þeim úr fen-
inu sem þeir eru fastir í,” hafði lög-
maðurinn eftir Saddam.
Al-Dulaimi vildi ekki tjá sig um
hvaða kröfur Saddam myndi setja
fram sem endurgjald fyrir aðstoðina
en tók fram að þess yrði ekki nauð-
synlega krafist að hann yrði á ný
forseti landsins. Lögmaðurinn gaf
hins vegar til kynna að Saddam væri
tilbúinn til að binda slíkt samkomu-
lag við dóm í máli hans en hann er
nú fyrir rétti í Bagdad, sakaður um
fjöldamorð. Fastlega er búist við því
að upp verði kveðinn dauðadómur í
máli hans.
Lögmaðurinn sagði að Saddam
væri undir það búinn að hann yrði
dæmdur til dauða. Kvaðst al-Dul-
aimi þeirrar hyggju að ráðamenn
í Bandaríkjunum hefðu þegar
ákveðið að forsetinn fyrrverandi
yrði tekinn af lífi. Lögmaðurinn
sagði hins vegar að yfirvofandi
dauðadómur væri í raun tæki sem
Bandaríkjamenn hygðust beita til
að þvinga forsetann fyrrverandi til
að koma þeim til hjálpar í írak.
Saddam Hussein í réttarsalnum í Bagdad.
Heulers
Sjóræningjaskip á leið til hafnar?
Eftirmynd af seglskipinu„Godspeed" sigldi inn í höfnina í New York í gær og höfðu
skipverjar í nógu að snúast til að tryggja farsæla för. Ferð skipsins er farin í tilefni af
400 ára afmæli Bandaríkjanna. Skipið er nákvæm eftirlíking af eldra skipi sem kom að
landi í Jamestown í Virginíufylki á 17. öld, en um borð í skipinu þá voru nokkrir af fyrstu
landnemum Ameríku.
Litið til Kjarnaskógar við
uppbyggingu Viðeyjar
Eftir Atla (sleifsson
Fólk rekur í rogastans þegar stigið
er af ferjunni í Viðey og við blasir
stórt auglýsingaskilti þar sem íbúða-
og skrifstofuhúsnæði eru auglýst
til sölu eða leigu í Viðey. Hér er þó
um að ræða listaverk nýlistarhóps
sem var með uppákomur í eynni, en
ekki stendur til að reisa slíka byggð
í Viðey. I kosningabaráttunni fyrir
sveitarstjórnarkosningarnar komu
þó fram hugmyndir um byggð úti í
eyjunni.
IngólfurGuðmundsson, formaður
Viðeyingafélagsins, segir í samtali
við Blaðið að félagið hafi strax lagst
gegn öllum hugmyndum um byggð
í Viðey. „Þessar eyjabyggðarhug-
myndir sjálfstæðismanna í kosninga-
baráttunni voru ekki mikið mótaðar
og ekki hugsaðar til enda. Gerð var
könnun meðal íbúa Reykjavíkur
fyrir nokkrum árum þar sem kom
í ljós að menn voru almennt á móti
því að reisa íbúabyggð í Viðey. Sjálf-
stæðismenn áttuðu sig einnig fljót-
lega á því að þetta ætti ekki að vera
neitt forgangsmál og málið var tekið
af dagskrá,“ segir Ingólfur.
Útivistarparadís
Að sögn Ingólfs eru þó allir á því að
nýta þurfi eyjuna betur. „Við f Við-
eyingafélaginu erum jákvæðir í garð
aílra þeirra hugmynda sem miða að
því að efla eyjuna sem útivistarpar-
adís. Menn eiga að vera opnir fyrir
öllum hugmyndum og eiga ekki að
útiloka hugmyndir um golfvöll í
Viðey, flutning safna út í eyjuna og
þess háttar. Allar hugmyndir um að
leggja brú og eyðileggja þannig hug-
myndir um Viðey sem eyju finnst
mér hins vegar ekki yera spennandi
framtíðarsýn.“
Aðalfundur Viðeyingafélagsins
var haldinn á sunnudaginn. Ing-
ólfur segir að félagar hafi áður Iagt
fram fjölda hugmynda um hvernig
eigi að efla eyjuna sem útivistarpar-
adís fyrir borgarbúa og landsmenn
alla. „Við höfum til að mynda lagt
til að tengja eigi Viðeyjarferjuna við
strætókerfi borgarinnar og margt
fleira. Eins vil ég líta til Kjarna-
skógar við Akureyri. Uppbygging á
því svæði hefur tekist mjög vel. Ég
væri til í koma upp grillaðstöðu,
göngu- og hjólastígum, ieiktækjum
og ýmsu öðru.“
Leggja göngustíga
Örlygur Hálfdánarson, bókaútgef-
andi og Viðeyingur, segist ekki
getað hugsað sér íbúðabyggð í eynni.
„Ég sé Viðey fyrir mér sem útivistar-
og afþreyingarparadfs í framtíðinni
ogþar eru miklir möguleikar. Ég hef
lagt fram ýmsar tillögur um hvernig
sé hægt að lífga upp á Viðey. Það
mætti byrja á þvi að leggja gangstfga
um eyjuna og meðfram bökkum
hennar. Eyjan er víða ógeng og sina
komin upp á mörgum stöðum. Það
horfir til vandræða," segir Örlygur.
Honum líst vel á þá hugmynd
sem fram hefur komið um að flytja
Árbæjarsafnið út í Viðey. „Það var
þorp í eynni á sínum tíma og mér
finnst það góð hugmynd að flytja
gömlu húsin út í Viðey. Þar fyrir
utan væri hægt að byggja upp fisk-
verkunarhúsin sem stóðu á bakk-
anum og skapa þeim verkefni. Hægt
væri að koma fyrir söfnum í þeim af
ýmsum toga,“ segir Örlygur.
atlii@bladid.net