blaðið - 27.06.2006, Blaðsíða 12

12 I ÁLIT
ÞRIÐJUDAGUR 27. JÚNÍ 2006 blaðiö
Útgáfufélag: Ár og dagur ehf.
Stjórnarformaður: Sigurður G. Guðjónsson
Ritstjóri: ÁsgeirSverrisson
Fréttastjórar: Aðalbjörn Sigurðsson og Erna Kaaber.
AFSTAÐA TIL
GRUNNSKÓLANS
Athyglisverðar upplýsingar komu fram í ræðu sem Ólafur Proppé,
rektor Kennaraháskóla fslands, flutti við brautskráningu kand-
ídata frá skólanum á laugardag. Ljóst er að umræða um kenn-
aramenntun og skólakerfið þarf að vera mun víðtækari og markvissari
en tíðkast hefur hér á landi. Sérstaklega sýnist full þörf á því að málefni
grunnskólans komist á dagskrá þjóðmálaumræðunnar.
í ræðu sinni sagði Ólafur Proppé að kennaramenntun á fslandi hefði
ekki þróast áfram með sama hætti og hjá öðrum þjóðum. ítrekað hefði
verið reynt að vekja athygli yfirvalda á þessari staðreynd. Fyrir nær 20
árum hefði Alþingi samþykkt að lengja kennaranám úr þremur árum í
fjögur. Þessi ákvörðun hefði á hinn bóginn aldrei komist í framkvæmd
þar sem stuðning og fjármagn af hálfu hins opinbera hefði vantað.
Ólafur Proppé gat þess að árið 1991 hefði starfsfólk Kennaraháskólans
lagt mikla vinnu í að skipuleggja lengra nám og hefði það verið auglýst.
Tíu dögum áður en kennsla átti að hefjast hefði stjórnendum skólans
borist bréf frá menntamálayfirvöldum þar sem beinlínis var lagt bann
við því að hafin yrði kennsla á grundvelli nýrrar kennsluskrár. Sagði
rektor að „skortur á skilningi stjórnvalda, almennings og jafnvel ann-
arra háskólamenntaðra starfsstétta á störfum kennara í nútímasamfé-
lagi” hefði verið ástæða þess að kennaranámið var ekki lengt árið 1991.
Nú er stefnt að því að bjóða frá og með haustinu 2007 upp á endurskoðað
samfellt fimm ára nám til meistaraprófs á öllum námsbrautum.
Ólafur Proppé vísar til skilningsleysis yfirvalda í ræðu sinni en hann
nefnir einnig að almenningur hafi ekki reynst sérlega áhugasamur
um framfarir á þessu sviði kennaramenntunar á Islandi. Og ef til vill
er ástæða til að staldra við einmitt þetta atriði. Sýnir almenningur á
íslandi grunnskólanum stuðning og ríkir sérstakur áhugi á því starfi
sem þar fer fram? Hvernig sýnir samfélagið í verki stuðning sinn við
konurnar sem bera uppi starfið í grunnskólum landsins?
Á síðustu árum hefur orðið grundvallarbreyting á grunnskólakerfinu.
Það viðhorf er ríkjandi í samfélaginu að skólinn sé í senn geymslustaður
og uppeldisstofnun. Ábyrgð á uppeldi hefur án nokkurrar umræðu verið
vísað til grunnskólans. Sífellt stærri hluti af þeirri vinnu sem fram fer
í grunnskólanum snýst um viðbrögð við margvíslegum félagslegum
vanda nemenda og foreldra þeirra. Skólinn fær ekki sem áður næði
til að sinna því hlutverki sínu að mennta unga íslendinga. Samfélagið
sýnir síðan stuðning sinn í verki með því að hunsa kröfur kennara um
kjarabætur.
Afstaða fslendinga til grunnskólans nálgast að geta talist
„þjóðarvandi”.
Ásgeir Sverrisson
Auglýsingastjórl: Steinn Kári Ragnarsson Rltstjórn & auglýsingar: Hádegismóum 2,110 Reykjavík
Aðalsími: 510 3700 Símbréf á fréttadeild: 510 3701 Símbréfá auglýsingadeild: 5103711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins Dreifing: fslandspóstur
TILBOÐ
gorenje þvottavél
1200snúninga
Verð kr. 59.900
Áður kr. 74.500
RÖNNING
Borgortúni 24 | Reykiavík | Sími: 562 4011 | Óseyri 2 | Akureyri | Sími: 460 0800
\íALt\J ^Tr5T foRcUK.. ÉG fcTU
-------------------------LLJóbl kVótifl

r^i

Sírenurnar sungu ekki fyrir mig
Það er kunnara en frá þurfi að segja
að á íslandi er til yfrið nóg af pen-
ingum. Við vitum ekkert hvað við
eigum að gera við þá. Við erum bók-
staflega að drukkna, náum varla
andanum í daunillu flóðinu. Byltum
okkur svefnvana og óhamingjusöm,
misjafnlega meðvituð um hið innan-
tóma líf sem við höfum ánetjast. Við
reynum hvað við getum að losna við
þessa ofgnótt til þess að einhvern
dag í fjarlægri framtíð getum við
mögulega hafið einfaldara líf. Þar
til það markmið næst höldum við
áfram að fara með alla fjölskyld-
una í Kringluna eða Smáralind um
helgar. Við eyðum til að gleyma.
Valdið er vandmeðfarið
Krúttkynslóðin sem alin er upp í
allsnægtum síðkapítalismans hefur
að einhverju leyti uppgötvað töfra
einfaldleikans og er mikið í mun að
láta líta svo út sem peningar skipi
ekki stóran sess í lífi hennar. Krakk-
arnir drekka sitt soya-latte, íklæddir
fötum af ömmu og afa, og leita
að sjálfum sér í Listaháskólanum
hvern einasta dag. Peningar eru
öðru fremur valdatæki. Með þá að
vopni getum við breytt viðhorfum,
selt vörur, veitt sálir og þaggað
niður það sem okkur þykir óþægi-
legt. Stjórnmálaflokkar með fylgi
við frostmark geta borgað Hvíta hús-
inu eða annarri auglýsingastofu hér
í borg fyrir að búa til mynd af sér
sem fólk er mögulega tilbúið til þess
að kaupa í nokkra daga - þar til kjör-
seðillinn lendir í kassanum góða.
Peningar eru skaðræði í höndum
þeirra sem ekki kunna með þá að
fara og geta komið hverjum sem er
til valda. Lýðræðið er rotnandi hræ.
Hilma Gunnarsdóttir
Óðurtil allsnægta
Ein dýrasta auglýsing Islandssög-
unnar leit dagsins ljós á dögunum
og hefur líklega orðið mörgum
umhugsunarefni á siðustu vikum.
Hún var frumsýnd í sjónvarpi allra
landsmanna í sömu viku og Orku-
veitan undirritaði viljayfirlýsingu
um raforkusölu til fyrirhugaðs ál-
vers í Helguvík. Auglýsingin er sæt-
beiskur óður til allsnægtanna sem
við búum við. Henni er ætlað að
kenna okkur fáfróðum lýðnum að
vera þakklát fyrir það ljúfa líf sem
við lifum, umlukin nýjustu tækni
og frábærum aðbúnaði. Við erum
börn sem eigrum um I myrkrinu
uns við tökum í útrétta hönd sem
leiðir okkur fram í ljósið. Höndin
sú útrýmir fáfræðinni og sótsvörtu
myrkrinu. Hún færir okkur upplýs-
ingu og ljós í anda átjándu aldar.
Landsfaðirinn ryksugar undir
fótum okkar meðan við höldum
þeim sakleysislega uppi og spyrjum
í forundran hvernig þetta sé nú
hægt. Hann svarar blíður á mann-
inn, setur upp gleðisvip yfir því að
geta frætt blessað barnið um undur
nútímans. Þökkum þeim sem þetta
land leiða, nýta náttúruna til þess að
drífa upp hinn rómaða hagvöxt og
verja peningunum til þess að kaupa
blíðu þegnanna í sjónvarpinu.
Forpokað viðhorf til
kvenna og karla
Kynjahlutverkin virðast í augum for-
svarsmanna Orkuveitu Reykjavíkur
lítið hafa breyst síðan á átjándu öld.
Auglýsingin samanstendur af full-
klæddum, fræðandi karlmönnum
og fáklæddum, tælandi konum sem
líta út fyrir að hafa sprottið út úr
Rauðu myllunni á góðu kvöldi um
þarsíðustu aldamót. Faðir og sonur
ræða saman um undur visindanna
og klæðast búningum geimfara til
þess að rannsaka ókunnar slóðir
og svala þekkingarþránni á meðan
brosmildar stúlkur á sundbolum
stíga trylltan dans. Skipstjórinn í
brúnni er karlmaður á hvítum jakka-
fötum - þannig er það bara í raun
og reynd. Auglýsingin færir okkur
fullkomleikann á fati. Svona viljum
við hafa það. Ekkert vesen og allt í
góðu lagi.
Höfundur er blaðamaður.
Klippt & skorið
Ossur Skarphéðinsson, alþingismaður
og ofurbloggari, er öðrum þing-
mönnum dug-
legri við að skrifa á heima-
síðu sína. Björn Bjarnason
er einnig samviskusamur á
þessum vettvangi en aðrir ,
eru ekki eins áhugasamir <
um að deila hugleiðingum sínum um daginn
og veginn með kjósendum sínum, með fáum
undantekningum þó. Heimasíða Össurar hefur
það reyndar fram yfir síðu Björns að þar geta
menn tjáð sig um pistla þingmannsins í þar til
gerðu kommentakerfi. Nú hefur ðssur þó þurft
að taka sig til og skrifa um mannasiði á heima-
síðum. Þar talar hann um hinn lýðræðislega
rétt lesenda að fá að tjá skoðun sína á sama
vettvangi og ðssur setur fram skoðanir sínar.
Hann hvetur lesendur sína tll þess gæta hófs
í orðum og biður þá um að hlífa fjölskyldumeð-
limum sínum fyrir skömmum. „Þessvegna bið
ég menn sem senda athugasemdirvið skrif mín
að gæta hófs í orðum. Þeir mega skamma mig
og aðra stjórnmálamenn undir drep, en ekki
fjölskyldumeðlimi mína - sem ekki eru stjórn-
málamenn - og helst vil ég að menn gæti kurt-
eisi," segir Össur. Lesendur á heimasíðu Marðar
Árnasonar mættu kannski taka þetta til sin en
þar hefur rignt inn kvörtununum vegna skrifa
hans um auglýsingar Umferðarstofu.
Kastljósviðtal á sunnudagskvöldið
við trúleysingjann Richard Dawkins
hefur vakið nokkra athygli. Á vefsíð-
unnni www.kirkju.net er hneykslast á því að
heill þáttur skuli hafa verið lagður undir skoð-
anir heiðingjans og á Vef-Þjóðviljanum taka
menn í svipaðan streng. Þar er réttilega bent
á að fátt nýtt hafi komið fram í máli Dawkins,
enda séu sjónarmið trúlausra vel þekkt. Því
er spurt hvort tekið yrði viðtal við erlendan
biskup sem segja myndi frá helstu atriðum
kristindómsins, ræki hann á fjörur okkar (slend-
inga. Andríkismenn segja þó frá því að Dawk-
ins hafi upplýst um eitt: Að engar vísindalegar
sannanir væru fyrir tilvist Guðs. Þessar upplýs-
ingar ættu þó að koma fáum á óvart, skrifa
Vefþjóðviljamenn, því frá því „Tómas fékk að
þreifa á naglaförum Jesú hafa slík sönnunar-
gögn ekki verið borin fram af réttum aðilum,
svovitaðsé."
gunnar@bladid.net