blaðið - 10.07.2006, Síða 2

2 I FRÉTTIR
MÁNUDAGUR 10. JÚLÍ 2006 blaöið
blaöið= Hádegismóum 2,110 Reykjavík
FRÉTTASÍMI: AUGLÝSINGADEILD:
510 3799 510 3744
netfang: frettir@ bladid.net netfang: auglysingar@bladid.net
Mikið um innbrot í Reykjavík:
Vertíð innbrotsþjófa
mbl.is | Innbrotum í umdæmi lög-
reglunnar í Reykjavík fjölgaði tölu-
vert í júní. Þau voru mun fleiri en
undanfarna mánuði og sömuleiðis
fjölgaði þeim ef miðað er við sama
mánuð í fyrra. Lögreglan segirþetta
vera áhyggjuefni og telur ástæðu til
að hvetja almenning til að vera á
varðbergi.
í júní voru óvenju mörg innbrot
á heimili og í bifreiðar. Vitað er að
þjófar sækjast m.a. eftir fartölvum,
myndavélum, símum og MP3-spil-
urum og því vissara að hafa slíka
hluti ekki fyrir allra augum.
Lögreglan hvetur því fólk til að
ganga tryggilega frá heimilum
sínum þegar farið er í sumarleyfi.
Vinstri grænir::
Senda ísraelum tóninn
Þingflokkur Vinstrihreyfingar-
innar - græns framboðs hefur sent
Daliu Itzik, forseta ísraelska þings-
ins, bréf þar sem fangelsun palest-
ínskra þingmanna og ráðherra
er harðlega mótmælt. Þar óskar
þingflokkurinn eftir því að forseti
ísraelska þingsins beiti sér af alefli
fyrir því að þeir verði þegar í stað
látnir lausir. „Við vekjum athygli
á að fangelsun lýðræðislega kjör-
inna fulltrúa er táknræn fyrir það
virðingarleysi sem ísraelsk stjórn-
völd sýna lýðræðinu á hernumdu
svæðunum í Palestínu," segir í
bréfinu.
Panda fagnar afmæli
Thai Shan, pandabjörninn sem hefur unnið hug og hjörtu gesta Þjóðardýragarðsins í
Washington f Bandaríkjunum, fagnaði eins árs afmæli sínu í gær. Thai Shan barst fjöld-
inn allur af afmæliskveðjum frá aðdáendum vfðsvegar um heim. A myndinni sést Shan
borða kræsingar með mömmu sinni, Mei Xiang.
Þúsundir á Irskum dögum á Akranesi:
Ölvun og
Mikið annríki var hjá lög-
reglunni á Akranesi aðfaranótt
sunnudagsins að sögn varðstjóra
á staðnum. Irskir dagar stóðu yfir
um helgina og var mikið um ölvun
í tengslum við hana. Að sögn varð-
stjóra var hátíðin I ár frábrugðin
fyrri hátíðum, þar sem unglingar
hafi fjölmennt til Akraness í ár.
Fjórir gistu fangageymslur um
óspektir
nóttina vegna óláta og þrír voru
teknir ölvaðir undir stýri.
Erill var hjá lögreglunni í Reykja-
vík á föstudagskvöldinu, en rólegt
aðfaranótt sunnudagins. Fimm-
tán voru teknir ölvaðir undir stýri
í Reykjavík um helgina. I Kefla-
vík keyrði maður út af vegi í gær-
morgun og er hann grunaður um
akstur undir áhrifum fíkniefna.
Vala Andrésdóttir kynntist klappstýringum í Hong Kong
Kennir íslendingum
klappstýringar
■ Uppbyggileg íþrótt. ■ íslendingar hafa af henni ranga mynd.
Eftir Aðlbjörn Sigurðsson
„Sú mynd sem íslendingar hafa
af klappstýringum eftir að hafa
horft á amerískar bíómyndir
er mjög skökk. Þetta snýst um
íþróttamennsku, góðan lífsstíl, að
koma vel fram og vera góð fyrir-
mynd. Þetta er því skemmtilegt og
uppbyggilegt bæði fyrir stelpur og
stráka,“ segir Vala Andrésdóttir,
en hún mun halda námskeið í
klappstýringum í næsta mánuði.
Vala segist hafa kynnst íþróttinni
í Hong Kong þegar hún dvaldi þar
en hafa lært hana almennilega og
náð sér í þjálfunarréttindi þar sem
hún stundar nú nám í Englandi.
Nú ætlar hún að standa fyrir nám-
skeiðum í klappstýringum sem hefj-
ast í næsta mánuði. Hún segir að
markhópurinn séu krakkar, bæði
stelpur og strákar, á aldrinum 12 til
16 ára.
„Mér finnst þetta góð leið fyrir
stelpur jafnt sem stráka til að taka
þátt á uppbyggilegan máta í þessum
hefðbundnu íþróttagreinum. Þetta
er alls ekki „skörinni lægra“ sem
íþrótt eins og margir virðast því
miður álíta. Þetta er íþróttagrein
sem hefur verið í mikilli þróun und-
anfarin ár. Þetta eru til að mynda
orðnir miklu meiri fimleikar en
áður var.“
„Það verður hinsvegar að segjast
að klappstýringar snúast lítið um
klappstýrurnar sjálfar, heldur er
markmiðið að styðja við liðið á vell-
inum, ef svo má að orði komast. Það
mætir til að mynda enginn á fótbolta-
völlinn til að horfa á klappstýrurnar.
Þær eru því að vissu leyti í auka-
hlutverki. Þær eru í einhverskonar
almannatengslastarfi, því hlutverk
þeirra er að halda góðum anda á
vellinum sem og góðum tengslum
milli liðs og áhorfenda. Þetta er allt
saman mjög mikilvægt og áríðandi."
„Það eina sem ég gæti ímyndað
mér að gæti hugsanlega orðið nei-
kvætt við þetta er ef mjög ungar
stelpur færu að ganga um í efnis-
litlum klappstýrugöllum. Ég tel
hinsvegar mjög litla hættu á því hér,
einfaldlega vegna þess að veðráttan
hér á landi leyfir ekki slíkt.“
Ef af hverju skyldi Vala hafa
ákveðið að halda þessi námskeið?
„Það var í raun haft við mig sam-
Ef klappstýringar verða afi veruleika hér á landi, gerir Vala ráfi fyrir afi til veröi sérís-
lenskt afbrigöi af íþróttinni. Taka þurfi tillit til íslenskra aðstæðna. Mynd/Esther
band að fyrra bragði og mér sagt að
það væri áhugi fyrir því að halda
svona námskeið. Skráningar eru
reyndar aðeins nýhafnar þannig að
ég veit ekki hver eftirspurnin á eftir
að verða. Ég geri hinsvegar ráð fyrir
að hefjast handa í ágúst með þessi
námskeið. Hvert þeirra mun taka
þrjár vikur og við munum æfa í 1
til 2 tíma í senn, fjórum sinnum í
viku. I lokin verður síðan sýning á
einhverjum íþróttakappleik, ef allt
gengur upp,“ segir Vala að lokum.
adalbjorn@bladid.net
.4,
0 Heiðskirti— LéttskvjaS'.-A. Skyjaó AlskýiaðRlgning,litilsiiáttar^^RlgningSúld
Snjókoma^íL ^ Slydda Snjóél
iiUJ'jJli'
Algarve 26
Amsterdam 24
Barcelona 30
Berlín 27
Chicago 19
Dublin 19
Frankfurt 28
Glasgow 17
Hamborg 24
Helsinki 27
Kaupmannahöfn 24
London 23
Madrid 37
Mallorka 31
Montreal 20
New York 23
Orlando 24
Osló 23
París 26
Stokkhólmur 29
Vín 26
Þórshöfn 12
Veðurhorfur í dag ki: 15.00
Veðursíminn 902 0600
Byggt á upplýsingum frá Veðurstofu íslands
Á morgun