blaðið - 31.07.2006, Blaðsíða 12

blaðið - 31.07.2006, Blaðsíða 12
12 I ÁLIT MÁNUDAGUR 31. JÚLÍ 2006 blaðið Útgáfufélag: Ár og dagur ehf. Stjórnarformaður: Sigurður G. Guðjónsson Ritstjóri: Sigurjón M. Egilsson Ritstjórnarfulltrúi: Janus Sigurjónsson Glæpamenn á vélhjólum Oft geta fáir komið óorði á marga. Á þá leið eru viðbrögð vélhjólaöku- manna vegna glæpaaksturs í þeirra hópi. Við sem bæði sjáum og er ógnað af þessum sama glæpaakstri getum ekki samþykkt að aðeins fáir vélhjólaökumenn stundi glæpaakstur. Við sjáum til svo margra, bæði í Reykjavík og eins á þjóðvegunum. Það eru ekki bara fáir ökumenn sem ógna okkur hinum, þeir eru margir. Ómögulegt er að vita hversu fjölmennur hópur glæpaökumanna þetta er eða hversu hátt hlutfall vél- hjólaökumanna haga sér með þessum hætti, en þeir eru margir, alltof margir. Ekki dugar lengur að tala sem örfáir fremji glæpi með glæfraakstri, aki á hundrað og fimmtíu til tvö hundruð kílómetra hraða, og jafnvel enn hraðar. Lögregla leitar nú einhverra fanta og þar fyrir utan þekkjum við þetta öll. Hver kannast ekki við að vélhjólum sé ekið á milli bíla á tveggja akreina vegum, hver kannat ekki við að þegar beðið er á rauðu ljósi komi vélhjól á milli bíla og það stöðvað framan við stöðvunarlín- una og þegar græna ljósið gefi ökumaðurinn allt í botn, rétt einsog hann sé á ráspól í kappakstri og hverfi öðrum nánast sjónum á örfáum sek- úndum? Hver kannast ekki við að hafa séð vélhjóli ekið framúr á þjóð- vegunum á svo miklum hraða að lyginni er líkast? Hörmuleg slys vélhjólamanna virðast virka þveröfugt, meðan sorgin er sem mest virðast einhverjir hafa það að markmiði að brjóta lögin eins mikið og framast er kostur, sjálfum sér, og það sem meiru skiptir, öllum öðrum til stórkostlegrar hættu. Þetta einfaldlega gengur ekki. Til eru menn sem eiga auðvelt með að selja sjálfum sér óhæfuna: „Það er vissulega leiðinlegt að lesa um þessa vitleysinga sem eru að stinga lögguna af og keyra eins og brjálæðingar," segir viðmælandi Blaðsins í blaðinu í dag. Sá vill ekki koma fram undir nafni, engum er alsvarnað. Þessi maður hreykir sér af því að hafa ekið á þrjú hundruð kílónmetra hraða og á 240 með farþega. „Það var hún sem vildi keyra svona hratt,“ segir hann um kærustuna sem var með honum á hjólinu í glæpaakstr- inum. En fyrir okkur sem ekki skiljum, hvers vegna menn láta svona: „Hjólin eru gerð fyrir þennan hraða.“ Það var og. Þessi viðhorf eru stórkostleg og lögreglu verður að takast að koma fönt- unum af hjólunum. Okkar hinna vegna. Ungir ökumenn hafa lengi verið þeir sem mestu tjóni hafa valdið. Nú bætast vélhjólamenn í þennan varasama hóp. Það er mikilsvert að breyting verði á, ekki er treystandi á að hún komi frá glæpamönnunum sjálfum, upphaf hennar verður að koma frá okkur sem viljum fara um með friði og virðingu fyrir öðru fólki. Takmarkið verður að vera að ná glæpamönnunum af hjólunum áður en skaðinn verður meiri. Sigurjón M. Egilsson. Auglýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavik Aðalsími: 510 3700 Stmbréf á fréttadeild: 510 3701 Símbrét á auglýsingadeild: 510 3711 Netföng: bladid@bladid.net, frettir@bladid.net, auglysingar@bladid.net Prentun: Prentsmiðja Morgunblaðsins Dreifing: (slandspóstur blaöiöa Auglýsendur, upplýsingar veita Magnús Gauti Hauteson • Sími G!0 3723 • Gsm 691 22 Katrln L. Rúnarsdóttii • 3ími 510 3727 • Gsm 856 4250 y • maggi^vbus ■ kata@b!adíd.net Fiskabúrið Allir skulu njóta friðhelgi einka- lífs, heimilis og fjölskyldu. Svo segir í stjórnarskránni og er ákvæðið að stofni til frá 1874, næsta óumdeilt. Hugmyndir manna um friðhelgi einkalífsins hafa enda fremur eflst en hitt og gildir einu hvort fjallað er um samræmdan gagnagrunn á heilbrigðissviði eða hugmyndir um stofnun þjóðaröryggisstofu. Það er full ástæða til þess að standa vörð um friðhelgi einkalífs- ins. Hún snýst nefnilega ekki aðeins um vernd borgaranna gagnvart stjórnvöldum, heldur líka um vernd þeirra gagnvart öðrum borgurum. Hún felur í sér að fólk geti staðið á útidyraþröskuldinum sínum og sagt við hvern sem er: Hingað og ekki lengra! Það varði engan um það - hvorki yfirvöld né nágranna - hvort börnin fari í háttinn klukkan átta eða ekki, hvort frúin haldi heim- ilisbókhald eða bóndinn leggi fyrir. Það er bara þeirra mál og einskis annars. Hefurðu eitthvað að fela? Á viðsjártímum gætir þeirrar til- hneigingar að vilja auka almennt eft- irlit með borgurunum, að gagnsæi sé aukið. Þeir, sem á hinn bóginn efast um aukið eftirlit með hinum almenna borgara, eru þá einatt spurðir: Hafið þið eitthvað að fela? Sú ógeðfellda röksemdafærsla í gervi spurningar felur þrennt í sér: Gefið er til kynna að einungis glæpamenn eða hryðjuverkamenn kunni að vilja halda einhverju fyrir sig. Efast er um þjóðhollustu þeirra, sem taka vörn persónuverndar- innar og gefið til kynna að þeir séu þá sjálfsagt með eitthvað misjafnt í pokahorninu. I þriðja lagi - og það skiptir mestu máli - er verið að snúa grundvallarreglu réttarríkisins á haus: að hver maður sé saklaus uns sekt hans er sönnuð. Þess er krafist af borgurunum, að þeir sanni sak- leysi sitt fyrir hverjum sem er, hve- nær sem er. Auðvitað verða stjórnvöld að hafa rannsóknarúrræði sem duga, en þá þarf líka að liggja fyrir rökstuddur grunur um eitthvað saknæmt, rann- Andrés Magnússon sókn framkvæmd i samræmi við lög og réttarheimildir af þar til bæru yf- irvaldi með ríkar trúnaðarskyldur og réttaröryggis sakborninga gætt í hvívetna. Um þetta hygg ég að menn séu almennt sammála hér á landi. En það er svo merkilegt að í landinu eru líka lög, sem skikka skattstjóra landsins til þess að leggja fram skatt- skrár hvers einasta framteljanda, beinlínis í þeim tilgangi að sam- borgararnir geti skoðað þær og gert athugasemdir. Allt í nafni gagnsæis, sem kvað vera afar eftirsóknarvert. Samborgaraeftirlitið Vandséð er að lögin þjóni neinum tilgangi nema þeim að svala gægju- hneigð stöku manna, því engin dæmi hafa fengist nefnd, þar sem þetta samborgaraeftirlit hafi hrundið af stað skattrannsókn, sem leitt hafi til sakfellingar. En hið óhugnanlegasta við þetta lagaákvæði er þó sú austur- þýska hugmyndafræði að gera þurfi þjóðina alla að uppljóstrurum um náunga sinn. Fari það og veri. Samt sem áður segja sumir að þetta sé nauðsynlegt í lýðræðisþjóð- félagi til þess að auka gagnsæið og byggja traust á milli borgaranna um að allir greiði það sem þeim ber í sameiginlega sjóði. Þetta séu opinber gjöld og þá eigi þau að vera opinber. Ég hygg raunar að samborgarae- fitrlitið sé síst til þess fallið að mynda traust í þjóðfélaginu, öðru nær. En ef menn telja að allt, sem snýr að hinu opinbera, eigi að vera opinbert, hvernig væri þá að menn stigu skrefið til fulls? Að ekki megi aðeins sjá hvað hver borgar í skatt, heldur einnig hvað hver þiggur frá hinu opinbera? Þá mætti lesa um heildartekjur opinberra starfs- manna, hvað bótaþegar af öllum stærðum og gerðum þiggja, hverjir fá opinbera styrki og þar fram eftir götum. Ekki síst væri þá ástæða til þess að láta birta nöfn þeirra, sem sækja í gögn af þessu tagi, svo grand- vart fólk geti varað sig á því. Eða er gagnsæið kannski orðið of mikið? Ég þekki engan sem vill búa í fiskabúri. Höfundur er blaðamaður. Morgunblaðið birti viðtal við nýjasta son Islands um helgina, sjálfan Bóbó Fi- scher. Eins og við var að búast var víða farið í stuttu viðtali, en aðallega gerði heimsmeistarinn fyrrverandi athugasemdir við að svissneski bankinn UBS hafi sagt upp reikningsviðskiptum við sig og selt gullforða sinn þar þegar gullverð var lægra en það er nú. SJálfur telur Bóbó Ijóst að gyðing- arnir standl að baki þessu, þó klippara rámi í að þeir hafi ekki verið svissneskum bönkum neitt sérlega kærir, svona í sögulegu samhengi. Mesta athygli hlýtur þó að vekja sú staðhæfing skáksnillingsins að íslenskir stjórnmálamenn séu á mála hjá álfurstum. Verður athyglisvert að sjá hvort einhverjirtaka undirþærgrunsemdir. Hagfræðingurinn lllugi Gunnars- son, sem lengi var aðstoðarmaður Davíðs Oddssonar, ritar grein ! Fréttablaðið um helgina, þar sem hann tekur fyrir sjónarmið, sem Ingibjörg Sólrún Gísladóttir, formaðurSamfylkingarinnar, kynnti í viðtali við Helga Seljan í þættinum Pressunni á NFS um fyrri helgi. Saumar lllugi talsvert að formann- inum, en síðan fer það eftir pólitískum smekk hvernig mönnum finnst honum takast til. En hitt má heita athyglisvert, að þessi grein llluga eru fyrstu og einu viðbrögðin við viðtalinu við Ingibjörgu Sólrúnu. Vanalega verða slík viðtöl fréttakveikjur, en þvívar ekki að heilsa að þessu sinni... Guðni Elísson, bók- menntafræðingur, svarar Lesbókargrein Björns Bjarnasonar um Kalda striðið f rá fyrri helgioggagnrýnir hann m.a. fyrirað halda því fram að í „skrifum vinstri sinnaðra menntamanna eimi enn eftir af yfirlæti, stílbrögðum og ofsa, fremur en málefnalegum rökum." Björn lætur engan eiga neitt hjá sér og á vef sínum (www.bjorn.is) bendir hann á að Guðni hafi bætt inn orðum í tilvitnuð orð sín. Björn segist vissulega hafa fjallað um skrif tiltekinna manna, en kveðst ekki hafa hugarflug til að telja þá til vinstri sinnaðra menntamanna! Þarna á Björn við þá Þráinn Bertelsson, Guðmund Steingrims- son og Eirík Bergmann Einarsson. andres.magnusson@bladid.net

x

blaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: blaðið
https://timarit.is/publication/941

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.