blaðið - 31.08.2006, Blaðsíða 24

24
FIMMTUDAGUR 31. ÁGÚST 2006 blaðið
Samkynhneigt kyntákn
Ijúlímánuði 1985 var umheim-
inum tilkynnt að leikarinn og
kyntáknið Rock Hudson væri
smitaður af eyðni. Fréttirnar
vöktu gríðarlega athygli en
leikarinn hafði á hvíta tjald-
inu þótt vera glæsileg ímynd hins
gagnkynhneigða manns. Rock Hud-
son lést nokkrum mánuðum eftir
að tilkynnt var um veikindi hans og
var fyrsta bandaríska stórstjarnan
sem lést úr eyðni.
Rock Hudson fæddist árið 1925 og
hét réttu nafni Roy Harold Scherer.
Faðir hans yfirgaf móður hans þegar
hann var barn. Móðirin giftist aftur
og stjúpfaðir Rocks lagði margoft
hendur á hann. Eini félagi hans á
æsku- og unglingsárum var móðir
hans sem hann sagði hafa verið
sér sem móðir, faðir og stóra systir.
Hann bar ákafa ást til hennar og
var harmi sleginn við dauða hennar
árið 1972.
fmynd karlmennskunnar
Tuttugu og tveggja ára gamall
kynntist hann Henry Wilson sam-
kynhneigðum umboðsmanni sem
breytti nafni hans í Rock Hudson
og útvegaði honum hlutverk í kvik-
myndinni Fighter Squadron þar
sem tók 38 tökur að fá hann til að
segja eina setningu á sómasamlegan
hátt. Hann lék í 25 kvikmyndum
áður en hann sló í gegn í kvikmynd-
inni Magnificent Obsession þar sem
hann lék á móti leikkonunni Jane
Wyman. Einhver sagði að áhrifa-
mesti leikur Rocks í þeirri mynd
hefði verið þegar hann fór úr skyrt-
unni til að þvo sér um hendurnar.
Hann þótti aldrei tiltakanlega góður
leikari og vinsældir átti hann ekki
síst að þakka fögru og karlmann-
legu útliti. Árið 1956 var hann þó
tilnefndur til Óskarsverðlauna fyrir
leik sinni í Giant og tveimur árum
síðar útnefndi Look Magazine hann
stjörnu ársins. Hann naut sérstakra
vinsælda fyrir leik sinn í þremur
myndum með Doris Day, Pillow
Talk, Lover Come Back og Send Me
No Flowers. Mestrar velgengni naut
hann á árunum 1957-1964.
Rock Hudson var aldrei hrósað
fyrir gáfur en hann þótti samvinnu-
fús við blaðamenn og var afar vin-
sæll af samstarfsmönnum vegna
alúðlegrar framkomu og örlætis.
Hann las ekki bækur og hafði engan
áhuga á stjórnmálum og trúmálum.
Hann sagði eitt sinn: „Einhver
spurði mig einu sinni hvaða lífsskoð-
anir ég aðhylltist og ég svaraði ein-
hverju fáránlegu þegar ég hefði átt
að segja: hvernig í andskotanum á
ég að vita það?“
Hjónaband til málamynda
Rock Hudson var samkyn-
hneigður en viðurkenndi það ekki
opinberlega. Hann hafði mikla
kynorku og leitaði margoft á unga
karlmenn sem léku aukahlutverk í
myndum hans. Meðleikurum hans
og ýmsu fjölmiðlafólki var vel kunn-
ugt um kynhneigð hans og umboðs-
maður hans hafði nóg að gera við að
fá það fólk til að þegja yfir vitneskju
sinni. Meðal elskhuga hans var leik-
arinn Jim Nabors en vegna ótta við
umtal slitu þeir sambandinu. Opin-
ber vitneskja um kynhneigð Rocks
hefði sennilega orðið til þess að eng-
inn hefði viljað ráða hann í vinnu í
Hollywood. Hann kvæntist til mála-
mynda Phyllis Gates, ritara umboðs-
manns síns, árið 1955. Þegar vinur
hennar sagði henni að Rock héldi
framhjá henni spurði hún: „Hvað
heitir hún?“ og fékk svarið: „Þú ert
svo barnaleg, það er engin hún, það
er hann.“ Phyllis sótti um skilnað.
I tíu ár bjó Rock með elskhuga
sínum Tom Clark sem reyndist
honum tryggur félagi. Þeir slitu
sambandi sínu tveimur árum fyrir
dauða Rocks en Clark sneri aftur
þegar Rock greindist með eyðni
og hjúkraði vini sínum af mikilli
umhyggju.