blaðið - 03.10.2006, Blaðsíða 22

30 ÞRIÐJUDAGUR 3. OKTÓBER 2006
blaðið
HVAÐ FINNST ÞÉR?
Muntu beita þér í
fangelsismálunum?
folk@bladid net »^9 keiti m®r • ölliim þörfummálumogþarer mikil þörf."
Árni Johnsen, frambjóðandi í
Suðnrkjördæmi fyrir Sjnlfstæðisfloldc
Húsnæðismál fangelsa hafa verið mikið í umræðunni en Árni hefur heldur
meiri reynslu af þeim málum en fyrrum kollegar hans.
HEYRST HEFUR...
Fyrirlestur Giulianis, fyrrver-
andi borgarstjóra New York,
á föstudaginn
var vel sóttur og
almenn ánægja
var með viðburð-
inn en þrátt
fyrir að langur
biðlisti hafi verið
á viðburðinn var salurinn
ekki fullsetinn. Heyrst hefur
að borgarstjórinn fyrrverandi
hafi átt í smávægilegum vand-
ræðum með ákvarðanatöku á
laugardaginn og snerust þau
vandræði um það hvernig hann
vildi eyða deginum. Búið var að
bóka heimsókn á golfvöllinn
um morguninn klukkan níu
en rétt fyrir tíu barst þeim sem
þar biðu símhringing þar sem
borgarstjórinn hafði skipt um
skoðun og ætlaði i útsýnisferð.
Sú ferð náði ekki lengra en svo
að þegar búið var að skipuleggja
hana ákvað borgarstjórinn
að skella sér frekar í golfið og
mætti þangað um hálfellefu.
Hann skemmti sér vel og eyddi
þar dágóðum tíma. f Höfða beið
kollega Giulianis, Vilhjálmur
Þór, en móttaka hafði verið
skipulögð þar klukkan ellefu.
Giuliani yfirgaf golfvöllinn rétt
fyrir tólf og átti þá eftir að heim-
sækja Vilhjálm, hitta forsetann
og halda blaðamannafund, allt á
sama klukkutímanum.
Hundrað ára afmæli símans
var fagnað með pompi og
prakt á laugardaginn og mættu
í partíið um 2000
manns. Heyrst
hefur að snittur
sumra kvenfrels-
issinnaðra gesta
hafi tekið léttan
kipp í koki þeirra
þegar þeir hlustuðu á afmælis-
ræðu Lýðs Guðmundssonar,
stjórnarformanns Símans, í part-
íinu. í ræðunni líkti hann Sím-
anum við karlmann og spurði
meðal annars, hver annar
myndi halda upp á 100 ára
afmælið sitt með fáklæddum
konum og poppstjörnum?
Kynjagleraugu og trjárækt
Atli Gíslason, lögmaður og vara-
þingmaður Vinstri grænna, á sér
margar ástríður, pólitískar sem
ópólitískar. Atli er ástríðufullur
mannréttindasinni og segist skoða
öll mál út frá mannréttindasjón-
armiðum. Hann hefur látið til sín
taka á sviðum kvenfrelsismála, um-
hverfismála og í málefnum barna.
Atli er femínisti sem þótti nokk-
urt tiltökumál þegar hann tilkynnti
það opinberlega á sínum tíma. „Ég
og sonur minn Gísli Hrafn erum
virkir í Femínistafélaginu. Ég er
að segja eitthvað sem konur hafa
sagt á undan mér. Engin ný sann-
indi frá mér en ég fæ miklu meiri
athygli þegar ég kem fram sem karl-
maðurog tala máli kvenfrelsis. Mér
blöskrar og er stórlega misboðið yfir
þeim mannréttindabrotum sem eru
framin gegn konum og vil að þeim
linni,” segir Atli sem vill lögboðinn
kynjakvóta.
„Það er ekki eins og það sé vanda-
mál að finna hæfa konu til starfa.
Það þarf bara að viðhafa ákveðna
hugsun. Menn eiga að horfa á öll
mál í gegnum kynjagleraugu. Þetta
eru mín sérmál. Ég vil kynjagler-
augun upp. Mér leið ágætlega á
mínu uppvaxtarheimili þar sem
ríkti jafnræði og vildi óska þess að
slíkt jafnræði gilti í samfélaginu
líka. Karlar eiga líka mæður, sjáðu
til,” segir Atli sem hefur einnig
verið virkur í baráttunni gegn kyn-
bundnu ofbeldi. Hann segir að al-
varlegt mál konu sem var nauðgað
hafi endanlega opnað augu hans
fyrir því hversu illa er komið fyrir
þessum málum í réttarkerfi okkar.
„Kynferðislegt ofbeldi gegn konum
felur í sér brot á friðhelgi einkalífs
þeirra. Það er að segja, sjálfsákvörð-
unarréttur þeirra er brotinn á bak
aftur og ég fékk mál konu sem var
nauðgað sem ég vann í hæstarétti.
Konunni var hópnauðgað og ekki
var gefin út ákæra af lögregluemb-
ættinu. Konan þurfti að höfða einka-
mál til að ná fram rétti sínum.”
Atli er einnig umhverfisverndar-
sinni og telur það skyldu okkar að
skila náttúrunni í betra ástandi
til barna okkar en við tökum við
henni.
„Mitt aðaláhugamál er skógrækt
og garðyrkja” segir Atli. “Ég hef síð-
astliðna 25 mánuði unnið að því að
rækta upp land við sumarbústað
minn í Grímsnesi af miklum áhuga,”
en Atli dvelur oft í sumarbústað
sínum, bæði á sumrum og vetrum
og finnst mjög gott að vera þar til að
vinna. „Sérstaklega þegar ég er að
vinna að erfiðum málum þar sem
þar er friðsælt og gott að vera.”
Atli segist einnig lesa mjög mikið
og les þá allt mögulegt en spennu-
sögur segir hann vera í sérstöku
uppáhaldi og hann er mikið fyrir
bækur eftir íslenska rithöfunda.
Atli syndir á hverjum morgni af
mikilli ástríðu, honum finnst gott
að hugsa málin meðan hann syndir
og það kemur fyrir að hann gleymir
að telja ferðirnar ef um mikilvægar
ákvarðanir eða mál er að ræða.
Atli segir að hann hafi fundið
sér nýja ástríðu en það eru málefni
barna sem eiga við geðraskanir að
stríða. Hann segir þessi börn, sem
eru um 30 til 50 í hverjum árgangi,
vera í algeru limbói í kerfinu í dag.
„Þetta eru börn sem eiga á hættu að
lenda í fíkniefnum og ýmsum erf-
iðleikum seinna á lífsleiðinni. Það
kostar þjóðfélagið mun minna að
sinna þessum börnum í dag en að
gera ekkert,” segir Atli að lokum og
segist vera ástríðufullur og metnað-
argjarn um þau mál sem hann tekur
fyrir og vill vinna í þeim af miklum
krafti. „Mér Ieiðist að gára bara
yfirborðið.”
SU DOKU talnaþraut
9 2 6 i 4 8 3 5 7
1 7 8 5 3 2 4 6 9
5 3 4 9 6 7 8 2 1
4 5 2 6 9 1 7 3 8
6 8 9 3 7 4 2 1 5
3 1 7 8 2 5 9 4 6
2 6 1 7 8 3 5 9 4
7 4 5 2 1 9 6 8 3
8 9 3 4 5 6 1 7 2
Lausn síðustu gátu:
Su Doku þrautin snýst um að raða tölunum
frá 1-9 lárétt og lóðrétt í reitina, þannig
að hver tala komi ekki nema einu sinni
fyrir (hverri línu, hvort sem er lárétt eða
lóðrétt. Sömu tölu má aukin heldur
aðeins nota einu sinni innan hvers n(u
reita fylkis. Unnt er að leysa þrautina út
frá þeim tölum, sem upp eru gefnar.
Gáta dagsins:
2 3 1
1
4 8 6 9 2
5 4 6
7 4 1 9 2
8 2 3 7 4
3 6 7 8 2 4
8 1
8
Af hverju ertu alveg hættur að fara í veiði?
Á förnum vegi
Telurðu varnir íslands
tryggðar?
Ásgeir Valur Sigurðsson Ég
tel að við þurfum ekki á neinum
vörnum að halda.
Jón Gunnar Benjamínsson,
ferðamálafræðingur Já, ég geri
það. Ég treysti ráðamönnum til
að hafa tekið góða ákvörðun.
Valdís Tómasdóttir Nei, það
geri ég ekki.
Sveinn Aðalsteinsson, við-
skiptafræðingur Ég hef ekki
hugmynd um það. Ráðamenn
hafa ekki gefið upp hverjar varn-
ir landsins eru.
Tómas Jónsson, nemi Ég hef
enga skoðun á því.