blaðið - 09.05.2007, Qupperneq 3

Frístundakort
Nýtt styrkjakerfi í frístundastarfi
Auglýst er eftir samstarfsaðilum á vettvangi æskulýðs-, íþrótta-
og menningarstarfs í Reykjavík.
Reykjavíkurborg mun í haust taka upp nýtt styrkjakerfi, Frístundakort, vegna þátttöku barna og
unglinga 6 til 18 ára í æskulýös-, íþrótta- og menningarstarfi frjálsra félaga í borginni.
Með Frístundakortinu má greiða hluta af kostnaði við þátttöku í íþrótta-, lista- og tómstundastarfsemi
á vegum félaga og samtaka sem starfa í Reykjavík og nágrannasveitarfélögunum.
Markmið Frístundakortsins er að auðvelda börnum og unglingum í Reykjavík að sinna uppbyggilegu
frístundastarfi óháð efnahag fjölskyldna.
Skilyrði fyrir því að styrkurinn nýtist til greiðslu á hluta kostnaðar við þátttöku er að félagið geri
formlegan samning við íþrótta- og tómstundaráð Reykjavíkur um aðild að Frístundakortinu.
Félög sem þátt vilja taka í hinu nýja styrkjakerfi geta sótt um að gerast aðilar að samningi þar sem
skilyrði og gæðaviðmið eru útlistuð.
Með samningnum er leitast við að tryggja markmið Frístundakortsins og þess sérstaklega gætt að:
• nýtt styrktarkerfi leiði til aukins jöfnuðar í aðgengi að frístundastarfi
• ekki verði óeðlilegar hækkanir á gjaldskrám eða öðrum kostnaði
• fagleg gæði og viðmið í starfsemi gjaldi ekki fyrir aukna þátttöku
Umsóknarfrestur er til 21. maí nk.
Nánari upplýsingar ásamt umsóknareyðublaði
eru á heimasíðu ÍTR, www.itr.is