blaðið - 30.05.2007, Side 6

MIÐVIKUDAGUR 30. MAI 2007
blaðið
Verður stærsta frystigeymslufyrirtækið
Stjórn Eimskipa hefur samþykkt að gera formlegt yfir-
tökutilboð í allt hlutafé Versacold Income Fund I Kanada.
Tilboðið hljóðar upp á 12,25 Kanadadollara á hlut og
nemur heildarkostnaðurinn um 67 milljörðum króna. Eim-
skip hefur nú þegar tryggt sér um 25,3% hlutafjárins.
HAFNARFJORÐUR
Þjóðahátíð á iaugardag
Þjóðahátíð Alþjóðahússins verður haldin I íþrótta-
húsinu við Strandgötu í Hafnarfirði á laugardag.
Á henni verður boðið upp á mat, tónlist og menn-
ingu frá öllum heimshornum. Hátíðin er liður í
lista- og menningarhátíðinni Björtum dögum.
HÉRAÐSDÓMUR
Tveir mánuðir fyrir tvö tannbrot
Tvítugur karlmaður var dæmdur í tveggja mánaða fang-
elsi í Héraðsdómi Reykjavíkur í gær. Hann var dæmdur
fyrir tvær líkamsárásir sem áttu sér stað í október árið
2005 og september árið 2006, en í bæði skiptin braut
hann tennur í manni. Hann greiðir málskostnað.
Umdeildur sjónvarpsþáttur:
Nýru í verðlaun
Sjónvarpsþáttur einn í Hol-
landi hefur valdið miklum sið-
ferðislegum deilum í landinu og
hafa stjórnmálamenn þar farið
fram á að þátturinn verði ekki
sýndur í sjónvarpi. Þátturinn ber
heitið „Stóri líffæragjafaþáttur-
inn“ og bítast þrír þátttakendur
um verðlaunin, sem eru nýru
úr dauðvona konu. Hún sér sjálf
um að velja líffæraþegann eftir
að hafa kynnt sér sögu þátttak-
endanna og rætt við fjölskyldur
þeirra.
„Þetta er brjáluð hugmynd
segir Joop Atsma, leiðtogi Kristi-
legra demókrata. Flokkur hans
er einn nokkurra sem farið
hafa fram á að hætt verði við
framleiðslu þáttanna. Framleið-
endurnir ætla ekki að verða við
beiðninni og segja að þátturinn
leiði í ljós skort á liffæragjöfum
í landinu.
Snúningsdiskur
Háþrýstidælur
K 7.85 M Plus
Þegar gerðar eru hámarkskröfur
Vinnuþrýstingur:
20-150 bör
Vatnsmagn:
550 Itr/klst
Stillanlegur úöi
Sápuskammtari
Túrbóstútur + 50%
12 m slönguhjól
K 7.80 M Plus
K 5.80 M Plus
■ Vinnuþrýstingur:
20-125 bör
■ Vatnsmagn:
450 Itr/klst
■ Lengd slöngu: 7,5 m
■ Stillanlegur úði
■ Túrbóstútur + 50% -
■ Sápuskammtari " 0
■«»
K 6.80 M Plus
Vinnuþrýstingur
20-150 bör
Stillanlegur úði
Sápuskammtari
■ Vatnsmagn: 550 Itr/klst
■ Túrbóstútur + 50%
■ Lengd slöngu: 9 m
Vinnuþrýstingur: 20-135 bör
Vatnsmagn: 530 Itr/klst
Túrbóstútur + 50%
Lengd slöngu: 9 m
Sápuskammtari
Stillanlegur úði
Ymsir aukahlutir

RAFVER
SKEIFAN 3E-F • SÍMI 581-2333 • FAX 568-0215 ■ WWW.RAFVER.IS
þriðjudaga
Auglýsingasíminn er
510 3744
Rýnt f röntgenmyndir Röntgen-
laeknir leitar eftir meinum í myndum.
Bla6i6/Ómor
Uppgötvun erfðabreytileika sem auka líkur á brjóstakrabba:
Þróa á tæki
til greiningar
■ Stór hluti ber breytileikana ■ Umhverfisþáttur í áhættunni
■ Eykur á bjartsýni
Eftir Ingibjörgu B. Sveinsdóttur
ingibjorg@bladid.net
„Það er mjög mikilvægt að horfa til
þess að það sem búið er að finna
núna skýrir bara 25 prósent af
áhættunni á brjóstakrabbameini.
Það er dálítið langt í land þar til
hægt verður að segja konu að
hún sé ekki í áhættu," segir Kári
Stefánsson, forstjóri íslenskrar
erfðagreiningar.
Vísindamenn hjá fyrirtækinu og
samstarfsmenn þeirra birtu um
helgina niðurstöður rannsóknar
sem leiddi til uppgötvunar tveggja
nýrra erfðabreytileika sem auka
áhættu á brjóstakrabbameini hjá
konum af evrópskum uppruna.
Töluverð vinna er þó eftir áður en
greiningartæki kemur á markað á
grundvelli þessarar uppgötvunar.
Óháðaldri
Samkvæmt niðurstöðum rann-
sóknarinnar bera 25 prósent
kvenna af evrópskum uppruna
tvö eintök af erfðabreytileikanum
á litningi 2 og eykur það líkurnar
á brjóstakrabbameini um 44 pró-
sent miðað við þær konur sem
ekki bera breytileikann. Alls bera
7 prósent kvenna erfðabreytileik-
ann á litningi 16 og eykur það lík-
urnar á brjóstakrabbameini um
64 prósent miðað við þær konur
sem breytileikinn finnst ekki í.
Fyrsta skrefið í uppgötvun-
unum var skimun á erfðameng-
inu með greiningu á 300.000
erfðabreytileikum í stórum hópi
íslenskra brjóstakrabbameinssjúk-
linga óg heilbrigðum viðmiðunar-
hópi. Nokkrir erfðabreytileikar
sem sýndu fylgni við sjúkdóminn
í íslenska hópnum voru því næst
prófaðir í öðrum hópum frá ís-
landi, Svíþjóð, Spáni, Hollandi og
Bandaríkjunum. Þátttakendur i
rannsókninni voru 21 þúsund, þar
af 18 þúsund á íslandi.
Erfðabreytileikarnir sem fund-
ust eru óháðir aldri en tengsl
eru á milli þeirra og ákveðinnar
tegundar krabbameins. „Þessir
breytileikar sem við fundum
tengjast sérstaklega estrógenvið-
taka jákvæðum æxlum sem eru
háð kvenkynshormónum í vexti,“
greinir Kári frá.
Umhverfisþættir mikilvægir
„En algengir sjúkdómar eins
og brjóstakrabbamein eru alltaf
þannig að umhverfisþáttur er í
áhættunni.
Það er hægt að fá sjúkdóminn
þótt ekki sé til staðar erfðabreyti-
leiki sem eykur líkurnar á að
maður fái hann. Maður þarf þó
að verða fyrir meiri umhverfis-
áhrifum heldur en þeir sem eru
með arfgenga áhættu. Langoftast
er um að ræða bæði erfðaþátt og
umhverfisáhættu."
Forstjóri íslenskrar erfðagrein-
ingar segir að umhverfisþættir
skipti miklu máli varðandi al-
genga sjúkdóma. „Þetta þýðir að
hægt er að hefja leit að umhverfis-
þætti og forðast hann til að koma
í veg fyrir að arfgeng áhætta verði
að sjúkdómi. Þetta býður líka upp
á að sett verði eitthvað í umhverfið
sem setur lífræna ferlið í andstæða
átt, til dæmis lyf sem mætti nota
til forvarna. Erfðir algengra sjúk-
dóma eru á þann hátt að þær auka
manni bjartsýni á möguleikana á
að takast á við sjúkdóminn
Það er von Kára að uppgötvunin
opni möguleikana á samvinnu
Þettaá
endanlega að
frelsa okkur
Kári Stefánsson,
forstjóri Islenskrar
Erföagreiningar
við íslenska vísindamenn á Land-
spítalanum og hjá Krabbameins-
félaginu sem fyrir 12 árum áttu
hlutdeild í uppgötvun sjaldgæfra
brjóstakrabbameinsgena en stökk-
breytingar í þeim auka áhættuna
mjög mikið.
Skoða þarf samspilið
Með uppgötvun vísindamanna
íslenskrar erfðagreiningar og
vísindamanna úti í heimi hefur
verið varpað ljósi á fimm breyti-
leg svæði í erfðamenginu. „Það
sem þarf að gera næst er að reyna
að skoða samspil þessara svæða
og nota skilning okkar á samspili
þeirra til að búa til greiningartæki
til að finna þær konur sem eru í
áhættu og þurfa á nákvæmasta eft-
irlitinu að halda. Það verður alltaf
að finna aðferðina til að greina
áður en fundin er aðferð til að
lækna.“
Kári leggur áherslu á mikilvægi
þess að einstaklingar viti hvort
þeir séu í áhættuhópi. „Það gerir
ekkert annað en að opna þá mögu-
leika að viðkomandi geti farið að
gera eitthvað við þeirri áhættu
sem hann fæðist með. Það eru til
umhverfisþættir sem við getum
annað hvort sótt í eða forðast til
að hafa áhrif á þær líkur að þessi
arfgenga áhætta verði að sjúk-
dómi. Þetta á endanlega að frelsa
okkur en ekki að hneppa okkur í
þrældóm."