blaðið - 25.09.2007, Side 16

ÞRIÐJUDAGUR 25. SEPTEMBER 2007
blaöiö

KOLLAOGKÚLTÚRINN
kolbrun@bladid.net

ímyndunaraflið er eina vopnið
í baráttunni gegn raunveruleik-
anum.
Jules de Gaultier
Máni fékk
Blóðdropann
fslensku glæpasagnaverð-
launin 2007 voru afhent í
fyrsta sinn sunnudaginn 23.
september í Iðu bókaverslun.
fslensku glæpasagnaverð-
launin 2007, Blóðdropann,
hlaut Stefán Máni fyrir bókina
Skipið. Bókin verður jafnframt
framlag íslands til norrænu
glæpasagnaverðlaunanna Gler-
lykilsins 2008.
Sagan segir frá skrautlegri
áhöfn skipsins Per se. Þeir
eru níu talsins og flestir með
eitthvað misjafnt í pokahorn-
inu. Þannig er einn nýbúinn
að myrða eiginkonu sína og
annar er með handrukkara
á hælunum. Sagan segir frá
ógnum, fjandskap, tortryggni
og baráttu þeirra í milli um
borð í skipi á reginhafi.
f dómnefnd Hins íslenska
glæpafélags eru Gunnþórunn
Guðmundsdóttir, Kristján
jóhann Jónsson og Ingibjörg
Rögnvaldsdóttir.
Ráðstefna
um Jónas
Vísindafélag fslendinga og
Háskóli f slands gangast fyrir
ráðstefnu um vísindamanninn
Jónas Hallgrímsson laugar-
daginn 29. september 2007, kl.
13.30-16.30 í hátíðarsal Háskóla
íslands.
Fluttir verða fimm fyrirlestrar
og munu útdrættir þeirra
liggja frammi við upphaf
ráðstefnunnar. Aðgangur er
ókeypis og öllum heimill.
Fyrirlesarar eru: Sveinbjörn
Rafnsson sagnfræðingur,
Sigurður Steinþórsson jarð-
fræðingur, Trausti Jónsson
veðurfræðingur, Hilmar
Garðarsson sagnfræðingur,
Guðrún Kvaran prófessor
og Sveinn Yngvi Egilsson
íslenskufræðingur.
AFMÆLII DAG
Glenn Gould tónskáld og
píanóleikari, 1932
Barbara Walters
fréttakona, 1931
Guðrún Nielsen skúlptúrlistamaður tekur þátt í afmælissýningu Breska skúlptúrfélagsins
Tegarðshlið í
frægum garði
Guðrún Nielsen segist
seint gleyma því að sjá
allsnakta gesti við te-
garðshlið sitt í Abbey
House Gardens.
Eftir Kolbrúnu Bergþórsdóttur
kolbrun@bladid.net
Guðrún Nielsen skúlptúrlista-
kona sýnir verk sitt Japanskt te-
garðshlið í Abbey House Gardens í
Wiltshire en þar stendur yfir ein af
afmælissýningum Breska skúlptúr-
félagsins RBS sem varð hundrað ára
2005. Sýningin nefnist Spectrum og
45 listamenn taka þátt í henni.
Guðrún fluttist til Bretlands
árið 1989, hefur sýnt reglulega þar
í landi og hlotið verðlaun fyrir verk
sín. Hún fluttist heim til íslands
árið 2003 en hefur vinnuaðstöðu í
Bretlandi.
Berir gestir
Verk Guðrúnar á sýningunni
nefnist Amigasamon. Amigasa
þýðir regnhattur og líkist þakið
einum slíkum. „Allt frá því ég fór
með manni mínum til Japans árið
2003 hef ég heillast af öllu sem
japanskt er, sérstaklega af hinum
gömlu trébyggingum Japana og
Zen-görðunum. Það fór að gæta
sterkra japanskra áhrifa í verkum
mínum eftir þá ferð. Nú sýni ég
japanskt tegarðshlið á sýningunni
í Abbey House Gardens," segir Guð-
rún. „Hliðið fellur vel að umhverf-
inu, stendur á lítilli hæð við ána
Avon sem rennur í gegnum garðinn.
Þegar fólk kemur að hliðinu bregst
það mismunandi við. Sumir halda
að það hafi alltaf verið þarna og
taka ekkert sérstaklega eftir því
en þeir sem þekkja til japanskra te-
húsa fara ósjálfrátt að leita að tehúsi
innan garðsins en þar finnst ekkert
tehús.“
Eigendur Abbey House eru hjónin
Barbara og Ian Pollard. Þau hafa í
sameiningu skapað þar garð sem
þykir óvenjufagur og laðar að gesti
alls staðar að úr heiminum. Þetta
er staður með 1300 ára skráða sögu.
I garðinum er að finna 10.000 tré,
runna og plöntur.
Guðrún Nielsen við tegarðshliðið.
Árlega heimsækja um 60.000
gestir Abbey House Gardens. Öðru
hverju eru haldnir í garðinum
„Clothes Optional Day“ og þá geta
gestir mætt án fata. „Ég vissi ekki
af þessum sið fyrr en vinkona mín
hringdi í mig,“ segir Guðrún. „Hún
sagðist hafa komið þarna við á
miklum rigningardegi. Hún hefði
séð hóp karlmanna og nokkurra
kvenna standa undir verki mínu. Ég
spurði hvort hún hefði ekki farið að
því og skoðað. Nei, sagði hún, það
voru allir berir.
Mér fannst þetta svo sérstakt að
ég ákvað að vera viðstödd á slikum
degi og mætti 9. september snemma
morguns. Þá sá ég hvar Barbara
var að snyrta eitt blómabeðið og
var ekki í nokkurri spjör. Mér brá
nokkuð en fór á næsta kaffihús og
skellti i mig sterku kaffi og mætti
svo þegar opnað var. Húsbóndinn
gekk til mín allsnakinn og faðmaði
KONAN
►
►
►
Sýningin í Abbey House Gar-
dens stendur til 21. október.
í Englandi hefur Guðrún unn-
ið til verðlauna fyrir verk sín.
Verk eftir Guðrúnu er að
finna í einkaeigu, hjá fyr-
irtækjum og stofnunum í
Englandi, Danmörku, Banda-
ríkjunum og á íslandi.
mig og kynnti mig fyrir gestum sem
flestir voru berir. Að sumu leyti
var þetta allt mjög hversdagslegt,
fólk sólaði sig, las í bók, fékk sér te
eða kaffi, spjallaði, nokkrir syntu
í ánni., aðrir nutu staðarins og
veðurblíðunnar. Flestir voru naktir,
áberandi minnihluti léttklæddur
en sjálf var ég í lopapeysu í 20 stiga
hita. Ég mun seint gleyma þessu,“
segir Guðrún.
4 Barbara og lan Pollard Þau höfðu
- síður en svo á móti því að láta .'?■
| mynda sig nakin við hliðið.
MENNINGARMOLINN
Fæðing
Nóbelshöfundar
Á þessum degi árið 1897 fæddist
Nóbelsverðlaunarithöfundurinn
William Faulkner í Mississippi. Það
var nágranni fjölskyldunnar sem
fjármagnaði útgáfu á fyrstu ljóða-
bók hans, The Marble Faun, árið
1924. Fyrsta skáldsaga hans Soldier’s
Pay kom út tveimur árum síðar.
Árið 1929 kvæntist hann æskuást
sinni Estelle, sem þá var fráskilin
tveggja barna móðir. Óhefðbundnar
skáldsögur Faulkner seldust ekki
nægilega vel til að hann gæti fram-
fleytt fjölskyldu sinni og til að auka
tekjur sínar seldi hann smásögur til
tímarita og skrifaði handrit fyrir
Hollywood-myndir. Hann er hand-
ritshöfundur að tveimur rómuðum
kvikmyndum sem Humphrey Bog-
art lék í: To Have and Have Not og
The Big Sleep.
Árið 1949 hlaut hann Nóbelsverð-
launin í bókmenntum. Hann lést af
völdum hjartaáfalls, 65 ára gamall.